انتقام اجـُرامي
بقلمي: شهدهد ♕
حبايبي صوتو للقصه احبكم.....
انا الما تَيّهَت تَيهنَي وَجهَك ذاك.
"غيمه"
طفت الكهرباء والناس كعدو على طاولات واشتغلت الاضويه دخلت وحده شابه للقاعه لابسه فستان اسود وضاب على خصرها وبركع خليجي بس عيونها مبينه شايله سجاجين ثنين بيدينه الناس كلها مستغربه......
تمشي وتوجهت كل الانضار عليها الاضويه عليها انطفت الاغاني صار هدوء ثواني واشتغلت اغنيه (صوبني جفنك من نضر)بدات تركص وتتمايل ويه الاغنيه تركص باحترافيه والسجاجين بايدها تخليهن على بطنها كعدت بالكاع شعرها بايدها وتفر بي كامت من الكاع دخل واحد ملثم انطاها ربطةة خصر، بقت تركص الى ان خلصت الاغنيه طلعت البنيه من القاعه والناس يتهامسون.....
غيمه: خاله.
__ هاخاله.
__ منو هاي؟.
__ والله مادري.
__ ركصها حلو.
__ اي يمه يمكن جايبينها اهل نصرت.
__ يجوز بس ركصها حيل حلو سوتلي واهس اركص .
__ ههه يمه اذا تركصين مثلها والسجاجين بايدج هسه تخليهن بعينج.
__ شلون تكدر هيج تسوي بالسجاجين؟.
__ مدربه يمه.
رجعو يركصون واني طول تفكيري بهاي البنيه عجبتني شارده بافكاري واجتني طفله صغيره شاورتني....
__ راشد يصيحج برا.
__ عليش.
__ مادري بس كالي خلي غيمه تطلع وتجي وحدها انتضرها وره القاعه.
__ روحي كليله ماجي.
هزت راسها وراحت استغربت شعنده راشد هسه يريد يعتذر لويموت ماسامحه لويموت، رجعت لطفله وحجت....
__ يكلج راشد تعاي اخوان رياحين يريد يسلمون عليج عيب وتعاي وحدج.
راحت هذه مايريد يعتذر يريد اسلم على علي وشاهر وكيان طلعت من القاعه خاله اجت وياي كتلها لاخاله هسه اجي عندي شغله،طلعت وره القاعه ماكو احد مشيت ادور بيها ولانفس موجود رجعت اريد ادخل، نجريت من ايدي وصار مسدس على خصري....
__ ديري بالج تصيحين تخسرين حياتج.
__ من، منو.
