الف دمعه

part 4

الف دمعه
بارت 4

هوه شذبل الوردات غير اسلوب راعيهن..

آلگآتبهہ شُـُـُُـُآمـْـْْـْ.

فضه:اجه ابوي سولفتله وكتله كلشي كام يحجي على ام مريم كال هيه التجيب اخبار ابتسام لأن هيه صديقتهه
فضه: هااا اكول ذاك اليوم شلون عرفت بسالفة ابتسام طلعت صديقتها. ابوي دز خبر الام مريم بيد عمتي ام امينه كالها كليله ايكول عمها خل تعوف فضه ابحالها ولا تخرب بيتها وهيه تعرف كلش زين اذا اخلي راسي وي واحد شسوي بي لا اعرف بت اخو ولا غيره. اجه خليل وزوجته رادو ايرجعوني بس ابوي ماقبل كال لا هو اذا يريد زوجته يجي ياخذهه بقيت شهرين تقريبا عد اهلي ياله اجه ناصر وخليل
ابوي: ناصر اذا ماتريد مرتك طلكه لادكول ماكلت واذا سمعت بيك مزوج عليها اكسر ضهرك اتريد تزوج طلك واتزوج مفهوووم وام مريم خل تبطل اخبار النسوان
ناصر: لا اني مااطلك
ابوي: وماتزوج عليها واذا هيه مقصره وياك كول اني اكسر ضهرها واذا صاحبة مشاكل وحجي هم كول خليل انته مو وياهم بلبيت ششوف
خليل: لا والله عمي ماعدها شي ومامسويه شي غلط
ابوي: يله فضه كومي وي زوجج
فضه: اي بابا. لميت غراضي واخذت راشد وسلمت على امي وابوي واخواني هم جانو موجودين وطلعت سلمت على ناصر وجه ثكيل فوكاهه فوك شينه كوات عينه ههه
دخلنه للبيت لكيت عمتي ومرت خليل سلمت عليهن ودخلت للغرفه نومت راشد لأن يبجي يريد اينام. شويه ودخل ناصر
ناصر: ليش نومتي راشد ليش مابقيتي كاعد
فضه: هو بقى يبجي يريد اينام. سكت ماحجى كعدت الصبح لكيت ناصر بعده نايم كل مره هيج وكت بلدوام رحت للمطبخ لكيت عمتي كاعده
فضه:صباح الخير
عمتي: صباح النور
فضه: سويت ريوك جاي نتريك اني وعمتي طلع ناصر شايل راشد
ناصر: صباح الخير
فضه: ردينه علي اني وعمتي. وكتله اجيبلك جاي تتريك
ناصر: اي
فضه: جبتله وكتله انطيني راشد علمود تكدر تاكل
ناصر: لا عوفي
فضه: شعجب مارايح للشغل
ناصر: يردون ياخذونه عل حدود وانطونه عطله اسبوع وبعده يبدي الدوام يعني بعد يومين اداوم لأن صار اربع ايام امعطل.
فضه:ها.
بقى ناصر يومين وراح بقيت اني من البيت الراشد مرات تجينه ام علي لو امي بقى ناصر عشر ايام واجه اول مااجه اخذ راشد مني كام ايبوس بي هو بلعاده يحب الاطفل اي طفل ايشوفه يفقد مو نوب راشد صار دوامه ايروح عشرة ايام ويجي خمسة ايام استمر على هذا الدوام سنه ونص كل مره يجي بيه اتصير مشكله مرات من يجي لحد مايروح بس ابد مايذكر الزواج كدامي ولا يكول اريد ازوج ولا يكول اني مااريدج

