لا تستسلم | Don't give up

تـأثير الكـلام.

الأهل هم أول مصدر للإحباط لـ اطفالهم ، أي فرد من الأهل يبدأ ب تحطيم قُدرات الطفل من نعومة أظافرة ( ياغبي مو كذا ، انتا غبي ، ولا عمرك راح تعرف ، اصلاً م يرتجي شي منك ، م نتوقع منك شي ، انت مو قد الشي لا تتكلم فيه ، م استفدنا منك شي ، ريتك زي فلانه شاطره واخلاق ، شوف فلانه كيف وووالخ )

يحسبوا إنهم بذا الكلام راح يحفزوا اطفالهم ع انهم يكونوا افضل وأنجح م يدروا أول سبب للفشل الكلام السلبي ، معاناتي كانت كذا واسوأ من ذا الكلام وكبرت وانا شغف الدراسة عندي صفر لولا جو المدرسة الحماسي وتهيئ المدرسة لنا بشكل يخلينا نحب المدرسة م كنت راح اخطو خطوتي الأولى وكمان الأساتذه يرجع لهم الدور بشكل كبير جداً لان نقضي ثلث يومنا بالمدرسة .

واصحاب المراكز الاولى صحيح هنا صعب شوي يعني م نقدر نختار الي نمشي معاهم لان تعودنا عليهم
بس تقدر ع الاقل تجدد صداقات مصالح مشتركه مع الدوافير بحيث تقدر تتفوق بمعدل عالي وفالنهاية لو م قدرت تكسبهم اصدقاء للمدا يكفي ف إيطار الدراسة ، لان حتى لما تكبر وتدخل الجامعه حتكون محتاج شخص مُلم مُهتم مُحبببب للدراسة يصحيك من غفلتك ، لان مهما كبرت حيضل الكلام البسيط احيان تأثيره نفس السم لما ينتشر بالجسم بشكل سريع ، ربما ترمي كلمة م تعطي لها بالاً تحبط شخص وتخليه بالدرك الاسفل مو قادر يتخطى مو الكل عنده شخصية قوية ومايأثر فيه كلام الناس ، إعرفوا أن اي شخص قد حُطم من قبل اهله ف هوا شخصية رهيفه ويأثر عليه كلام الناس عامةً لذلك رفقاً بِنا ي اهالي ولطفاً بالكلام معنا 👍🏻.