سأظل احبك رغم فعلتك السابقه لي

36

: عمر مو ناوي تعلمني من هذي المزة
منار: احترم نفسك
: ما قلت شي غلط!!
عمر: طيب يعني لازم تقول لها مزة؟
: أقول تكلم مين هذي الي جايبها معك
عمر: مو أنا الي جايبها عناد
: و من متى عناد يناظر البنات ، الي اعرفه عناد يكره جنس حواء ... اخيرا قرر يحب
عمر: مو سالفة حب
: اجل
عمر: السالفة ومافيها انه .... بينهم مشاكل
: انتي تدورين مشاكل قبل الزواج
منار: شقصدك؟!؟!!
: لا تتمشكلين مع عناد من الحين و انتم ما تزوجتم
منار: كلزق لو انه آخر واحد ما قبلت فيه
: طيب قولي لي وش اسمك
منار: مالك دخل
عمر: اسمها منار
: منار!! ، اها
منار: و انت بس فاتح فمك هذا الي فالح فيه
عمر: وش فيها
: هههههه اسمها عورة
منار: انت انطم
عمر: المهم هذا طلال توأم عناد
منار بصدمه: كيييييييف؟؟؟!!
طلال: وجع قصري صوتك
منار: انتم كيف توأم؟!!
طلال: وش الي كيف توأم ، انخلقنا توأم من الله
منار: اقصد ما تشبهون بعض
طلال: مو لازم كل توأم يشبهون بعض
منار: صراحة ما ادري كيف بس الاختلاف الي بينكم يخوف
طلال: الاختلاف كبير لهالدرجة
منار: إيه هو شكله واضح سعودي منا و فينا لكن انت اسفة لك بس ...... كأنك واحد من الفلبن بس مو مرة
طلال بزعل: جرحتيني
منار: ليه تزعل من الحقيقة ، بعدين وش فيهم الفلبن اغلبهم مزز
عمر: واضح انسجمتم مع بعض

وراح للغرفة

منار: لا والعياذ بالله
طلال: ليه وش فيني
منار: تسألني وش فيك؟!! ما فيك شي بس انت توأم ذاك الرمه و أنا لما اكره احد اكره قبيلته كلها لان واضح أنكم نفس الطخة

التفتو على صوت الباب

هيثم: الله يالدنيا من متى طلال يخرج من الغرفة ، ولا و يسولف مع بنت لا يكون نهاية العالم قربت
طلال: ليه ما قلتم لي ان فيه مزة هنا كان طلعت من زمان
خالد: طلال اهجد
طلال: هلا والله خالد هنا وش صاير اليوم أشوف أشياء غريبه
قرب منه يسلم عليه
دخل عناد و جات عينه على منار و هي جالسه على الكنب
عناد: انتي قومي
منار بدون نفس: شايفني كويسة عشان أقوم
قرب منها سحبها من يدها و دفعها على الأرض

