الف دمعه

1 .

ليث: بوووويه
ابو راشد: هااا
ليث: كتلت ابن السيد
ام راشد: يمه يمه ان امك يراشد ولك شلون كتلته

ابو راشد: رااااااشد الحك ولك رحنه بيها من ورى اخوك العار
فضه: ليش هيج تسوي اني شنو السويته وياك وتعاملني هيج واذا انته مارايدني ليش ازوجتني وليش ماخذت وحده من كحابك المن اجيت وكلت اني ابن عمه واولى بيها
ناصر: صوتج لا اكسر راسج لا عبالج عروس وتاخذين راحتج لا تخليني اطلع من طوري
فضه: والله كول النفسك وين اكو عروس وزوجه يلزمها من شعرها ويكله ترحين فدوه لأبتسام
ناصر: ههههههااي انتي هم امصدكه روحج عروس.
فضه: ربي اني شنو السويته وتبليني ابواحد مثل ناصر هاي بعدني بلبدايه وهو هيج كلي شلون اخلص العمر وياه. تقريبا بعد اسبوع انعزمنا عد بيت عمنه الثالث وشافتني بت عمتي امينه وهي جانت صديقتي مو بس بت عمي واني جنت الوحيده الاهلي على 3ولد فما عندي اخوات جانت امينه اكثر وحده قريبه علي من شفته كتله عل ناصر اشلون ايعاملني وشلون ايكلي الا اتزوج لو ابتسام لو منار وشلون كل مايحجي ويكلي ترحين فدوه الهن وشلون ضربني راشدي ثالث يوم العرس صار العشه اشوف بنات عمته هنه نفسهن بنات عمتي خديجه وحوراء يتهامسن ويضحكن مادرتلهن بال امينه: خلي يولن لا تهتمين هسه اني اكول الخالتي عليهن
فضه: لا عادي ولايهمج عاد اهون من ناصر
امينه: ههه
فضه: كملنه عشا وجاي نطلع من الصاله للكراج ودخل ناصر اباب الصاله
ناصر: هله بنات عمتي شلونجن
خديجه وحوراء: هههه انته شلونك اشو بس ازوجت نسيتنه لا تجي لا تمر نسيتنه مو احنه الحب الاول
عمتي: ههههه ولا دكعدن راحه لا نوب تروح اتصدك مرته
فضه: لا لا عمه اعرف يشاقن امينه خزرت خالته ورجعت باوعت عليه وبتسمت
امينه: لاتهتمين وناصر اني اكل الخالي علي
فضه: لا امينه فدوه اسكتي لاتخليني اندم لأن حجيتلج
امينه: ماشي راح اسكت الخاطرج واذا عاداهه انتي روحي الخالي وكليله
فضه: ماشي. رجعنه وهو الطريق كله يمدح ابخديجه وحوراء ويضحك انقهرت منه اذا بلجمال اني احلى منهن اثنينهن اذا بلدراسه اني مدرسة اسلاميه يعني ماكو شي ناقصني وبت عمه وابوي شيخ معمم واخواني كلهم واصلين يعني شنو النقص اليشوفه بيه مااعرف المهم تقريبا صار شهرين على زواجنه وطلعت حامل رحت الاهلي اشوفهم لكيت خالتي عدهم سلمت عليهم وجنت كلش مشتاقه الامي ماجني شهرين ماشايفتهم عبالك سنه فرحت امي وخالتي هم
فضه: يوم مشتهيه تمن احمر
امي: ههههه جنج على تمن.
راحت امي بقينه بس اني وخالتي
خالتي: شلونهم عيالج
فضه: الحمدلله زينين
خالتي: اني ماجاي اسئلج على امورهم جاي اسئلج على تعاملهم وياج اشو حالج متعوب ماجنج مرتاحه ياهو بيهم مو زين عيالج لو زوجج
فضه: والله ياخاله لا زوجي زين ولا عيالي الصراحه عمتي شويه احسن منهم بس هم تتأثر اذا يترسن راسهه
خالتي: زوجج اشماله اوياج
فضه: زوجي ابو نسوان يوميه مصاحب وحده وهسه
عده وحده مزوجه وهيه ادكله اطلك الدنيا علمودك مو بس زوجي وهو يكله اي اطلكي واني اخذج وتعبت من الحجي والمشاكل ويوميه مشكله.
