راحت وجد و خذت ثلج و راحت ركض عند نواف و شافت الكل عنده و حطت الثلج
نواف وهو ينقز بالم: يمه يمه ودوني المستشفى بسرعه
خذوه و راحو المستشفى بسرعه و دخلوه طلع الدكتور و نطق : بنعطيه قطره و اذا مانفعت يفصل نظاره احسن
ابو سعود : يقدر يشوف الحين ولا لا
الدكتور : اي بس ضباب و اذا تبون نظاره الحين وقعو و بكرا الموعد
ابو سعود : طيب ابي اوقع
وقع و راحو البيت نزل نواف و هو يشوف ضباب و الكل رايح يهاوش فهد لاكن نطق نواف : اذا عندي ليكم غلا لا تسون له شي
الكل : طيب
جت ام سعود و حضنت ولدها وهي تبكي
نطق نواف : بس لاتبكين هاذاني عندش مافيني شي
بعدت ام سعود و نطقت : وش قالو
ابو سعود : بيفصلون له نظاره
تجمعت الدموع ب عيون وجد و راحت ركضه للغرفه انتبه نواف رغم انه مايشوف زين بس عرفها من شعرها خلهم كلهم و راح يركض وراها دخل الغرفه و شافها تبكي جلس عندها وهي مانتبهت انه جاي بحكم انها متغطيه ب البطانيه
و نطق : وجد وش فيك
وخرت البطانيه و جلست حضنته على طول
بدالها و نطق : وش فيش تبكين
وجد : خفت عليك
ناظرها و نطق ب ابتسامه: تخافين علي
وجد : ايوه
نواف : هذاني مافيني شي بس بلبس نضاره وخلاص
ناظرته و نطقت : ليش نظاره
نواف : ولاشي بس عيوني توجعني شوي
هزت راسها ب طيب
نواف : يلا امشي تحت
نزلو و قعدًو يسولفون
نطق الجد : في عرس واحد من قرايبي و ابي كل احفادي من العيال و البنات يحضرون بعد أسبوعين
نطقت وجد : جدي مافي وقت نجهز مولازم نروح
فهد : ليه رايحه تدورون فستان سندريلا
وجد : مالك دخل انت
فهد : بعدين ترا فستان مو كنز
الجد : اسكت انت و ويها و انا قلت الكل يروح و تجهزون بكرا
الكل : ابشر
قعدو البنات يسولفون
بيان : وش رايكم نروح السطح الجو يجنن
نوف : لا برد
بيان : لا مو برد امشو نقول حق واحد من العيال يجيب من البقاله سناكات و كذا
البنات:طيب
وجد : طيب نقول حق مين
وجدان : نواف
وجد : لا نواف تعبان
جوان ب ضحكه : تخافين عليه
وجد : لا بس عيون مضببه كيف يروح بدق على هزاع
البندري : طيب يلا امشو المطبخ
راحو البنات المطبخ و دقت وجد على هزاع
رد و نطقت : هزاع
هزاع : لبيه
وجد : ابيك تروح البقاله تجيب سناكات
هزاع : من عيوني بس دزي وش تبين ب الواتس و اجيبه
وجد : تمام شكرا
هزاع : عفوا
سكرت من و نطقت جواهر : والله اخوانك مدلعينك بزياره
وجدان : تستحق الدلع
راحو البنات السطح و جاب هزاع الاغراض و قعدو يسولفون دق نواف على وجدان و ردت فتحت سبيكر
وجدان بعصبيه : نعم نواف وش تبي
نواف : شفيك تنافخين انتي
وجدان : خربت العبه علينا
نواف ب ابتسامه : وجد معكم
ابتسمت وجد و نطقت وجدان ب بتسامه : اي معنا، طيب اخلص وش تبي
نواف : اسمعي روحي غرفتي افتحي الدرج الي عند راسي فيه بكت دخان اربعه جيبي واحد بسرعه
وجدان : تبيني اعلم ابوي
نواف : ترا بصفقش
وجدان : خلاص خلاص بخلي وجد تجيبه
نواف : خليها تجي المطبخ
وجدان : طيب
سكرت
وجد : ليش قلتي انا
وجدان : عادي ترا زوجك يلا روحي
وجد : طيب
راحت وجد الغرفه و فتحت الدرج و خذت البكت و راحت المطبخ شافت نواف ينتظرها قربت كان بياخذه لاكن حطته وراها ونطقت : نواف قول وعد انك تشرب اثنين بس
نواف قرص خدها و قبلها و نطق : وعد يامزه
ابتسمت و عطته راحت جلست عند البنات
عند العيال
الي يلعبون نصهم يلعبون ورق و نصهم يلعبون سوني والباقي يشوف المباراة
نواف كان يلعب سوني معا فهد
فهد : الصندوق يمين يالخبل
نواف : اعرفه كل تبن
وقفو لعب و لف نواف للعيال
نواف : ياعيال بكرا موعدي مين يجي معي
عبدالله بضحكه : تخاف
نواف : لا بس مابي اروح لحالي
سلطان: خلاص انا اروح
نواف : خلاص اجل انا بروح انام و قعدني 8 الصبح
