عند جميله كانت تبكي وشافتها دلال قربت بسرعه لعندها:جميله شفيك شصاير حد ضايقك.
.
ومازالت جميله تبكي بدون رد،حضنتها دلال وخليتها تبكي براحتها ولمن تهدئ بتسألها
ضلت على هاذا الحال الين هدئت
.
دلال:من مضايقك جميلتنا
.
جميله:محد بس حسيت ودي ابكي
.
دلال ناظرتها:تكذبين على الكل الا عليا مابصدق،يالله قولي وش فيك
.
جميله سكتت ماحبت تبين هاذا الشي
.
دلال:حست انو حاجه شخصيه فماحبت تطولها انتبهت لجوال جميله الي يرن بـ اسم صقر:ههههه شوفي شوفي من يتصل عليك يالله ردي
.
شافت جميله جوالها وغمضت عيونها،وش تقول له
.
ردت بصوت مبحوح:هلا
.
صقر:اطلعي انا برا
.
جميله:بس
.
قاطعها صقر:لا بس ولاشي بسرعه وسكر المكالمه
.
دلال:يالله اطلعي
.
جميله:بس المديره بتقول ليه اطلع وباقي ماخلصت حصصي
.
دلال:روحي روحي وانا بكلمها
.
جميله:ويلوموني بحبك لاخلا ولاعدم
.
دلال:ترى استحي يالله امشي اخرتيه
.
جميله:احس ودك تفتكي مني
.
ناظرتها دلال بنظره قومي احسن لك
.
جميله:هههههههههه خلاص طيب شفيك
.
طلعت جميله وشافت سياره صقر راحت له وركبت بصمت،حرك صصقر السياره بسرعه،خافت من تهوره بس التزمت الصمت،
.وقف بمكان خالي من اي بشر ونزل وراح لعند بابها وفتحه وهي نزلت بصمت مشت سبقته وجلست
جاء وجلس جمبها وجلسو صامتين الاثنين محد قال كلمه دقيقه تليها دقيقتين الي صارت خمس دقايق
.
صقر:احم اولا انا اسف على كلام امي،انتي تعرفي..
.
جميله بمقاطعه:صقر خلاص انا تعبت ماهي اول مره تسويها
.
صقر:طيب امسحيها بوجهي اوعدك معاد تتكرر وانا بقولها بنفسي
.
سكتت جميله
.
صقر:جاتني فكره
.
ناظرته جميله يكمل
.
صقر:نقرب العرس ونهرب اي بلده
.
ضحكت جميله:موافقه
.
صقر:لو ادري بتضحكي كان هربنا من زمان
.
جميله:ههههه الا ماقلت لي شخبارك
.
صقر:دامني شفتك بخير الحمدلله وانتي شحبارك .
.
جميله:الحمدلله
.
صقر: اسف للمره الثانيه وثاني شي ليه زعلتي وبكيتي وانتي عارفه اني احبك ومستحيل اقبل بغيرك
.
جميله:اولا ادري انك مابتأخذ غيري ومستحيل اصلا
وثاني شي بكيت عشان الكلام جرحني شوي
.
صقر:ياويلي ع الثقه كان كملتي ثقتك بنفسك ولا تنجرحي من الكلام،انتي بقلبي وبعيوني ولاتهمي لكلام الناس احس انهم يغارون منك
.
ناظرته جميله بدموع: احبك تدري
.
صقر:اعشقك واهواك تدرين حاولي تفكري بموضوع تقديم العرس
.
جميله وسعت عيونها:تتكلم من صدق
.
صقر:اي والله معاد استحمل ودي نعيش لحالنا بدون اي حد، وش رايك بعد شهر
.
جميله:قليل مايمدي
.
صقر:لاقليل ولاشي حالي تجهزي كل شي يخصك والباقي عليا انا
.
جميله:بس
.
صقر:لا بس ولاشي خلاص موافقه
.
جميله:ان شاء الله على خير
.
صقر:ان شاء الله وحضنها من الجنب وطبع قبله بخدها
ـــــــــــــــــــــــــــــــــــــــــــــــــــــــــــــــ
عند شوق جالسه تمشي وتناظر القصور الموجوده.
تمنت لو انها تعيش بينه،قارنت بيتهم بالقصور الموجوده:ماشاء الله بروح اشوف يحتاجون مساعده
.
دخلت من البوابه المفتوحه ورنت الجرس فتحت احد الخدم شوق في نفسها:وااو خدم كمان ما اصدق
.
شوق:تحتاجون مساعده او تنظيف!
.
جت منيره تشوف من دق:ميري من جاء!
.
شوق بإرتباك:ااا انا قلت تحتاجو مساعده
.
منيره شافت حالتها وعرفت انها من اسره فقيره تدور على شغل:ايوه تعالي يابنتي
.
