ابراهيمي

بارت1

صباحا في ولفة.
امال: ا تي نوضي و نتي ساهرة لنصاصة ليل و فايقة تال لعشية نوضي
رميساء: ا ماما الله يهديك خليني نعس راه كنكون غا كنقرا فشي رواية ولا كنهدر معا صحاباتي
امال: وا بقاي تابعة روايات و صحاباتك تا يخرجو عليك نوضي تكعدي
رميساء ناضت كي سكايري و مشات غسلت وجهها و قدات حاجتها و خرجت
رميساء: صباح لخير ا مي
نجاة(جدة رميساء): صباح لخير كلسي تفطري
فطرات رميساء و مني سالات شدات تلفونها
رميساء(بطلة رواية) درية عادية و ضحوكية و كتهدر بزاف فمها خارج عليها كدير نظاظر طيبين شكلها عادي شعرها ماشي حرير و مسرسب شعرها كيرلي لونو قهوي فاتح و ديما كتبوكليه لون عينيها بني شوية معا شمس كيبان فاتح وجهها مدور و عندها خالة في جهة ليمنية بين فمها و نيفها و كتكرها حت كتشوفها بحال ديال شيخات فورمتها مقادة.
نرجعو عند رميساء مني شدات تلفون
محادثة بينها هي و صاحبتها رباب:
رميساء: حلفي بالله ما كتكذبي
rbab: والله ا ساطة ما كنكذب
رميساء: ناااري بصح اتسكني حدانا و نخربوها كيما كنا كنقولو
rbab: اه ا ساطةة انا فرحانة
رميساء: اوا ايمتا اتحولو
rbab: هاذ سيمانة نيت حت ايكون دخول مدرسي
رميساء: صاف ا ساطة موح انا يوم انمشي لهروايين نسبقك باش مني تجي تلقايني
rbab: 💋صاف ياله توصلي بسلامة
نهاية محادثة.
رباب صاحبة رميساء درية بحال رميساء في عقليتها هربان ليها و فيها هدرة بزاف و لي جبدها جبد جايحة لكلحة قبيحة هي زوينة وجهها مدور شعرها كيرلي ومعا شمس كيبان صفر تا هيا كدير نظاظر طيبية فورمتها بومبة.
رميساء وجدات راسها لابسات سروال دجين اوفر سايس زرق معا تيشورت بيض و ساك في كحل دارت نظاظرها و لبسات سبرديلة بيضة كتسنا في ماماها باش يمشيو يشدو طوبيس و يمشيو لهروايين فين كيسكنو
جات امال ام رميساء مراة ضريفة قارية و واعية واخا بعض مرات كتعصب و كتخرج اعصابها في رميساء ولكن كتبقا بنتها و كتحن فيها لبسات جلابة في خضر معا فولار بين خضر و بيض مشاو يتسناو في بلاكة طوبيس تا جا و ركبو وصلو لهروايين و مشاو دار
رميساء: واا ا ماما عيت بغيت غا نعس
امل: اويلي على درية زيدي غملي معايا دار شوفي حالتها
رميساء: نااري ياله دخلنا حشوما عليك
امل: سكتي بدلي حوايجك و زيدي.
مشات رميساء تبدل حوايجها و هي كاعية لبسات سروال مخطط بالخطوط زرقين رقاق و وسطهم خط كبير بيض معا تيشورت كحل جمعات شعرها بالمقبط و بداو تخمال.
رميساء: نااري صافي انموت وا اخير سالينا
امال: نتي شتي غا هادشي مشتيش تمارة لي كنضرب كل يوم
رميساء: ا ناري ا ماما فينما ندوي معاك تجبدي هاذ تمارة
امل: اه حت ممجربهاش
رميساء هزات تليفونها و كيت تحت نكير مها
محادثة بينها و بين رباب
rbab: واا فين
رميساء: ها حنا ا ساطة ونتي