خالتي: يمه انتي بعدج ازغيره وحلوه وليش اتكسرين عمرج علمود انسان ما مقدرج ولا محترمج ولا امخليلج اي اهتمام ليش المابي خير من اوله ماله خير من تالي اسمعي حجي يمه وعوفي وعبري النهر مادامه ضيك
فضه: لا خاله ابوي شيخ وخاف ايعيرونه بيه اذا اطلكت
وبعدين اني حامل الخاطر ابني مااكدر ايتمه لا من ابو ولا اكدر اعوفه انشاء لله يطلع هو العوض ولو ماندري بنيه ولد بس انشاء العوض بي
خالتي: اذا هو مابي نفع الج ذريته هم مابيهم خير
فضه: اش خاله اجت امي مااريدهه تعرف امي مريضه واخاف عليها
امي: يله يمه سمي
خالتي: ابشرج فضه حامل
امي: اللهم صلِّ على محمد وال محمد انشاء الولد الصالح وتكومين بلسلامه
فضه: الله يسلمج يوم.
امي: يله يمه ناصر ينتضرج بره
فضه: اي يمه
ناصر: السلام عليكم
امي: وعليكم السلام امبارك يمه انشاء الله الولد الصالح
ناصر: الله يبارك بيج عمه
فضه: دخلت للبيت لكيت مرت حماي وزوجهه خليل يتعاركون
ناصر: ها خير سلامات شكو
خليل: شكووو مو؟ اسوي نفسك ماتدري هاي مرتك امخليه الصونده بل برميل مالت المبرده وعايفتهه بلكاع ولكينه البرميل امخلص واني اشتريت اليوم البرميل للمبرده علمود نخلص من سالفت المي وبرميلك متروس يعني ماكو غير مرتك اني الصبح جبته ورحت للدوام وام حسن تحلف ادكول اني الصبح سويتله مكان وترسته وغطيته وهسه هو فارغ تعال شوف
فضه: اني شعليه وشوكت امخليه الصونده بل برميل والله مو اني. باوع عليه ناصر وعافنه وطلع اني رحت لغرفتي اسمعهم ايغلطون ويدعون ويحجون عليه من رجع ناصر
فضه: والله مو اني يعني ليش اسوي هيج قابل شعندي اوياهم
ناصر: كافي فضه اريد انام باجر عدي شغل الصبح وطفي الضوه وياج
فضه: كعدت الصبح سويت ريوك الناصر زوجت خليل ام حسن وجه ثكيل ماسلمت علينه فاتت سوت ريوك الخليل وراحت. راح ناصر للدوام وخليل هم راح. نضفت البيت وسويت ريوك العمتي وهيه راحت شغلت مي على البرميل اني وعمتي كاعدين بلمطبخ هيه طفت الماطور واجت سوت غدا اني رحت الغرفتي لأن النساوه امتعبتني رحت عود اشويه واكوم ومااحس الا
ناصر: شني لا غدا لا ملابس بالحمام شكو اليوم
فضه: ياا شعجب جاي من وكت
ناصر: ياوكت فضه هسه الساعه ب2
فضه: يااا صدك شوف اشكد نايمه واني عبالي بعده ماصايره بل عشره
ناصر: يله كومي كتلني الجوع
فضه: يله هسه بسرعه اصبلك. رحت للمطبخ سمعت خليل هو وزوجته ايصيحون علسريع صبيت غدا واجيت
فضه: يله ناصر تعال اكل
ناصر: شكو شبي خليل ايصيح
فضه: ماادري. كمل ناصر اخذت الصينيه ورحت غسلت المواعين وطلع ناصر على اصياح خليل
ناصر: شلون بله مانرتاح اليوم شكوووو
خليل: هاي الثوله طلعت هي مخليه خشبه بيهه بسمار جوه البرميل وكلساع ذابه السالفه ابراس واحد ساعه ادكول فضه وساعه ادكول خاف حسن
ام حسن: واني شمدريني الخشبه بيه بسمار
فضه: احسن ما البارحه كمتو تدعون عليه
ورحت للغرفه لكيت ناصر نايم اني هم رجعت نمت ولا جني جنت نايمه اكثر من اربع ساعات. كعدت سمعت الاذان
فضه: اللهم صلِّ على محمد وآل محمد. طلعت اتوضه سمعت حجي. هذا الصوت اعرفه باوعت بلممر وريت ماباوعت