فتحت عيوني وشفت دامغ دخله واحد على كرسي متحرك وراح تقرب صار بصفي وحجه
دامغ: ها رياحين شلونج ويه الضرب
__ اجه بزون ابو سبح ارواح مايموت صدقت المقوله العار مايموت زينه وانته شلون الجرح اعجبك مو
__ تدفعين ثمنها اضعاف
__ ميخالف بس تدري مكان الضربه كلش ضابط
__ حضري روحج
__ محضرتهاا من زمان هسه انتضر
__ اليوم اخليج تتمنين الموت وماتلكي
__ بس كافي حاول تغير هاي الجمله من زمان تحجيها
__ لااليوم صدك شايفه مكان الطلقه الي هسه ملتهب اليوم اضربج طلقه اخرى
__ هسه اني شكلك حته السوالف ضاعن ماعرف شردلك
ماجاوب طلع تليفونه ومدري على منو اتصل وره دقيقه دخلو ثلاثه واحد بيده خشبه والثاني بيده صطل مي والثالث شايل علبه صغيره وسجين باوعلي دامغ مبتسم، واني ابتسمت وبداخلي، خوف متملك بيه كلبي نبضاته تسارعت، رجفت ايدي،
دامغ: ها شوكمتي ترجفين
__ من المخدرات تنطينياها ياعار الزلم
__ شوفو شغلكم يلا اريد اشوفها كدامي تتعذب
اجه عليه واحد بيهم ربط اديه بالشباك شدو عيوني واني مانطيت اي ردة فعل ابتعد صار هدوء دقايق وانضربت على رجلي بالخشبه متت من الوجع رجع الهدوء ودقايق رشو المي الي غركني ردت امووت وره المي ثواني وبدأ يضرب بيه واني مره اصرخ مره اسكت، ارجف، وحته مادافعت على نفسي، ميته، بس باقيه على مخدرات حته اكل ماينطيني
يضربون بيه ودامغ يضحك ويحجي، اضربوها اقوه اضربوها، وهمه يزيدون بالضرب، وره نص ساعه اكثر من الضرب والتعذيب صارت السجينه على ايدي وجرحوها بالسجين وخلو ملح بنص الجرح، صرخت بكل صوتي اصرخ وهمه يضحكون، ماتحملت اكثر اغمي عليه
حسيت على بوسه دافيه صارت على خدي فتحت عيوني بتعب، موجوعه، بردانه اجاني صوته وهو يهمس
__ مصيبتي اناا يمج
ماجاوبت فكرت حلم رجعت غمضت عيوني وحجيت
رياحين: الاشهم
__ روحهه
__ عذبني دامغ ليش متت
__ مامتت يمج انا اعذبه اكثر من تعذيبه الج
__ الاشهم
__ ياحيله انتي
__ دامغ جرح ايدي بالسجين وخله بنص الجرح ملح
__ اجرحه ليش يجرح كلبي
__ بردانه الاشهم غركني بالمي وضربني بالخشبه
__ ادفيج يابعد حيله انتي