صرخت منار بألم لان جرح رجلها باقي ما تشافى
: وجع يالمريض انت وش في قلبك
قرب خالد منها بسرعة بخوف و شالها ، خرج عمر من الغرفة يوم سمع صرختها
عمر: وش فيها ؟!
طلال: ما ادري وش فيها شخصنتها مع اخوي بس عشان دفعها في الأرض
عمر بصدمة: الجرح باقي ما تشافى
طلال:جرح؟!!
سلطان: إيه اخوك ماقصر معها غرز السكين برجلها
خالد بعصبيه: عناد انت خويي على عيني و راسي بس ما اسمح لك تأذيها بأي شكل من الأشكال
عناد: خلها تذلف
طلال: هههههه ماهي غريبه من اخوي ، بعدين وش علاقتك فيها يا خالد لا تقول لي حبيبتك
خالد: فكر بكلامك قبل ما تقوله
طلال: هههههه
منار بكره: وش الي يضحك في الموضوع ، اخوك مسوي جريمة و عادي عندك!
طلال: انتي قلتيها اخوي مب أنا عشان أشيل همه
منار: عيلة مريضة
وقف عناد وحط يدينه بجيوبه وقرب من خالد الي شايل منار
عناد: عيدي كلامك
خالد: عناد اهجد
طلال: إلا يا اخوي قلي وش سالفتك معها
عناد: ولا شي
طلال: اجل ليه جايبها!!
عناد: كذا مزاج
نزلت من بين يدين خالد و حطت يدها على خصرها
منار: أصلا مارح اقعد هنا بخرج
عناد: و مين انتي عشان تقررين
منار: أنا منار بنت حمد إذا مو عاجبتك هذا هو الجدار وراك طق رأسك فيه و رح اخرج وقت الي ابي اخرج فيه
عناد: الظاهر ما تعرفين من هو عناد بن ناصر وش بيسوي فيك إذا عتبت رجلك الباب
خالد: انا الي بخرجها انت شايف وجودها هنا كويس!!
بالذات ان كلنا هنا شباب و هي بنت ما ينفع
عناد: طيب! سوي الي براسك و أنا متى ما بغيتها بجيبها
مسك خالد يدها: يلا يا منار روحي لفصلك توها الحصة الرابعة
منار: ابي اروح البيت
خالد: و الحصص
منار: أنا ما حضرت باقي الحصص ليه أحضر آخر الحصص ، وبعدين وش بقول لهم إذا سألوني ويني باقي الحصص!
خالد: طيب أنا بوصلك البيت
طلال: أنا بجي معكم ابي آخذ كم غرض و وصلني البيت
خالد: يلا
مشى و سحب منار معه
منار بألم: يحمار شوي شوي
خالد: نسيت ، يلا امشي
طلال: مافي احسن من خالد يعيشك أميرة
منار: وش يعني!!
طلال بهمس: يعني ينفع لك
منار: مو المفروض يكون عمي؟!
خالد: ابوكِ متى صار اخوي؟؟
منار: بس عمو ملوك اخوك
خالد: طيب اخوي و ابوكِ اخوان؟؟
منار: لا
خالد بنفاذ صبر: منار لو سمحتي فكري ترا عبدالملك مو عمك يعني يقدر يتزوجك
منار بشهقة: ما يصير هو زوج خالتي شادن!!
خالد: إيه عادي يأخذك زوجة ثانية
منار: لا يمكن إني أقبل بواحد متزوج
طلال: دامك تقولين لإخوه عمو ليه ما تقولين لخالد عمو
منار: لأنه مو عمي
طلال: طيب اخوه مو عمك!
منار: احترام لأنه متزوج وهو خوي بابا ، بس هذا عم يارا لا يمكن إني أقول له عمو
خالد: ماطلبت منك
وصلوا لسيارة خالد ، فتح خالد لها الباب الخلفي للسيارة عشان تركب
منار: خير ابي اركب قدام
طلال: توكلي جلست قبلك
منار بعقل صغير: مالي دخل ابي قدام
خالد: منار بس نوصله لبيته بتجلسين قدام الحين اجلسي ورا
طلال: احترمي الي اكبر منك يا بنت
منار: كلزق
طلال: تؤ تؤ عيب عليك
خالد: يلا يا منار
ركبت بزعل ماتبي تكثر كلام مع طلال عشان لا تقلبها عليه
خالد: يلا وين تبي ارميك
طلال: وقف عند السوبر ماركت
خالد: أكيد تبي تدخن
منار بشهقة: انت تدخن!!
طلال: إيه وش يعني
منار: الله يقرفك
طلال: شرايك تجربين
خالد: آقول اهجد ما لقيت إلا هي
طلال: الي معي تدخن
خالد: منار غير عن الي معك
طلال: ليه وش الفرق بينهم كلهم بنات!
خالد: منار بنت ناس محترمة و مو من النوع الي تخون ثقة أهلها اما البنت الي معك واضح بايعة الدنيا و تحب الهياتة و مو غريبة منها لما تدخن لأنها بنت شوارع
طلال: امممم منطقي
منار: الأخ يحسب كل البنات نفس بعض
خالد: ما ألومه كل البنات الي عنده بنات شوارع
طلال: فيه احلى من بنات الشوارع!
منار: لا يكون تبي وحدة منهم تكون زوجتك!
طلال: ليه تغارين
منار: أنا ما أعرفك عشان أغار
طلال بتنهيدة: والله شوفي أنا ارتحت لك شرايك نتزوج
منار بفجعة: وجع مين انت عشان أقبل فيك
طلال: أنا طلال
خالد: يا ربي من ثقالة دمك
منار: خالد تكفى نزله و اسحب عليه خله يروح لبيته كعابي مو قادرة أتحمله
طلال: معليك بيجي يوم تتحمليني فيه
خالد: خلاص وصلنا السوبر ماركت
نزل طلال من السيارة و توجه للباب الخلفي للسيارة من جهة منار وفتحه
طلال: ماتبين شي أجيبه معي
منار: جيب لبن بارد ابيضّ
طلال: تصدقين كنت احسب اللبن اسود
منار: تستخف حضرتك!
طلال: انتي غبية وش اسوي لك
منار: أقول توكل
خالد: لا تتأخر
.....................................................
جوري: طيب ليه؟!
حمد: وش ليه دوامي صار هناك انتداب
جوري: يعني بتسافر لوحدك
حمد: لا باخذكم معي
جوري: طيب و مدارس العيال!!
حمد: يحي اسألتكِ كثرت
جوري: طيب كل شي كذا بيصير فجأة و انت ما قصرت قلتها بدون مقدمات
حمد: خلاص انتي ما عليكِ أنا بتصرف و العيال بنقل أوراقهم لمدرسة موجودة بنفس المنطقة
جوري: يصير خير
................................
دخل السيارة و معه اكياس
طلال: هاه تأخرت!
منار بسخرية: لا أبدا
خالد: وش ذي الأكياس كان قلت انك بتقضي لبيتكم
طلال: لا جايبهم للعسل الي ورا
منار: أنا قلت لك لبن بس
طلال: جبت لك لبن و مفرحات
منار: واضح معك فلوس تبي تخلصهم!
خالد: فجأة صرت حنون عليها
طلال: إذا ما شريت لها اشتري لمين
منار: أختك
طلال: ما عندي أخت!
منار: أمك
طلال بتكشيرة: امي؟!!
منار بستغراب: إيه أمك
طلال ببرود: ما هي محتاجة شي
منار: مو لازم تحتاج انت المفروض تجيب لها بدون ما تقول لك
خالد حس ان الجو بدأ يتكهرب و مزاج طلال تعكر
: منار خلاص
منار: شفيكم عادي ، ترا مجرد نقاش
خالد: غيري الموضوع

(انتهى🤎)

روحوا شوفو روايتي الجديدة اسمها (لماذا أنا؟) إذا أعجبتكم رح استمرّ عليها و اسحب على باقي الروايات لان الصدق مافي أفكار إذا تبون أكمل رواياتي رح اضطرّ اسحب على الرواية الجديدة