يتـبع
رجعَ كاظم يمشي وعيونه تهز جبل ونضراته ترعب
رجع الولد وياه صوده ويرجف ويباوع انطه الصـوده لإصدقائه وصعد بلسياره بخوف
اجه كاظم ومد راسه بلجامه وكال
كاظم:جيت صـوده مو
الولد:ا اي
كاظم:بس عبالك بعدك ماشربت اشربب
شرب وهوه متردد وخايف
كاظم:وانتو هم اشربو يلا جابها الكم صديقكم ها شلون سألتو منو كاظم ؟
الولد بخوف:سألتو ع عمي
كاظم:انتو مو من القريه صح
الولد:اي صح
كاظم:والضاهر انتو مو من هنا اصلاً
الولد:اي ياعمي احنه غربه سامحنه
كاظم:انزل يمي يلا
الولد:عمي اسفين غلطنه
كاظم:اانززل
فتح الباب ونزل
كاظم:هسه اني وياك خلي نلعب لعبه حلوه انطاه قرش وكاله اكيد تعرف كتابه او صوره اذا انتَ فزت تاخذ سيارتك وتمشي واذا اني فزت بوقتها نشوف كتابـه لو صوره؟
الولد:خنكول صوره
كاظم:كلش حلو ممتاز يلا ذبها فوك ذبها وكاظم ركعه براشدي(كف على خده) كلش قوي وكال
كاظم:ثاني مره ماتاكل بـ** وتقلل احترام ويه ناس ماتعرفها يلاا ولي من كدامي
الولد بخوف:ح ح حاضر
صعد السياره وراح
رجـع كاظم اخذ القرش وراح ومشه وياه ابراهيم وكال
ابراهيم:بابا چان خليتني اضربه طلقه برجله
كاظم:لا ماتستاهل اذا عفتك براحتك كل شويه يجي واحد يعرج
البــيت
~~~~~~~~~~~~~~~
نيرمـين واكفه تطبخ ورجع الوها كاظم وكعد على الطاوله
كاظم:عليـشو هنا تعال اكلك نيرمين افتحي الباب
فتحت نيرمين الباب ضايجه لأن يوصخ مو نضيف
كاظم:تعال تعال حماتك تحبك يولد
انطه عليـشو خبز لـ نيرمين
نيرمين:دفوت فوت ما ناقصه
فات عليشو وكعد يمَ كاظم
عليشو:عمي اني ماعندي حمايه رفضوني
كاظم:منو رفضك حاب وحده هسه اطلبها الك شغلتك بسيطه
عليشو:ماكو عمي همه يقرون كتب والي يقرون ميحبوني جعت واريد شوربه
كاظم:الشوربه جاهزه شنو شميت ريحتها وعرفت
عليشو:لا مو هيچ خاله نيرمين طلعت الزباله
نيرمين:يياربي دخيلك ليش تكلي خاله اني ااصغر منك
اخذ عليشو الخبز وقطعه قطع صغار وخلاهن سره
كاظم:شنو دخل الزباله عليشو
عليشو:علبت زبده ولبن خلصان وفلفل يعني خاله نيرمين طابخه شوربه
نيرمين:دتسمعع بابا هذا يعرف الطالع والمدفون يدور بزبالتنه شنو هل ررخص
كاظم:ليهمچ بنتي هاي شغلته جيبي شوربه خل ياكل جاهزه مو؟
نيرمين:اي جاهزه ياكل ويروح منا بسرعه خخرب ريحته صارت بكل البيت
كاظم:لترد عليها اي شنو الوضع بلقريه اكو شي جديد
عليشو:سيد عمران بلملعب اجه رجال عنده كعدو وحچو
كاظم:منو هل رجال واحد من اهل القريه؟
عليشو:لا بس اني شفته هوايه قبل يم نواحي المدرسه والمضافه واليوم هنا
كاظم:وين هنا يعني
عليشو:هنا نزل من السياره كعدو وحچو ساعه
كاظم:منو حچو ساعه
عليشو:ششورربه
كام ياكل بلشوربه وعاف كاظم
كاظم:عليشو
عليشو:طييبه
كاظم:جاوبني
فات عمَران سلم وكعد
عمـران:بابا اذا ماكو زحمه اريدك بموضوع مهم
