His Kismet |Yizhan|✔️

06

හදිසියට පන්තියට දුවන්න ගියපු මන්සල්‍ය කාගෙද මන්දා ඇඟක හැපිලා තව පොඩ්ඩෙන් රොටරියේ වල පන්තිය ඉස්සරහ වල කජ්ජ ගහනවා...ඇත්තටම එහෙම වල කජ්ජ දැනටමත් ගහලා තියන එක හැබැයි ඉතින් ඒ වුණාට.....අනේ මන්දා...

මන්සල්‍ය මොකාද ඩෝ පාර මැද්දේ අල තම්බන මුස්පේන්තුවා බලන්න මූණ ඉස්සුවම දැක්කේ එයාට හුරුපුරුදු අහිංසක මූණක්....ඒ ඉස්සර නැත්තන් අනාගතයේ..ඉවරයක් නැති වැඩ කන්දරාව
අස්සෙන් මන්සල්‍යට සැනසීමක් අරන් ආපු එකම යාලුවා...රිවිදුල්න....මන්සල්‍ය තත්පරයක් ...දෙකක්..නෑ ඊටත් වඩා බලන් ඉන්න ඇති ඒ මූණ දිහා...හුරුපුරදු ගතිය අස්සෙන් ලාවට දැනෙන අමුතු කියාගන්න බැරි එක හැඟීමක අතරමං වෙලා මන්සල්‍ය රිවිදුල්න දිහා බලන් හිටියා. රිවිදුල්නත් හුඟක් වෙලා බලන් ඉඳලා එක පාරට මන්සල්‍ය උගුර පාදලා එහාට වුණ නිසා පියවි සිහියට ආවා...ඊට පස්සේ ලාවට හිනා වෙලා මන්සල්‍ය පන්තිය ඇතුලට ගියේ දැනටමත් හුඟක් පරක්කු වෙලා නිසා සහ තවත් පරක්කු කරන්න බැරි සර්ශාද්ට කියන්නම ඕන දෙයක්  මන්සල්‍යට තිබුණ නිසා.

'සස්වාන්..රිවිදුල්න මේ පන්තියේ හිටියද??'

'ඔයා කලින් නොදැකපු ඒත් දකින්නම ඕන දේවල් ගොඩක් තියනවා මන්සල්‍ය...මතක ඇතුව ඒ සේරම දකින්න....' එච්චරයි සස්වාන්ට කියන්න පුලුවන් වුණේ එයාව මන්සල්‍යගේ මනසින් එලියට ඇදිලා ගියා...මොනවද තමන් නොදැකපු දේවල් කියලා වැඩි වෙලා කල්පනා නොකර මන්සල්‍ය උත්සහ කළේ සෙනඟ ගොඩේ සර්ශාද් අයියව හොයාගන්න...මොකද ඒ දවස මන්සල්‍යගේ මතකය හරිනම් අයියගේ ජීවිතේ තීරණාත්මක දවසක්...අයියගේ තාත්තා ඇක්සිඩන්ට් එකකින් නැති වුණේ හරියටම එදා ඉතින් මේ ආපහු එන්න ලැබුණ අවස්ථාවෙන් මන්සල්‍ය.මේ ප්‍රයෝජනේ ගන්න සෑහෙන්න උත්සහ කළත් ඒක කරන්න මන්සල්‍යට ඒ වෙනකල්ම අවස්ථාවක් දීලා තිබුණේ නැහැ. ඒක සම්පුර්ණයෙන්ම වෙනත් අයෙක්ට සම්බන්ධ ජීවිතයක් නිසා ඒ තරම් විශාල පරාසයකට මන්සල්‍යට මැදිහත් වෙන්න බැහැ.

දැන් අවස්ථාව ලැබුණත් ඒ අවස්ථාවෙන් ප්‍රයෝජනයක් ගන්න විදිහක් නෑ මොකද සර්ශාද්ව තවම හොයාගන්න බැරි වුණා. හොයලා හොයලා අන්තිමේ තෙධාෂ සර්ගෙනුත් බැනුමක් අහගෙන යන්තම් සර්ශාද් අයියව හොයාගෙන කලබලෙන් වගේ සර්ශාද්ට කරුණු පැහැදිලි කරන්න මන්සල්‍ය අසාර්ථක උත්සහයක් ගත්තා. ඉන්ටවල් එකෙන් පස්සේ තමයි හරි නං සිද්ධිය වෙන්න තියෙන්නේ ඊට කලින් අයියට තේරුම් කරගන්න බැරිවුණොත් එයාම ගිහින් අයියගේ තාත්තව බේරගන්නවා කියලා දැඩි අධිෂ්ඨානයක මන්සල්‍ය හිටියේ...ඇත්තටම එහෙම කරන්න බැරි විත්තිය මන්සල්‍යට වෝනින් එකක් දීලත් තිබුණා වුණාට මෙහෙම නිකන් බලන් ඉන්න පුලුවන් කමක් මන්සල්‍යට තිබ්බේ නැහැ