صحيت الظهر ونسيت اعلمكم ان جدي متشدد من ناحية الدين وزي عادات الأولين ف طبعا اذا جا وقت الصلاة دخل علينا وطف المكيف وطلع وفعلا صحيت وانا عرقان ومحتر بس حسيت ان رجلي نايمه حاولت اني احركها بس فيها ثقل ماهو طبيعي رفعت راسي ابي اشوف الا وعبدالعزيز نايم على رجلي..
..عزوز ورع قمم!!!
عبدالعزيز وهو نايم : اصبر عشر دقايق واقوم !
لا واضح انه يتحلم سحبت رجلي منه بقوة واخذت ملابسي ورحت الحمام اتروش طلعت من الحمام وجلست عند ابوي اتقهوا كانو جالسين بمشب كبير والدلال على الرف ولوحه صقر على الجدار اخذت فنجالين وانا جالس عند عماني
عمي هزاع : الا بنشدك يا محمد عسى السكر ماهو متعبك ؟
محمد : يووه انا ماقلت لك؟ يوم تعدينا الطايف يمكن حولها بساعه او ساعتين الا السكر ينخفض ولولا الله ثم تركي ما وصلنا
عمي هزاع : ولدي الشاطر اكيد طالع على عمك كان سواق يوم كان بعمرك الا بسالك يا تركي ليش لهلحين ماتوظفت ؟
اكثر سؤال يغثني ويحسبونه بيدي وقلت له : ان شاء الله قريب سجلت بالوظايف بس مافيه اجابه
عمي هزاع : خلك عسكري بس احسن شي
التفت لعبدالله وكان جالس عندي وقلت له : شرايك نطلع نتمشى؟
عبدالله : اي والله نفس شعوري ابي اطلع من المجلس
طلعنا من المكان وكان في بالي مكان خاطري ازوره واشوفه بعد من شده الفضول الي فيني لاحظ عبدالله اني سرحان وافكر وقال لي : وش تفكر فيه شعندك؟
ابتسمت له وقلت له : والله لو تدري وش افكر فيه كان قلت عني ماني بصاحي
عبدالله : علمني بالله !
ناظرت له بس قبل اقول التفت يمين ويسار عشان محد يسمع الكلام الا هو ومسكته وقربته لعند كتفي وقلت له : نبي نشوف وش داخل الصندوق الي بالغرفة
تغير وجه عبدالله وقال : اي صندوق ؟ ليكون تقصد؟
هزيت راسي بقوه بنعم
وقال لي : والله ان تبطي عضم ففكككنننيييي بس انسى الصندوق والغرفه!!!!
ناظرت له وقلت : تكففففى بس بنشوفه ونننرجعع ترا بروح لحاالي!!! امانه بس اليوم !!
اصريت عليه واخر شي وافق وقال لي : خلاص بس بشرط اذا جت الساعه ١١ رحنا عشان جدي يرقد وعشان عامل المزرعه مايشوف بس اسمع انا مالي دخلل ولو يدري جدي وربي بيذبحناا!!!
وقلت له : ابشر على هالخشم بس اسمع الساعه ١١ تمام تكون برا !
وقالي تمام
اصعب شي عشته اني انتظرت لين الليل عجزت اصبر والحمدالله جت الساعه ١١ والبيت هادي وتاكد ان جدي راح لفراشه وان العيال كلهم بالمزرعه طلعت برا وشفت عبدالله ورحنا للغرفه طبعا الغرفه كانت بعيده عن البيت وقريبه بشوي من المزرعه ومهجوره بعد!
عبدالله : تركي والله عندي احساس ان بيصير شي بس خلنا نرجع!
رديت عليه بعصبيه وقلت : تستهبل صح مستحيل ارجع ولو انك خايف رح للعيال واما انا بكمل طريقي
سكت عبدالله وكمل الطريق معي عبدالله واعرفه مستحيل يخليني لانه يخاف علي
....وصلنا للغرفه وكان الباب متصدي ومن النوع القديم وما كان له مفتاح لا انت تدخل اصابعك من ورا وتفتح الباب وفعلا دخلت يدي وانفتح الباب ناظرت بعبدالله وقلت له بصوت واطي : عبود انت احرس المكان وانا بشوف !
عبدالله بتوتر : طططيببب بس استعجل الله يرحم والديك !!!
شغلت كشاف جوالي وبديت استكشف المكان وطاح النور على الصندوق وبديت اناظره بكل فرح ...عبدالله لقييت الصندوق!!! بفتحه الحين!!
