أديكي عمري بحاله يا بوي واديني انتي الفرحة ياعين~~~
شنو هالبدايه الكئيبة لليوم استغفرالله دتمطر الجو كئيب بس هو من شوكت صار المطر كئيب؟اتذكر جان اليوم يصير مفضلي لمجرد انها تمطر، يجوز علامات البلوغ هايه هم شبه عجزت عمري 25 صار
كفشت شعري الاسود بالمرايه طولان الأفندي واصل لظهري شويه ويطخ طيزي وانتبهت على الهالات الي جوه عيني فاك زومبي مو بشر كطع تأملي لنفسي صوت امي "لينا كاعده نايمه" تصيح بعلو صوتها عبالك فد خمسين طابق بيتنا هو طابقين
- "شكو مامه شتريدين"
- "حنروح لخطوبه بنت خالتج دتعالي ويانه خليشوفونج الوادم يجونج خطابه شي مدام طول شعرج صرتي مره"
عرفت ليش اليوم كئيب بس والله طيز بيكم ثنينكم حروح اتمركص ضايجه كلت الها حاضر بس ابدل واجي بدون نقاش هه خطيه متدري حلبس قاط واخزيها اني اصلا ماعندي ميول للرجال بس للبنات اميل اهلي ميدرون ولو مادري شلون ميدرون الموضوع كلش واضح، اكتشفت نفسي بالمدرسه بس مجنت أقرب على اي بنيه رفضت هالشي بنفسي هواي بس ويه الوقت تقبلت وضعيتي هايه
المهم غسلت وكصيت شوي من أطراف شعري وفاك صار مثالي شعري هيج تغيرت نفسيتي من هسه،طلعت قاطي العزيز اوف هايه اني الي ادور خطيبه مو يدوروني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اخر خطوه هيه اتأخر حتى امي متلحك ترزلني - "يلا لينا تأخرنا فضيها عاد" اي هايه الاشاره تأخرت كفايه هسه اطلع - "دتشاقين لينا؟" تجاهلت حجي امي وصعدت بالسياره واني كابسه ضحكتي بالكوه على رده فعلها وابويه ميساعد ماع من الضحك على وجه امي لما صار الوضع هدوء حجيت "وين رايحين شنو وين الخطبه؟" الطريق غريب مو طريق بيت خالتي "للقاعه الملكيه الخطوبه هناك" حجه بابا وياها انرفع حاجبي ونبزت "ياهو يسوي خطبه بقاعه شنو عدهم فلوس زايده هذول؟" مو مهم وين ما يسووها يسووها اهمشي اركص واتونس
هياتنا وصلنا واول ما فتنا للقاعه امي تبرت مني وراحت تسلم عالوادم وسوت نفسها متعرفني،أمرنا لله شنسوي