سلطان : طيب
وقف نواف و راح و صدف ب وجد ناظرها ب ابتسامه و فتح يدينه و نطق : تعالي وحشتيني
قربت و حضنته شد عليها بقوه نطقت : غريبا بتنام الحين
نواف : بكرا موعدي
بعدت عنه و نطقت : تبي اجي معك
نواف ابتسم و نطق : لا مابي اشغلك سلطان بيجي معي
وجد : يلا تصبح على خير
نواف : شرايك تنامي معي
وجد : مافيني نوم
نواف : عادي نوميني و روحي
وجد : بزر انت
مسك يدها و خذها للغرفه
نواف : بلا بزر و بلا كلام زايد تعالي
دخل الغرفه و سكر الباب و انسدح ب السرير و فتح يده لها و نطق : تعالي
قربت و نسدحت على السرير بحضنه
مسك خدها و نطق : يازينك انتي و عيونك الزرق
جلست و نطقت : شرايك نلعب
نواف : وش تبي تلعبين
وجد : ب الجوال
نواف : طيب شرايك العبك ب طريقتي الخاصه
وجد بستغراب : كيف
قرب و بدا يدغدغها و هي فطست ضحك
وجد بضحك : ب. س نواف
بعد عنها و نطق : ها وش رايك ب لعبتي
وجد بطفوليه : مو حلوه
نواف : طيب
سوا نفس زعلان و انسدح لف للجها الثانيه
عرفت انه زعل و نطقت : اسفه
نواف : طيب
وجد : طيب احبك
حاول مايبتسم و نطق : طيب
قربت من عنده و قبلت خده و نطقت : ها وش رايك
نواف : عادي
تاففت و نطقت : طيب وش تبي اسوي
مارد على و قربت من عنده و مسكت دقنه و لفته له قربت و قبلت ثغره بخفه مسكه من ظهرها و قربها له و قبلها بعمق و بعد كم دقيقه بعد عنها
انخجلت منه و غطت وجها ب البطانيه
ضحك عليها و نطق :فديت الي يستحون
بعدت عنه و نطقت : عندك مقص
نطق ب ستغراب : اي ليه
وجد : ابيه شوي
نواف : شوفيه ب الدرج
خذته و راحت الحمام (الله يكرم القارى) و قصت شوي من شعرها و رمته ب زباله ابتسمت
و طلعت من الحمام
ناظرها بصدمه : شعرك
جلست ب السرير و نطقت : عادي حلو
نواف : تستهبلين صح
وجد : لا
نواف بعصبيه : زعلت عليش ويلا فارقي مابي اشوف وجهش
وجد : انقلع يالبزر
طلعت من الغرفه وهي زعلانه و فيها الصيحه دخلت غرفتها و لبس لها مجامه وردي فاتح و نامت اما عند نواف
الي انقهر منها مرا و راح ينام
( الصباح 7.50)
كان الكل يفطر نزل نواف مستعجل
نطقت الجده : بشويش ياولدي
نواف : مستعجل جده
طلع نواف و نطقت الجده : وجد انتي قاصه شعرك
وجد بكذب : لا جده
الجده : تكذبين على مين تعالي قربي
وجد : جده بخلص واجي
الجده: اقولتس تعالي
قربت وجد و نطقت الجده : ياويلي ليه
وجد : جده نيولوك شفيش
مسكته من شعرها و نطقت وجد ب الم : اييي جده فكي شعري
فكته و نطقت : انقلعي غرفتش بسرعه
راحت وجد ركض لغرفتها و سكرت الباب بقوه و قعدت تصيح لين نامت
بعد همس ساعات جا نواف و هو لابس النظاره كانت مافيها لون يعني شفاف و زادت جماله (نواف جميللل مرا لون بشرت حنطيه زي اي ولد رموشه من كثر ماهي طويله و كثيفه صارت تظرب ب حواجبه الكثيفه مرا عيونه كانت نعسانه و حاده ) المهم دخل عليهم و الكل انصدم
وجدان: صرت احلى
نواف : وش رايكم
جوان : بلعكس صرت احلى
وجدان : وجد فوق اذا تبغاها
راح عند وجد لحقته وجدان و مسكت يده قبل يدخل الغرفه
وجدان: نواف اسمع ترا وجد اليوم نزلت و هي كانت زعلان و جدتي زادت عليها
نواف : ليه
نطقت : مسكتها من شعرها عشان قاصته و هاوشتها قدام الكل
نواف : خلاص انا اعرف وش اسوي
نزلت وجدان و دخل نواف الغرفه و شافها نايمه راح الجهه الثانيه كانت معطيته ظهر انسدح و حضنها من وراه فصخ نظارته و حطها ب الطاوله و نام.
انا اسفه مرا مرا لانه تاخرت و بنزل بارت انشاءالله ❤️
أنت تقرأ
وين ذاك الحب و القلب عطوف .
Diversosعايلة عايشين ب ديره يقرر الجد كل عياله يعيشون معا بعض و الابطال محد معطي الثاني وجه بعدين يصير موقف و يتقربون من بعض الابطال .
