بسم الله الرحمن الرحيم
بقلمي:بنو ال علي
لاتَنسون التعَليق بَين الفقرات +وَالنجمة وَ مُتابعة الحِساب لطفاً
قراءة مُمتعة ✨
.............................
بعَتاب عَلِي رشم مِن يكول :
بگصَايب يا حَلم
شَديت روحَك خِيط
خيطك مِن يمر دُخان
مَا گطعه .
دوامة من الحُقد،كتمان المشاعر،كراهية مُستمرة،فراشة مُدللة بين ثنايا اخويها،
امراض نفسية،ارواح مُتعبة،وهنُ علئ وهن،فراق،فتاة ترقُد بين اربعة اشبال،مُدللة والديها،ندفع ثمن الكتمان
متهمين، مخطئين،مؤذين مذنبين،مالم نموت،مالم نشكوا، أن البشر يجيدون التعاطف،مع الألم،ولايجيدون احترامة.
نَجمَة أل أحمد
رَوسم
متاهات واحلام مرعبه وأبواب وكأن كل باب الا قصه وجحيم افتر وأشوف شنو هاي المتاهات الي اني بيه والمكان ضلام دامس وهناك اصوات مخيفه واجواء ترعب وأشخاص مجهولين يركضون وراي وجان افز على صوت امي
ام رَوسم:روسم بنتي يلا حبيبتي كوم دنيا ضهر وأنتِ لي هسه نايمه يلا كلبي
روسم:صباح الخير يااحلا الأمهات
ام رَوسم :صباحج عافيه امي أنتِ يلا كومي غسلي إبدال مااحضر الغده ابوج سئل عليج منتضرج جوه
رَوسم:تمام مامه هسه انزل بس اغسل وانزل جوه
راحت امي واني بدي ارجع انام بعدني نعسانه اووفف خلي اروح اغسل رحت طلعتلي ملابس من الكنتور ودخلت أسبح كملت وطلعت عطرة نفسي ومشطة شعري نزلت جوه
رَوسم:هلاو كايززز شلونكم
الاب:هلا بشمعة البيت حبيبت ابوهاا
رَوسم:اويي اروحلك فدوه ابويه الغالي
يأبه شنو الاهتمام بس رَوسم واني شنو
الاب :كلكم اعزاز كلبي بس رَوسم قطعه من روحي
رَوسم:بابه حبيبي انتَ ربي يخليك ويحفظك النا
على عنادك اني اعز منك هههههههه
رسول:شوف يأبه شدكول
الاب :تره صح كلامهه
رَوسم:هههههههه تعال انتَ ضلعي الماينشلع ههههه
الام :يلا كافي كملتو كلام يلا بنيتي رَوسم تعالي وياي نحضر الغده
رَوسم تمام مامه اجيت
رحت للمطبخ حضرنا الغده على الميز الطعام ورحت صحتهم يلا حبايبي الغده صار جاهز
وكعدنا كلنا
الاب:لعد الولد وين
الام :حسين عنده واجب وحسنين بعده ماجاي من المستشفى وحر عنده قضيه
الاب :تمام رسول خابر حر شوفه وين
رسول:تمام يأبه خابرت حر
الو حر وينك انتَ
حر:ها رسول اني بالطريق اشوي واوصل
رسول :تمام احنا منتظريك على الغده
حر :لااكلُ اني اتغديت
رسول:تمام باي
يأبه بالطريق حر وكال اتغدو لاتنتظروني اني متغدي
الاب:ها خوش بويه
................................................................
