{ بسم الله الرحمن الرحيم }
عند الحريم
ام محمد : السلام عليكم
الكل رحبوا فيها و اختلفت الاجابات بين وعليكم السلام و حياكم الله
وراحت سلمت عليهم وقاطعهم دخول ام سعود وهي تقول : السلام عليكم
الكل : وعليكم السلام دخلت تسلم وسلموا البنات على بعض بشوق وراحوا فوق
عند البنات
فسخوا عباياتهم ودخلوا للمكان الي الكل متوعد انه للبنات والي هو الغرفة الي بالسطح
الوجد : اخخخ منك ي نجد ما ترحمين نفستس
غايا : مدري وش تفكيرها الزق ذا
سكتوا كلهم ودخلت عليهم نور و هي تناظرهم مهلوكين وشافت العبايات جنبهم و نجد ماهي موجودة وكتفت يدينها وتقول : ايه وين كنتم ووين نجد
كشرت عهد وناظرتها غزل ب قرف وقالت : وانتي وش دخلتس ها؟
نور بغضب : وينها الزفت ذيك
سحاب : اسمعي بالله ترانا ما تمشكلنا من زمان ي ام قرون ف لو عندتس كرامة ضفي وجهتس الحين من عندي فاهمة
نور : انا ام قرون اجل انا اوريتس و اقول بدون كلام كثي...
قاطع كلامها دخول وعد و لورين
سلموا البنات على بعض وكشرت وعد وقالت : وع وش جاب ذي ام قرون
ضحكوا البنات وقالت لورين : اي اجل بنات وينها نجد ؟
غايا : موجودة نايمة بغرفة رعد
شهقوا البنات بصدمة وقالت عهد : لا ي حمارة توني دخلت غرفة رعد وهي موب فيه هي بغرفتها
زفروا البنات براحة وقالت وعد : ليه نايمة الحين
الوجد : اوه لو تدرين وش صار فاتس فاتس كثير
لورين : بنات تكفون قولوا لا تضيعون الموضوع
غزل حكت لهم الي صار كله بس ما قالت لهم انه قال رعد انه زوجها لانها عارفة و متاكدة انه ام قرون بتروح وتعلم فهد و قالت سحاب : ي ليل نس... سكتت وهي تناظر ام قرون قبالها وقالت : انتي وش تسوين هنا؟؟؟
نور : هين اجل بحضن رعد هاه
كشروا البنات عليها وما عطوها وجه
ضحكت نور وقالت : اجل هين هين ي نجد
راحت نور لغرفتها وكملوا البنات سوالفهم
بنفس الوقت بمكان ثاني رعد الي دخل على الشباب
دخل رعد وشاف الملحق مليان شباب والي كانوا سعود و محمد و فيصل و عايض و مجد عبدالعزيز و ريان و سلطان و فهد و أوس و مشعل و مشاري و غيث و زكريا و زيد و مروان و بدر و عمر و هايف و مطلق و حسين و ساجد و سامي و سليمان و البزران الي كانوا ابراهيم و عمار و عدي و علاء و سارة و سجى و لمى و غلا و مسك و غسان و طارق و ريان و بيان و بسمة و ليان و عبدالله و قصي و لجين و جوانا و ندى
انصدم رعد من كل ذولا وقال بصدمة : اعوذ بالله وش كل ذا
ضحكوا العيال وقال مشاري : سمي بالله ي ولد
رعد : بسم الله وبعدين البزران وش يسوون هنا
ريان : مدري والله وانا اخوك ابلشونا المزوجين ببزارينهم الي ما تخلص
ناضروهم العيال وقال عبدالعزيز : اقول اسكتوا ي العزابيين
رد عليه مشعل : الحمدلله والشكر اني عزابي اقول كل واحد ياخذ وراعنه وينقلع
سعود : اقول وانا اخوك مو ناوي تعرس انت و مشاري ي العزابيين
رعد : افا يعني ما لقيت الا مشعل و مشاري واحنا العزابيين وش نسوي ها
ضحك الكل عليهم وقال ريان : ابد انا ازوجك احلا وحدة انت قول زوجني بس
عبدالعزيز : اقول انت زوج نفسك وبعدين زوج رعد
انهار الكل يضحك عليهم وقال مشاري : عاد انا ابي اتزوج بس مدري وش الشعور وخايف انرفض
مشعل : وانا نفسك ي شيخ
أوس : افا قولوا انتم من واتا ادخل واسطة لكم
مشعل باحراج : عاد انا الصراحة احب وحدة وابيها بس متوتر اتقدم لها
رد مشاري : ليكون سارق الي احبها انا
مشعل : قول من تحب وانا اقول
مشاري تنهد : عاد هي وحدة نعرفها بالحيل
مشعل : ي شيخ انطق
مشاري : عاد انا احب الهنوف بنت عمي خالد
كلهم انصدموا ونطق رعد بفرح : اجل ابشر احجزها لك من الحين
ضحك الكل عليه ونطق مشاري باحراج : تسلم والله
عبدالعزيز : خلاص انت تعال بس وان شاء الله ما تنرد
الكل : ان شاء الله
زيد : اي انت بس قول يلا واحنا معاك
عايض : عاد انت ي مشعل اعترف
مشعل انحرج وقال : طيب طيب انا احب بنت خالي جود
انصدموا كلهم وقال سعود : عاد انت صراحة قافطك من زمان
ضحكوا عليه وقال محمد : اي اي باقي ريان و رعد و مروان
رعد : عاد جينا للصعبة انا ما احب احد وانتم تدرون
أوس : يخي مستحيل تكون ما فكرت ببنت قبل كذا
فيصل : عاد انا شاك فيكم كلكم بس مدري
مجد : لا موب لدرجة كلهم العزابي بس
ضحكوا كلهم
ريان : عاد انا صراحة احب وحدة
الكل انشد له وقال فهد : من هي
ريان بتوتر : اممم اختك ي مروان
انصدم الكل وقال مروان بضحك : احااااااا وشو؟؟؟؟ الله الله ابشر انت بس تعال
ضحك الكل وقال مجد : عاد اليوم يوم اعترافات
مجد : اي تحمست مرة كملوا
غيث : مروان وانت منننن!؟؟؟
مروان : ا ا ا ا ا انا احب اختك وعد
محمد و غيث بنفس الوقت : هاااا؟؟؟؟؟
غيث : بالله عليك صادق؟
مروان : اي مو عاجبك؟
محمد : لا عاجبني بس من الصدمة ما صدقت
قاطع ضحكهم جوال ريان الي دق و عايض بضحك و غمز له وقال : ليكون وتين
ضرب بدر راسه وقال له : اعقل ريان ما يسويها
ضحك الكل وسكتوا من رد ريان وقال : هلا ابوي
ابو عبدالعزيز : وينكم فيه
ريان : بالملحق يبه
ابو عبدالعزيز : طيب تعالوا تعالوا لمجلس الرجال جاء عمكم ابو ناصر
ريان : ابشر يبه دقايق وحنا عندكم
سكر ابو عيدالعزيز منه وريان الي كلم العيال وراحوا لهم
أنت تقرأ
اغَرَّكِ مِنّي أنَّ حُبَّكِ قَاتِلِي❤️🩹✨
Poetryلا تقرأوا ما ودي احرق عليكم بس ان شاء الله تعجبكم اول مرة اكتب رواية ان شاء الله تحبوها