دخلت شوق بإنبهار وتعجب من القصر الكبير مشت تتبع خطوات منيره الي استقرت بالمطبخ
وسعت عيونها من كميه الجمال والتنسيق
منيره:يابنتي غسلي المواعين ورتبي كل شي وكمان شيلي الطرحه والعبايه مافي حد عشان تعرفي تشتغلي زين
.
شوق:حاضر
.
بدت شوق ترتب ومنيره تحس انها تعرفها وفيها شبهه من وحده تعرفها زييين
.
منيره: ايش اسمك انتي؟
.
شوق: اسمي شوق
.
رجفت منيره ووسعت عيونها وبربكه وصدمه: اا ابوك شسمه!
.
شوق وهي مندمجه بشغلها: اسمه صالح وامي الله يرحمها اسمها ولاء
.
منيره كحت بصدمه: من جدك تتكلمين
.
ناظرتها شوق واستغربت تصرفاتها: اي والله ليه تسألي.
.
منيره: لا ولاشي بس حبيت اسأل، انتي ليه تشتغلين بالبيوت
.
شوق: سكتت شوي ثم قالت: عشان اجمع المبلغ واشتري علاج لابوي
.
منيره: ليه وش فيه هو
.
دخل فارس طبعا كان ظهر شوق وشعرها الي ظاهر لفارس وكمان امه يشوف ظهرها يعني محد انتبه له.
.
ناظرت شوق منيره عشان ترد على سؤالها ووسعت عيونها لمن شافته هو ماغيره،صرخت بفجعه وتخبت ورا الثلاجه
.
ناظرها وانصدم من جمالها شاف عيونها وحاول يتذكر وين شاف العيون هاذي بس ماتذكر ابد
.
فزت منيره:بسم الله الرحمن شفيك يابنتي
.
شوق من الربكه ماقدرت تتكلم،ناظرت منيره وراها وشافت فارس:وش جابك هنا على الاقل طلع صوت يبين انك جاي
.
ناظرها فارس وقال:جيبي لي مويه
.
راحت منيره تجيب مويه من الثلاجه وقالت:اسفه يابنتي ياشوق ما انتبهت ولا دريت انه موجود.
.
شوق وفيها البكيه:لاعادي ياخالتي ممكن تخليه يروح عشان اخلص بسرعه ارجع لابوي
.
سمع فارس الصوت ميززه وعرف انها ذيك البنت،ابتسم بسخريه وفي نفسه:جت تأخذ دفترها!
.
جابت منيره المويه وخليته يطلع،كملت شوق تنظيف وجابت لها منيره اضعاف المبلغ وكانت بترده شوق لولا ان منيره قالت لها:عشان شغلك عجبني خذيها وكمان تعالي كل يوم اشتغلي عندي وبضاعف لك المبلغ
فرحت شوق:من صدق
.
منيره ابتسمت لفرحتها: ايوه يابنتي
.
شوق:يالله مع السلامه
.
شوق طلعت ومنيره دقت على السواق يجيها
ـــــــــــــــــــــــــــــــــــــــــــــــــــــــــــــــ
في قصر مسعود
كان وليد بغرفته رن جواله شاف الاسم وابتسم
.
ذياب:السلام عليكم
.
وليد:وعليكم السلام
.
ذياب:شخبارك
.
وليد:الحمدلله وانت شخبارك
.
ذياب:الحمدلله شفت انو عندنا 45يوم بنعتزل عن العالم عندنا مهمه يقولون صعبه
.
وليد:امااا
.
ذياب: اي والله واتصلت عليك عشان اكلمك
.
وليد:مو مستعد ابد
.
ذياب:استعد من الحين
.
وليد:متى
.
ذياب:بنمشي بعد منتصف الليل
.
وليد:الله يعين وخلصو كلام وبعدها سكر المكالمه وراح يشوف امه
ـــــــــــــــــــــــــــــــــــــــــــــــــــــــــــــــ
في الصباح الكل تجهز عشان المزرعه والكل راح الا وليد عشان القرار المفاجئ الي جائه بإنه يروح.. وراشد وزوجته.
.
بعد حوالي ساعتين
.
وصلو المزرعه وراحو يرتاحو بالقصر بعد الطريق
.
طبعا لكل شخص جناح خاص فيه
.
الدور الاول للجد والجده و فيه كمان المطبخ والصاله الي يجتمعون فيها
والدور الثاني لـ راشد وزوجته ومحمد وزوجته ومسعود وزوجته وبدريه وبنتها
الدور الثالث،للعيال
والرابع،للبنات عشان محد يجيهن من العيال لذالك فعلو جناحهم بأخر دور عشان يأخذين راحتهن
.
ـــــــــــــــــــــــــــــــــــــــــــــــــــــــــــــــ
الى هنا واكتفي ان شاءالله يكون اعجبكم،لاتحرموني من تشجيعكم🌹💜.
