اغَرَّكِ مِنّي أنَّ حُبَّكِ قَاتِلِي❤️‍🩹✨

نبدا 🫶🏻✨

{ بسم الله الرحمن الرحيم}
في القصر تحديدا جناح العم محمد الساعة 6:30

سحاب : يمههههه شوفي عايض
ام فيصل : خير ان شاء الله عسى ما شر
سحاب : دخل غرفتي وأخذ كتابي كلميه يرجعه
ام فيصل : عايضضضضض
عايض : هلا يمه
ام فيصل : ليه تدخل غرفة اختك وتاخذ كتابها؟
عايض : يمة أصلا دقيت الباب كنت أبي منها كريم شعر ما ردت دخلت الغرفة ولقيت الكتاب جذبني وفتحته قريت اول سطرين وعجبني ف أخذته
سحاب : لا تعجبني صراحتك خيررر كان كلمتني قبل تاخذه
ام غيصل : وأختك صادقة ترا
سحاب : رجعه أبيه
عايض : أكمل اقرأه وارجعه سليم بإذن الله
سحاب : ومتى تكمله ان شاءالله
عايض : مدري تقريبا ( وشاف الكتاب وهو يقلبه ) ثلاث أيام كذا
سحاب : طيب بس ترا أمي شاهدة
ام فيصل : تم ي بنيتي
سحاب باست راس أمها : تسلمي لي ي الغالية
خرجت غيم وشوشتها منكوشة وتناضرهم بعين وحدة وتقول : ي الله صباح الخير
رد الكل : صباح النور
غيم : وأنتم علامكم تتهاوشون من الصبح
ردت ام فيصل : ولا شي ي بنيتي الموضوع تافه
لفت غيم على أمها وقالت : اها تم ي الغالية وباست راس آمها وراحت الحمام تأخذ شاور { الله يكرمكم }
ابتسمت ام فيصل وراح عايض لغرفته

( معلومة سريعة الجد شركته معروفة مرة وعنده ربح الحمدلله ف العايلة كلها عايش بالقصر بس كل واحد عنده جناحه الخاص )

القصر الساعة 7:15
نزل من الدرج وقال : صباح الخير
رد الكل : صباح النور
العمة سعاد : الحين تصحى؟؟؟ ترا احنا صاحيين من الساعة 6
رد رعد بكل هدوء : انتم موب أنا
سكتت العمة سعاد
الجدة رقية : اجلس ي وليدي افطر
رعد : تسلمي ي جدة
نزلت نجد من الدرج وقاد صباح الخير
رد الكل : صباح النور
ناضرت فيها غدير من فوق لتحت بقرف وقال : نجدددددد!!!!
لفت عليها الوجد وقالت : خير
غدير : انتي نزلتي بعد رعود ليكون كنتي نايمة عنده ونزلتي بعده
لف الكل بصدمة من كلامها
نجد : والله ي روح امك ذي صدفة و بعدين اسمه رعد مو رعود على قولتك ثالثا أنا نايمة بجناحنا وهو بجناحهم ما شفتي يعني كل واحد خرج من مكان
قالت عبير : لا والله وكمان تغارين عليه من دلعته ب رعود
نجد: اقول انطمي بس
غدير : لا ما شفت شفتكم الاثنين طالعين من نفس الجهه
نجد ببرود : إذا ذي مشكلتك ي العمياء مو مشكلتي فاهمة ولا أفهمك بطريقتي
طبعا نجد كانت تكره التصنع بشكل مقرف طنشتهم وجلست على الطاولة وبدت تأكل
نطقت العمة سعاد : وي وي هدي شوي خلصتي الأكل علينا
لفت نجد رأسها وقالت : والله المطبخ فيه كل شي لو ودك ثانيا الحمدلله مو ناقصنا شي ثالثا لو كان الأكل بفلوسك تعالي تفلسفي طيب؟
لفت غدير بصدمة وشهقت عبير وقالت : تقولين كذا لعمتك ي ال****
ناضرتها نجد وقالت : والله انك انتي ال **** اي اقول عندك مانع؟ بعدين احترمي نفسك لاقص لسانك فاهمة
الجد : خلاص
سكتو كلهم وكملوا يأكلوا ولفو البنات السفرة والعيال لبسوا وراهو اشغالهم
الضهر الساعة 2:11
نجد بملل : بنات والله طفش يلا نطلع
عهد : اي مرة طفش شرايكم نطلع؟
نجد : ومن بيطلعنا ان شاء الله ؟
فزت سحاب وقالت : رعدددد...... غزل رني على اخوك يطلعنا
غزل : صاحية انتي؟؟؟؟ رعد يطلعنا ما بيرضى
نجد : جربي ي بنت
غزل : طيب
عند رعد اللي جالس على المكتب بعد ما كمل شغله وطفشان مرة  لفت نظره جواله اللي يرن وكان المتصل ( غزل ) رد وهو يقول : هلا
غزل :هلابك كيفك
رعد : الحمدلله وانتي
غزل : الحمدلله بخير دامك بخير
رعد : لا اختي صارت رومنسية 
ضحكت غزل وقالت : اسمع وش تسوي
رعد رفع رأسه لانه اول مرة تسأله وش تسوي : قال ولا شي كملت شغلي وطفشان
قالت غزل : اي طيب شرايك تطلعنا
رعد :من؟
غزل : أنا وعهد وسحاب و نجد وغايا
رعد : تم البسن يلا
غزل نطت بفرحة : ابشر ابشر
ضحك رعد وقال : تبشرين ب الجنة
سكرت وهي فرحانة وقالت للبنات يلبسوا