علي
اجيت تعبان دخلت للبيت يمه وين انتِ
الام:يمه هلا بوليدي
علي:هلا بيج يمه مشتاقتلج يالحنينه لعد ابوي وين
الام :ابوك راح يم عمك
علي:ها خوش يمه كلش جوعان
الام :يمه سوده عليه الاكل جاهز يبعد امك
علي :يبعد روحي العزيزه لعد چا اروح أسبح واجي
روح وليدي تلكه الاكل جاهز
علي:رحت لغرفه دخلت بارده وضلام ماا انام بس خلي اروح أسبح واكل وارجع انام
رحت طلعت تراك ورحت سبحت
سبحت وكملت واندك باب الغرفه
ها يمه ماكملت الاكل راح يبرد
علي:لا يمه كملت هاي جاي وراج اني
رحت طلعت وكعدت ناكل سئلت امي
شنو يمه ابويه لحد هسه مااجه
الام:لا وليدي بعده ليهسه ماجاي
علي:خير ان شاءالله
كملت الحمدالله والشكر
علي:يمه راح اروح انام بعد
الام :روح يمه نوم العافيه
علي:يبعد كلبي الحنينه
رحت الغرفه وانام نومه اهل الكهف
..................................................................
رَوسم
كاعدين اني واخواني وأبوي وامي بالحديقه لان عصر ومطلعين الحبشكلات نتعارك اني ورسول عليهن هههههههه
رَوسم:رسول وخر مني ماانطيك ولا شي
رسول :شبيج شكد خبيثه هيه نستله انطيني وياج
رَوسم:ماا ماانطيك حر صيح لرسول يريد يأخذ حلوياتي
حر :شبيك رسول وياهه
تعالي حبيبتي يمه وفأنه إذا يجي يمج وياخذهن
رَوسم:يمه اخوي السبع فديت المحامي اني
حر:ههههه تعالي يروحلج فدوه رسول
رسول:هسه اني شعليه بكلشي وخالين رسول
رَوسم:ههههههههه
رسول :تضحك الفاهيه
رَوسم:بابا شوف يكلي فاهيه
علي:تعالي بويه يمي هاذا يغار من ضحكتج
حر :ايي معليج بي غير ضحكتج جنهه العافيه
رَوسم: يمه اشكد احبكم
رسول:هاي شنو شو كلكم صرتُ ضدي لان هيه الصغيره
رَوسم:ههههه ايي اني فراشه البيت عيني
رسول:ديربالج لاتحمين زايد
هههههههه
رَوسم:زعلت عليك رسول
رسول:يمه كلشي ولاتزعلين شبيج اشاقه وياج شعندي غيرج
حر :هاا شعندك غيرهه والبنات الي عندك ههههههه
رسول :هاي شبيك مايصير واحد يضم سر يمك فضحتني
علي :رسول صدك يحجي حر
رسول :لابويه يشاقه موو حر تشاقه
حر :اي يأبه اشاقه ويا ههههههههه
رَوسم:بابا صدك خلي نروح لبيت جدو مشتاقه لجدو والبنات
علي :تمام بويه نروح حضروا روحكم علمود نروح
رَوسم:يححح صدك بابا هسه نروح
علي:اي هسه نروح مو مشتاقتلهم
رَوسم: ياييي احبك بابا هسه اروح احضر نفسي بسرعه بس خمس دقائق
رسول :شوف بيهه طلعه راح تركض ركض
ههههههههه
حر:هسه انتَ شعليك بيه عوفهه
رسول :ههههه غير اختي واحبهه
...............................................................
