يـا أروع هـديـة مـن اللة

الطلعه

علي وسلطان دخلوا البيت وعلي كان حاس بشويّة راحة بعد ما فضفض حق سلطان

ف الصاله اتيمعوا مع أهلهم وتبادلوا الأحاديث لين يا وقت الغدا

و هم ياكلون علي كان بعده مشغول باللي صار مع حميد

عقب الغدا، راحو الصاله وبدوا يتكلمون عن خططهم لبقية اليوم

سلطان طالع علي و ساله: علي تحس انك صاير احسن؟
علي: هي شوي يعني بس بعدني حاس ان الامور بيني وبين حميد ما انتهتى
سلطان: خلاص خ يولي ها حميد لا تخليه ياثر ف نفسيتك
علي: إن شاء الله أتمنى بس الأمور تتحسن
سلطان:باذن الله يلا سير غير لبسك و تعال نروح لنهيان

سار علي تلبس و طلع وراحوا لملعب

وصلوا الملعب وكان الجو ولا غلطه

نهيان يرحب فيهم: هلا والله من يانا
سلطان و علي: الله يحيك
نهيان: وين كنتو انا هني من ثلاث العصر انتظركم
علي: اقولك مشغولين بالاكل
نهيان: هي انته بس همك الاكل
علي: حرام الانسان ياكل؟
سلطان: يلا يلا بسكم خ نلعب
نهيان: صدقك

و بدو يلعبون هم الثلاث و علي تحسن نفسيته الضحك والمنافسة خففوا من توتره وخلاه ينسى هموم اليوم

و خلصو اللعب و سارو و يلسو تحت الشيره المظله

سلطان: اخخ باسم الله
نهيان: بلاك عيزت
سلطان: اسكت بارك الله فيك
علي: قايز ش رايكم نسير ناكل؟ يمكن يعتو
نهيان: قول تبا تاكل و خلاص
سلطان: والله مب علي اذا م ياب طاري الاكل

و ضحكو كلهم

علي: والله صراحه احب الاكل و يعني منو م يحب الاكل
نهيان: هي هي صح
سلطان: يلا قومو نسير الكوفي
نهيان: يلا

قامو كلهم و سارو و ركبو الموتر

عند اليازيه.........

اليازيه: الو مهروو شحالج
مهره: اهليين يزويي بخير و انتي
اليازيه: بخير دام مهروتي بخير
مهره: عسى دوم يا عيون مهروه
اليازيه: اتخبرج مهره
مهره: هلا امري
اليازيه: ش رايج تيين عندي
مهره: احين؟
اليازيه: هييي احيين
مهره: ليش ان شاء الله فيج شي؟
اليازيه و هي تضحك: لا لا حبيبتي بس جي تعالي لاني ملانه و م عندي حد اسولف وياه
مهره: تمامو احين ب.........
ام محمد تقاطعها: مهره قومي نشي بنسير عند ام سلطان
مهره بحماس: توه يزوي عازمتني
ام محمد: سلمي عليها
مهره: ها يزوي امي تسلم عليج ويايين عندكم
اليازيه بحماس: الله يسلمها ممتااااازززز

عند الشباب............

وصلو الكوفي

حجزو طاوله و سار سلطان يطلبلهم اكلهم

كلو و هم يسولفون و يضحكون و بعدين دفعو الفاتوره و طلعو برع

نهيان: الحمد الله
سلطان: ها نهيان كيف كان يومك
نهيان: والله صراحه ولا غلطه خاصتا انه الاكل كان ع حسابك
سلطان: هي هي العفو يلا دشو الموتر بنوصلك نهيان
نهيان: مشكورين والله ما قصرتو
سلطان و علي: العفو

ركبو الموتر و وصلو نهيان البيت

نهيان و هو نازل من الموتر: باسم الله
سلطان نزل الدريشه الي عند علي: سلم ع محمدو و قوله فاقدينك
نهيان: يلا زين
علي: ف امان الله

و مشو

سلطان: ها علاوي كيف كان يومك؟
علي: الحمد الله تصدق عاد نفسيتي تحسنت
سلطان: الحمد الله
علي: شكرا سلطان ما قصرت
سلطان: م بيننا اخوي
علي: الله لا يحرمني منك

عند نهيان.........

نهيان: سلام عليكم
بو محمد: وعليكم السلام كيف كانت الطلعه؟
نهيان: ولا غلطه
بو محمد: زين زين
نهيان: محمد وين
بو محمد: ف غرفته
نهيان: و امي و خواتي وينهن
بو محمد: راحو بيت بو سلطان
نهيان: انزين ابوي بسير عند محمد بطمن عليه و عقبه بنام تامرني ع شي
بو محمد: سلامتك
نهيان سار و باس راس ابوه و عقبه سار فوق عند محمد

نهيان يدق باب محمد: حمود عادي ادخل؟
محمد بصوت تعبان: هي ادخل
نهيان: سلام عليكم
محمد: وعليكم السلام من وين ياي انته
نهيان: طلعت ويا علاوي و سلطان رحنا لعبنا كوره و سرنا  الكوفي
محمد: هييييه بدوني؟
نهيان: خلاص مره اليايه ان شاء الله
محمد: هي هي يلا اذلف ابا انام
نهيان: لا والله توني داش بتطردني؟
محمد: ترا غرفتي
نهيان: م علي حمود م علي
محمد و هو يضحك: اسوولف

نهيان حظن محمد و باس راسه و طلع

سلطان و علي وصلو البيت دشو داخل و حصلو ام محمد و بناتها موجودات سلمو عليهم و علاوي سار يرقد

ام سلطان: ييتو من وقت سير وصلهم بيتهم يلا
سلطان: بس تم

و سار سلطان يوصلهم

ام محمد: شحالك ولدي
سلطان: بخير خالو و انتي
ام محمد: الحمد الله كيف الجامعه؟
سلطان: الحمد الله
ام محمد: شد حيلك ولدي خلص بسرعه نبا نجوفك معرس لاه
سلطان: ههه م عليج خالو لا تحاتين
ام محمد: ان شاء الله

وصلو بيتهم و نزل سلطان و فتح الباب حق ام محمد

ام محمد: شكرا حبيبي م قصرت
سلطان: م بيننا خالتي و قولي حق عمي سلطان يسلم عليك
ام محمد: يلا من عيوني ف امان الله

نزلو ام سلطان و بناتها و سلطان سار البيت