وبَّاص

"الأَجذَم"

(كان المفروض احط صوره لها علاقه بالبارت بس الواتباد معلق..)
.......

الشروط 💞؛
٧٥ فوت
١٧٠ كومنت

-------------------------------------

قبل ستة سنين من المجرى الزمني الحالي : سنة ٢٠١٨

اعمار بعض الشخصيات:
مشعل ، مشاري : ١٣ سنة

------------------------------------

_" مشيوير تثق فيني انا اخوك حبيب قلبك توأمك صح؟ "

قلتها وانا ماد يدي ومعطيه هذيك النظرة يعني لا تسفهني، تكلم فابيان وهو يمد يده اليسار لمشاري

_" مشاري انا صديقك ورفيقك بالخير بدون الشر لا تردني!"

صرخت وانا امحلق بفابيان اللي يضحك على وجه مشاري المنكوب

_" مشوري تراه ماد يده اليسار لك ردّه وامش معي"

ضحك مشاري وقال وهو يقوم نفسه بنفسه بدون ما يختار واحد فينا

_"وش تبغاه يعني يمد رجله ما عنده اي خيارات ثانية!"

شمقت وطالعت بالاشقراني اللي جمبي وهو يضحك وقفنا انا ومشاري مستغربين من ضحكته اثنينا وحسينا انه فيه ذبه بالموضوع بس مو قادر يطلعها، اخذ فابيان نفس وقال

_" ما عندي اي خيارات ثانية صح.. بس عندي طماطمات!!"

طاح بعدها ضحك على الارض هالخبل!
ناظر فيني مشاري يسأل اذا نسلك له ولا نسفهه واشرت براسي لليمين يعني خل نمشي ونسيبه، لقطها اخوي البطل وسِبنا فابيان يضحك لوحده زي المجنون على درج المدرسه

دق جرس انتهاء الفسحه وطلعت انا ومشاري للفصل دخلنا وجلسنا ورا اخر شي بالزاوية

طيب مشعل مو انتوا اماكنكم قدام ؟ ايوا بثاني صف عشان مشاري ما يشوف زين!
طيب ليش جلستوا ورا ؟ مالك دخل ولا اقولك؟ مالك صلاح كمان بكيفي بتكي مع اخوي الوسيم الرايع ورا غصب

مدري ذي اماكن من اللي جلسنا بها لكن غصبا عن الجميع مدام مشعل جلس فيه مع اخوه يعني ما بنقوم الا يوم يحلها ربي محد يبغا يدخل بمشاكل مع مشعل اخ سلطان!! حاليا الطلاب بدو يدخلون الفصل وانا متكي على الجدار ومشاري متربع وبنفس الوقت منسدح في حضني ياكل شبس خل وملح ريحته تخش المخ فايحه، عاد مشاري ومهيار الوحيدين المسموح لهم ينسدحوا بحضني غير كذا ياكلون****** احسن!

قرب مننا ولد معصقل يبين مايع واضح ولد نعمه ومعاه واحد مليان معضل  شكله البوديقارد حقه، تكلم المايع المعصقل

_"لو سمحتوا هذا مكاني مديعين!"

المايع المعصقل طلع مايع من جد!! وش مديعين!؟ الخطه كانت اضحك عليه بس مشاري دقني ان لا اضحك عليه يمكن عنده لدغه ولا صعوبات ولا شي مشوري كل عاده حساسه يخاف على مشاعر الناس! تكلمت وانا اطالعه بعيني دون ارفع راسي