علي:نايم ورايح بغير عالم واسمع الموبايل انخبص بالاشعارات والاتصالات
هذا ياهو شبي مايخليني انام اهوو
وجان ارد على الموبايل بدون مااباوع على الاسم شبيكم بشر ماينام ماتخلونه يرتاح
عباس:لك هلا بالضلع شنو بعدك نايم
هههههه
علي :خرب هاي انتَ عبيس
عباس:اي بشحمه ولحمه واعظامه
علي :صاير حشاش ولك
عباس :هههههههه حشاش عليك
ديلا كوم ولك دنيا ليل وانتَ بعدك نايم ماشبعت نوم
علي:لاتشاقه مو هسه دنيا ليل
عباس :اي والعباس ساعه ب8
علي:خرب يعني صار 7 ساعات نايم
عباس:ههههه اي يلا كوم علمود نطلع نفتر
علي :يلا ولي اشوي واجيك
باوعت بالموبايل مخبوص الاشعارات خليت وشمرته على الميز رحت طلعت ملابسي ورحت سبحت كملت سبح وبدلت واهم العطر القويه المفضل
نزلت جوه للبيت هدوء
علي :يأبه وينكم ورحت اشوفهم بالديوان
وجان اشوف امي وأبوي كاعدين
هلا بالعشاق
اسراء:دهر فرك ولك سويتنه عشاق كبرنا على هاي السوالف
امير :لا بعدنا ماكبرنا بعدنا شباب
اسراء:يااا ابو علي حتى انتَ
علي:هههههههه ابوي بعده شباب شنو بويه نزوجك امي كبرت بعد
امير:يي ياوليدي امك كبرت بعد مابيه حيل
اسراء:ياا عود صدك ابو علي بعد العشره والسنين الي عشناهه سوة تريد تزوج عليه وخليت الشيله على وجهي وابجي
امير :لا يبعد عمري أنتِ ام بيتي وام وليدي وحب حياتي شلون اعوفج خلي يولي علي يشاقه وياج
علي : هههه يالحنينه نشاقه وياج شعدنا غيرج مو يأبه
امير :اي يأبه هاي رويحتي
اسراء:اي انتو ضلو اضحكو عليه بهاي سوالفكم
علي:ههههه لا يمه مانضحك عليج
يلا بويه اني طالع
امير :وين
علي :اروح لعباس نطلع نفتر ضوجه
امير :خوش وليدي مو تتأخر وانتبهه لنفسك
علي :يي يأبه مااتاخر يلا ثيمالله
عباس:ها ولك وين صرت من شوكت اتصلت عليك
علي: شبيك غير كعدت يم اهلي واخذتني السؤالف
عباس :ديلا أخذته السؤالف امشي نروح للكورنيش
..........................................................
رَوسم: وصلنا لبيت جدو وكل واحد نزل من سيارته بس حسين وحسنين مااجو ويانه
نزلنه كلنا ودخلنا للديوان
وأشوف الكل مجتمع يم جدو عمامي كلهم
الجد:هلا بحفيدتي الغاليه فتحلي حضنه
رَوسم:رحت اركض لحضنه جدو مشتاقتلك اهواي
الجد :مشتاقتلي وماتسئلين عليه بذاته
احمد:شنو بس لجدج مشتاقه واحنا شنو
رَوسم:هههههه لا كلكم مشتاقتلكم البنات وين
هاي منو يمنا اليوم منورتنا رَوسمي
رَوسم:رجعت للذكرياتي القديمهه لا بس لا رجعع ايي بس هوه يكلي رَوسمي لااااا.....
منو الي رجع وليش هالكد خافت رَوسم ؟
تتوقعون منو ؟
......................................................
رديت مو مِن الصفر
حَتى الصفر ما يبدي
رديت منك منكسِر
والبال أَبد ما يهدي
جُندي ورِجع مِن مَعركة
وخَسران كُل العِندي .
......................................................
بقلم الكاتبه بنو ال علي
وهاي جزء بسيط جداً مِن روايتي وخط قلمي
لاتَنسون التصويت لطفاً ورئيكم كابداية
استودعتكم الله 💗🦋
أنت تقرأ
روسم والعقيق
غموض / إثارةدوامة من الحُقد،كتمان المشاعر،كراهية مُستمرة،فراشة مُدللة بين ثنايا اخويها، امراض نفسية،ارواح مُتعبة،وهنُ علئ وهن،فراق،فتاة ترقُد بين اربعة اشبال،مُدللة والديها،ندفع ثمن الكتمان متهمين، مخطئين،مؤذين مذنبين،مالم نموت،مالم نشكوا، أن البشر يجيدون التعا...
