الكـاتبه
رحمَـه ريـاضَ
"لاتسكُن الريف فيضيعُ علمَك،
من أراد العُلا هجر
القُرىٰ؛"فإن الحسَد فـي الأريافُ ميـراث"
~~~~~~~~~~~~~
احـد اشخاص قريتنا
رعُـب ، خوف ، انحدار ، اطلاق نار
ابوي مايحب التضاهر بلفلوس ولا يحب التكبر
زبون:بشكد كيلو البرتقال كاظم
كاظم:الكيلو بعشرين
زبون:ولله غالي
كاظم:برتقالي طازه ماكو منه بلسوك بس هلمره راح ابيعه الج ب١٥بس لا تكولين لاحد
زبون:اي تمام
:مرحبا
كاظم:هلا بنتي
وكع چيس البرتقال من ايده وصاح بصدمه ملليححه؟؟
لملمت الجيس وانطتها اله
كاظم:اسف بنتي شبهتج بوحده وتفاجأت شويه انسَي
شمحتاجه عندي برتقال وتفاح
:اريد ريبورتاج صغير
كاظم:انتِ صحفيه جديده مو؟
:اي صح شلون عرفت
كاظم:مبين تدورين ريبورتاج وتنطي لمديرج ويرفعج من مكانتج
:اي صحيح سمعت هواي بأسمك وفضولي جابني يمك
كاظم:إممم السؤال الي ميعجبني ماجاوب علي مو تكولين ماكال
:بفرحه موافقه
كاظم:تعالي يمي
طلعت تلفون تريد تسجل لزم ايدها وكال الها تسجيل ممنوع تطلعين دفتر وتكتبين
:اوكي تمام مو مشكله
كاظم:تعاي كعدي هنا
:وين تودي الفواكه الزايده؟
كاظم المغرب ينسد السوك ويجون ناس فقره ويلمون البضاعه الخربانه بس اني ولا مره عفت بضاعه خربانه ٤٢ سنه مادخلت فواكه طازه لبيتي كله خربان علمود الفقره
:كم ولد عندك؟
كاظم:الچبير مهند
:هذا المسجون؟
كاظم:اي والأصغر عمران
:هذا الي مستلم امور الشغل
كاظم:اي صح
:وعندك عمر مو صح؟
كاظم:اي الاصغر من عمران عمر
سد البسطه وراحو يتمشون هي وياها وهي تاخذ معلومات
كاظم:هاي القريه ملكي واني الوهم كلهم
طلع ولد من باب مكتوب علي (كاظم ابونا)
باوعت هيه وكاظم ابتسم
عمـران
لازم حديده ويضرب بوجه واحد ولازمي سامر وخالد وهوه يضرب بي
وره ماكمل وجها صار كله دم اجه يمه عمران وكاله هم بعد تعتدي علأطفال؟؟
هو:لا ولله بعد ماتقربلهم
مشه عمران هوه وسامر وخالد يريدون يطلعون كاللهم عمران الحكوني للملعب
خالد:اخويه تعبه
عمران:مو انتو ضربتو اني ليش تعبتو
خالد:صارلنه يومين ندور بي علمود نجيبه تعبانين ولله خلنروح انام
عمران:هههههه ماشي روحو نامو
راح عمران واخذ وياه ابن الحلاق عبدلله وراحر للملعب
............
كاظم:انتِ شنو اسمج
هاله*
هاله:عادي اسئلك سؤال بس متتعصب
كاظم:ليش حتى اتعصب اسئلي
هاله:انتَ صاحب نص العقارات الي بلقريه والبيوت والسيارات وعندك ثروه اكثر من مليارات ليش دتشتغل بلبسطه؟
جاوب كاظم وهوه متوقع هل سؤال وكاللها اسمعيني بنتي المرحوم ابوي جان يكلي دائماً ياولد لاتلم الفلوس لم الناس. لان اذا توكع محد يجي بصفك شنو فايده الفلوس اما البسطه مو بس اني افتح بسطه ولدي هم لان مايهم وين وصلنه اليهم شنو اصلنه لان هاي الحياه لو شكد مايلملم راح يجي يوم ويروح بوحده للكبر مياخذ وياه شي وتضل سمعته حسب تصرفاته ويه الناس
____________________________________
عمـران:طبيت بدلت وطلعت لكيت شخص كاعد بلملعب لابس رسمي وكاعد ويفر بلسبحه من طلعت نزل المناضر وباوع علي
:ياعيني اجينه نسلم عليك سيد عمران
عمـران:الفوته هنا الها اصولها
:اي صحيح سيد عمران بس جنابك مشغول هواي ومناوي تفرغ وجيتك لهنا
عمـران:عبد الرحمـٰن؟
عبد الرحمـٰن:اي صحيح
اجه عبدلله ابن الحلاق وفريق وكالي اخوي عمران الفريق جاهز ووكفو وراي كلهم
عمـران:بلشو رياضه بين ما اجي
عبدلله:ماشي
عمٰران:اخوي عبد الرحمـٰن اني وقتي من ذهب ماريد اضيعه اختصر
عبد الرحمـٰن:لا تشغل بالك سيد عمران كعدتنه ممطوله ومفيده