rbab: هاني كنجمع حوايجي غدا انجيو عندكم ا ساطةة تخيلي مهم وجدي راسك
رميساء: حلفي بالله
rbab: ا سلكوطة فينما نجي تقولي حلفي بالله
رميساء: وا من كثرة فرحة
rbab: 😭تانا فرحانة و نشوف نيت وحش
رميساء: ناري راني دويت معاك ما بيني و بينو والو و اصلا مكنحملوش
rbab: وانا مالي نتي ديالو و هو ديالك غتبغيو هادشي غا بداية فاش تتكون بطلة مكتحملش بطل
رميساء: رجوع الله 🙂
rbab: هربتيني😭😭
رميساء: صاف تهلاي غدا انتلاقا بيك😭
rbab: صاف تشاوو موح💋
نهاية محادثة.
بعد ما سالات محادثة رجعت رميساء ذكرتها لور.
🎇فلاش ياك🎇
استاذ: خرجي عليا من صباح وانا ساكت ليك ياله سيري
رميساء: والله تا حكرة غا كنا كنغنيو
استاذ: ايه انا عندي مسابقة ديال غناء
رميساء: نصاب كون كانت عندك
استاذ: خرجيي ياله درقي زلافتك
خرجات رميساء و خبط من وراها استاذ باب
رميساء: تفو استاذ حكار الله ينعل زامل بوه
هبطات في دروج وهي تلقا واحد منظر دري مقنت درية وهي كتبكي
رميساء: ا هيا ان هذا منكر شو درية مسكينة حاكر عليها هاذ مكبوت تامل
رميساء هبطات كدردب في دروج باش توصل عندهم
درية: ءهي ءهي خويا الله يحفظك الله يخلي ليك لي عزيز عليك لا ما طلق مني ءهي عفاك
دري: سكتي منسمعش حسك ا بنت لقحبة
رميساء بانت كي سبيدرمانا
رميساء: ما كاين لي ولد لقحبة قدك ا مكبوت تفرق على درية و دفعاتو
هو بقات كدور ليه ولد لقحبة باقي متزادش لي يعايرو
جمعها تا جمعها و عطاها واحد لمسمنة حرشة بقوامها
شدات رميساء حنكها تا ولات تشوف نجوم كيشطحو شرقي
دري: ياله هبطي تقودي نشوف كمارتك نغتاصب مك
رميساء ما عرفت باش تبلات تا سميتها نساتها و ديك درية بقات فيها رميساء حت هي غا دافعت عليها هزتها و هبطت بيها لمرحاض
غسلات ليها وجهها باش تفيق
رميساء: بسم الله رحمان رحيم ناري ذاك قواد صرفقني
درية: ناري سكتي دابا يسمعنا و يصدق خارج لينا
رميساء: و مالو يخلعنا
درية: ايه يخلعنا و يفوتها لهيه
رميساء: وا لايني وحش هاذا
درية: و كثر ولكن شكرا بزاف حت عاونتي عمري نسا ليك هاذ خير
رميساء: اويلي ما بيناتناش ا ساطة
درية: شكرا اوا شنو سميتك
رميساء: سميتي رميساء ونتي ا زين
درية: سميتي مروى
رميساء: سميتك زوينة بحالك
مروى: ربي يخليك
رميساء: ياله زيدي نضربو شي دويرة منها نيت نتعرفو و نوليو صحابات
مروى: علاش لا مرحبا
🎇نهاية فلاش باك🎇
رميساء: زعما نكون باقي في بالو و محلف عليا من عام لي فات ولا نساني؟
بقا هاذ سؤال كيدور في ذهن رميساء و هي خايفة من هاذ عام دراسي لي تقدر تلاقا بيه واخا هو مكيقراش في مدرستهم غا كيجي يدوز سوايع معا صحابو و كيخرج ولكن لهيبة لي عندو كتخلع.

هنا سالا بارت كنتمنى يكون عجبكم بارت و كتبو ليا في تعليقات كيف جاكم؟ وخليو واحد نجمة معاكم باش نبقا نحط بزاف ديال لي بارت💗😭