جلست عند الصندوق وانا اقول الحمدلله بشوف وش الي فيه بس لحظه طلع مقفول!! ياليل وين المفتاح عاد ! دورته فوق الصندوق وعلى جمب واخيرا لقيته بين الجدار والصندوق فتحت القفل! وبلعت ريقي وبدت يدي ترجف لا ارادي فتحت الصندوق وبسرعه بديت اناظر الي فيه ..
..اصبر اصبر وشو ذا ؟ تستهبل معي ياجدي كل ذا الحماس واخر شي يطلع ثوب نوم!!! وفوق ذا متقطع بعد!!! ييعععع وريحته خايسه!! شلت الثوب والفجعه بعد ماشلته !!! لحظه ذا مو كانه اصبع !! وداخل الاصبع خاتم بعد !!! ووش ذاا!!! انا وش جالس اشوفف!! زحفت على ورا من قوة الصدمه
عبدالله :تتتركككي فيه شخص من بعيد جاي يمنا اطلعععع!!!
وبسرعه حاولت اركز وقفلت الصندوق وطلعت من الغرفه ورحنا ورا جدار الغرفه اختبينا عن الي جاي شافني عبدالله اتنفس بسرعه ويقلبي يطق بقوة ووجهي منقلب وقال لي بهمس : تركي وش شفت؟
ماقدرت اتكلم من هول المنظر الي شفت والي زاد صمتي بعد صوت الخطوات مع طقة العصاء !!! ذا ليكون جدي وش جابه هناا!؟
عبدالله بهمس : انت ماقلت لي ان جدي ناايم!!!
ورديت عليه : الااا بس وش جابه الحين ؟
كنا احنا ورا الغرفه ولا امدانا نهرب دخل جدي الغرفه وسمعناه يصرخ ويردد يقول : مين الي دخل الغرفه !!!! وطلع من الغرفه بعصبيه!
وهنا شعرت بمويا حارة انكبت علي !!! كيف درااا اننا دخلنا !!!
مسكني عبدالله من كتوفي بكل خوف وقال لي : وش شفت بالصندوق! تكلممم! وربي كنت حااس انك بتجيب العيد كله من سبتك كله من راسك يالبقرة!!
ماقدرت اتمالك نفسي الا ودفيته بقوة : وش دخلني اناااا!!! ماجبرتك تجي مممعي!!!! والي بالصندوق وسكت بعدها
عبدالله برعب : اي وش فيه تكلم!
وقلت له بسرعه وانا خايف : ..ثوب متقطع وقديم وعليه اثار دم واصبع بشري لابس خاتم
ضحك عبدالله وقال : قول غيرها ذي ماتمشي علي اكيد فيه ذهب او فلوس صح !
عطيته نظرات جديه وتغير وجه عبدالله وقال لي بصراخ : كككككيففففف ددمممم!! واصبععع بشريي!!!!!!
وبسرعه قفلت فمه بيدي واقول له: ياااحمااار اسسسكتتت لا تفضحناا!!!
تركت يدي وقال عبدالله بذعر: جريمه قتل!!! جدي ذابح وذي اثار الجريمه!
..وقلت له : ممادري ياخي ممره شي غريب !!
عبدالله : خلاص طيب خلنا نطلع من ذا المكان لاني ماني مرتاح !!
مشينا لين ماقربنا من المزرعه وقلت له : اسمعني زين ياويلك اذا احد درا باللي قلتك عنه الي صار اليوم انسساه!!
عبدالله : احس مو مصدق باللي تقول بس ماعليك ماني قايل لاحد بس انت ؟ بتنسى سالفه الصندوق ولا لا؟؟
سلكت له وقلت : اي ماعليك .
ناظر فيني بنظرات حاده وقال : تركي!!! ترا اعرف حركاتك!!
حاوطت يدي من ورا رقبته وقلت له وانا امشي: اي شفيك مانت مصدق؟ انا نسيت وانت مانسيت يلا غير ملامح خوفك ذي وانسى الي حصل وخلنا نفلها عند العيال .ابيه ينسى السالفه عشان مايجيب العيد
ودخلنا المزرعه ورحنا للعيال.
أنت تقرأ
سر الصندوق الاسود
Actionفيه صندوق متواجد عند جدي ويخفيه لنا اكثر من سنوات ويمكن له سنين كثيره ! مره من المرات بكتشف وش سر الصندوق وليتني ما رحت !
