يـا أروع هـديـة مـن اللة

الطلعات

مهره: الحمد الله افتكينا منها
ام محمد: عيب يماه لا ترمسين عن بنت خالتج جي
نوره: امي انتي م جفتي حركاتها والله تلوع الجبد
مهره: تتحسب عمرها كول
ام سلطان: بسكن حش عن البنيه
نوره: خالو حتى انتي

اليازيه كانت بس قاعده اطالعهم

عند الاولاد...
نهيان:ملييييتتت اففف
محمد: هي والله انا حتى مليت
سلطان يجوف تيلفونه: مليتو من شو
محمد: القاعده
سلطان: انزين قومو اوقفو
محمد: والله مشكلتي اني اكلمك
سلطان: شو
محمد: ولا شي
سلطان: زين
نهيان: انزين ش رايكم نطلع
سلطان: نطلع نسير وين
محمد: انتو وين تبون تروحون
سلطان: ماعرف
محمد: خل عنك الفون و ركزز معاي
سلطان: ها شو
محمد: خ نسير مكان
سلطان: وين انزين
نهيان: خلنا اول شي نركب الموتر بعدين بنقرر
سلطان: بس قدام
محمد: يلا علاوي بتي؟
علي: لا تعبان شوي
محمد: تمام يلا سلطان و نهيان مشينا

بو محمد: ل وين
سلطان ومحمد: بنطلع
نوره: وين بتسيرون
محمد: م يخصج
نوره: انزين عادي ايي وياكم
محمد يقلد صوتها: "عادي ايي وياكم" اقول تمي مكانج و انتي ساكته
نوره: ابوي جوف محمد
اليازيه: م عليج منهم نحن بنطلع مع بعض
سلطان: بتروحون بروحكم
علي: انا بيي وياكم
محمد: لا والله توه قبل شوي سالناك اذا بتي ويانا قلت لا احين تقول هي
علي: مب وياكم انتو ويا البنات
اليازيه: هي هي ليش لا
سلطان و نهيان يعطونه سايد اي: اونه
محمد: يلا شباب مشينا
ام محمد: انزين انتبهو ع اعماركم
سلطان: تسلمين خالو

بو سلطان: و انتو متى بتطلعون
اليازيه: ماعرف والله متى تبون نطلع
علي: عقب المغرب احسن
مهره: هي عقب المغرب
بو سلطان: انزين انا و رشود بنتوكل احين
ام سلطان: ل وين انتو بعد
بو سلطان: طالعين نلتقي مع ربيعنا
ام سلطان: تمام

و طلعو بو سلطان و بو محمد

ام محمد: انزين اذا كلكم بتطلعون منو بيونسنا
ام سلطان: م عليج عليو عنديلج سوالف خطيره
اليازيه: صدقوني بيحشن ع خلق الله
ام سلطان تضحك: هه لا منو قال
ام محمد: نحن مب نفسكم
مهره: ش قصدج امي ترانا تربيتج

ام سلطان نقعت ضحك

ام محمد: يا بنت يودي لسانج
ام سلطان: م الومها
ام محمد: لا و تاخذين صوبها

علي ندمان: ش جابرني اتم و اسمع سوالف حريم
اليازيه: مب انته الي كنت مستانس تبا تطلع ويانا
علي: خلاص مابا سوالفكم ملل
مهره: مب كيفك
علي: بسير العب سوني ابركلي
مهره: هي هي سير احسن فكه

(علي م رد عليها)

اليازيه:بنات دام انه بنطلع تعال خ نسير فوق نتكشخ
مهره: لعباتي والله
ام محمد: لا تتكشخن وايد
اليازيه: ان شاء الله

علي سار يلعب سوني ف غرفته

و الحريم كانو يسولفون تحت

و البنات سارو يتجهزون حق الطلعه

عقب ساعه اذن العصر و صلى الكل

مهره: ما شاء الله عليج يزوي مكياجج ولا غلطه
اليازيه: ثانكيو ثانكيو
نوره تتغشمر: حق منو ان شاء الله
مهره تغمز: حق حمود ها
اليازيه: ش خصه هو سيرو لاه
مهره تضحك: هي هي
اليازيه: بسير عند علي و بي
نوره: تبا تشرد بس م علينا
اليازيه: اوهو جب

يازيه تدق باب غرفة علي: علي

(محد رد)

لفت ترد عند مهره و نوره جان علي يطلعلها

اليازيه: باسم الله زيغتني من وين راد
علي: من المسيد ش تسوين هني
اليازيه: كنت يايه اقولك شي
علي: شو
اليازيه توسوس: باجر عيد ميلاد مهره
علي: انزين و انا ش خصني
اليازيه: يا ثور ابانا نسير مول عشان اخذلها هديه
علي: انزين بنجوف خلصتو؟
اليازيه: هي
علي: انزين يلا بترياكن تحت
اليازيه: تم

علي ينزل تحت: امي عادي اخذ سيارتج؟

( علي بعده م عنده الليسن بس يعرف يسوق)

ام سلطان: تمام بس رجعها نفس ما هي
علي: تمامو

سار علي خذ مفاتيح الموتر و راح دايركت يشغله

و عقب الشوي البنات نزلن

ام محمد: فديت بناتي المتكشخات
مهره تدلع: اوفكورس اوفكورس
ام محمد: ويييييععع م تعرف تدلع
مهره: اويه امي
ام سلطان تضحك: مسكينه خلي البنيه ف حالها
ام محمد: اسولف وياج
مهره: تحريت بعد
ام سلطان: انزين يلا انتبو لنفسكم ف امان الله

و طلعو

وصلو عند السياره

علي: سنه ليم ما توون
اليازيه: عن الجادله ترا ييني
علي: انزين يلا اركبن

و ركبو الموتر

( بطوف شوي عشان اوفر وقت)

أول شي راحوا المول ويزوي دخلت محل عشان تييب حق مهرة هدية وف الوقت هذا مهرة ونورة وعلي كانوا يشرون كوفي وخذوا واحد ليزوي بعد ما خلصت راحت وقابلتهم جدام محل الكوفي وبعدين راحوا للبحر يستانسون وبعدها رجعوا البيت.

مهرة ونورة نزلوا من السيارة وراحوا لبيتهم ويزوي وعلي دخلوا بيتهم بعدين

بعد فترة رجعوا سلطان ومحمدو نهيان