او ولا كال يوم من الايام اني احبج لو اريدج ابد عمري كله ماسمعت منه كلمه ابراسها خير ابدد واني ولا كلت يوم من الايام مااريده لو خلصوني منه ابددد مرات اكول الصوج مني ليش مااعوفه وليش مااخلص نفسي من هذا الهم والاذيه بس ارجع اكول و راشد وين مصيره اذا عفت ناصر اذا بقى عد ناصر راح يتيتم من الام واذا عندي راح يتيتم من ابوو. بقى الشي الوحيد المصبرني على سوالف ناصر هو راشد. اجه ناصر من الدوام جاي اسويله غده واكفه بلمطبخ ودخت عبالي عاديه مرات اتصير عندي اذا مااكل كملت الغدا واخذت الناصر ورجعت اخذ مي بس فتحت الثلاجه دخت او وكعت
بعد مااذكر مااحس الا اني بلمستشفى لكيت ناصر واكف يمي والدكتوره تحجي وي ناصر
الدكتوره: مبروك زوجتك حامل بس عدهه سوء تغذيه راح اكتبلهه شويه علاجات بس يخلص المغذي عادي تكدر تطلع.
ناصر: ماشي شكرا دكتوره
فضه: خلص المغذي ورجعت للبيت لكيت ام مريم عدنه هيه ماجايتنه من ابوي هدده ولحد الان صار سنه ونص ماشايفته بس ناصر دائما ايروح اله وعمتي هم تروح وياه بس لا اني رايحه الهم ولا هيه جايتنه المهم سلمت عليه عادي ودخلت شفت راشد لكيته يلعب وي حسن ابن خليل ورجعت كعدت يمهم كتله ناصر اتريد غدا كال لا مااريد بقينه كاعدين ام مريم مو مثل كل مره اسمعني
حجي لا شويه متغيره يمكن هيه حست ابغلطها او يمكن لأن ابوي هددهه مااعرف بس المهم هيه مو مثل قبل
بقت عدنه للعشا وبعدين راحت. اخذت راشد نومته شويه واجه ناصر ماادري شبي بس ابد مو طبيعي
فضه:ناصر اشبيك احس بيك شي شكو
ناصر: مابيه شي
فضه:سكتت. بس عرفت اكو شي. احنه عماتنه 2 وحده ام خديجه وحوراء او وحده ام احمد واخوات ناصر ثنين ام مريم وام باقر. ام باقر عدها خمس بنات وثنين ولد باقر و قاسم. واخوان ناصر خليل وابراهيم.
.
واخواني امير ومصطفى وكرار.
فضه:راح ناصر مارجع للفجر ياله اجه كلساعه اريد اروح اكعد خليل لو عمتي واكلهم بس اتراجع واكول خاف عيب اكعدهم هسه ايكلولي شني هو ازغير منا لمن صار الاذان ياله اجه.
فضه:ها ناصر وين جنت
ناصر: ليش
فضه: شني ليش اليل كله كاعده وكل ساعه اريد اروح الواحد خاف صاير بيك شي وانته ادكول ليش
ناصر: لا تلحين كافي يله هسه شفتيني مابيه شي ارتاحيتي يله روحي نامي.
فضه:بقيت ساكته بعد ماحجيت شي لأن ادري مايفيد الحجي نمت تقريب ساعه وكعد راشد يبجي ايريد حليب راشد عمره سنه وثمن اشهر بس بعدني مافاطمته وكاعد اعلمه على الاكل علمود ينسى كمت حتى ارضعه مالكيت ناصر بفراشه ياا وين راح يعني هو قبل شويه اجه. رضعت راشد ورجعت نمت كلت هسه يجي كعدت الساعه ب8 اسمع عمتي اتصيح طلعت لكيت هيه وناصر
آلگآتبهہ شُـُـُُـُآمـْـْْـْ
ناصر: يمه هاج هذا المفتاح وروحي افتحي الهن
عمتي: ولك ناصر اشسويت بلبنات كلي ولك وكفت كلبي
ناصر: مابيهن شي عايشات بس روحي افتحي الباب الهن
فضه: راحت عمتي بسرعه وهو بقى كتله ناصر شكو
ناصر: ماكو شي
فضه: عافاني ودخل للغرفه. اجت ام حسن كلتله شكو
ام حسن: امخلين بنات ام باقر بالمخزن
مال بيت ام باقر والمخزن بي فتحه من فوك وحاركينهن هو وباقر بألمي الحار وقافلين عليهن المخزن وجايين وهسه عمتي راح تفتح الهن الباب
فضه: ياا يمه من يمي خفت خطيه وهسه اشصار بيهن وليش سوو بيهن هيج
ام حسن:ماادري
فضه:بقيت انضف وافكر شلون كدرو هيج ايسوون بيهن
وعود هو خالهن اكو خال هيج ايسوي. كملت تنضيف رحت للغرفه لكيت راشد كاعد اخذته بدلتله و سويتله ريوك. بعد عمتي مارجعت وباقر ماكو ايدور علي ابو ايريد ايكتله لأن هيج سوه ابأخواته ناصر بقى نايم للضهر كعد كال سوي غدا. سويت الغدا وكملت وغسلت المواعين ورجعت للغرفه لكيته راجع نايم اني هم سديت الباب وجاي انام ومااحس الا باب الغرفه اندفر ودخل ابراهيم آلگآتبهہ شُـُـُُـُآمـْـْْـْ
ابراهيم: رفس ناصر كله اشعندك وي البنات لك سافل سرسري يعني فوك ما انته لازم ادافعلهن لأن بنات اختك نوب تحركهن
فضه: ناصر دفع ابراهيم وطلعه بره من الغرفه وسد الباب. ابراهيم كام يضرب بلباب ويصيح على ناصر ويغلط بس ناصر ما فتح الباب ابراهيم مل وكسر الشباك وشمر علي تحفيه كزاز على ناصر ورجع ناصر شمر على إبراهيم وبعد ماوكف ابراهيم. اني اول ماكسر الشباك ركضت على راشد وضميته ابحضني بقيت اصيح بس هيهات كمت اصيح على مرت خليل كتله ولج اطلعي صيحي الواحد ياخذ ابراهيم خطيه هيه تصيح على إبراهيم بس ابراهيم لا فكر ابطفل ولا ابأحد منا لمن هو راح الوحده. من راح ياله طلع ناصر اباوع على الغرفه صارت عباره عن كزاز منثور ابكل مكان. عفت راشد على الجربايه وبلكوه ياله طلعت جبت مكنسه ونضفت المكان والرجفه بعدهه بيه من الموقف مستحيل احد يستوعب يعني والثنين مابكلوبهم رحمه. رجع دخل ناصر
فضه: يعني ناصر لو صاير ابراشد شي لو بيه ولو الكزاز واصلنه يعني شيصير بيه يعني اثنينكم مافكرتو بينه وبعدين صدك انته شعليك بلبنات عدهن ابو ويحاسبهن واخوانهن موجودين ليش انته ادخل روحك ابشي مايخصك
ناصر: فضضضضضه اشهل حجي هذا وانتي شعليج وشلون ماادخل وطالع السانج والله والله اليوم اموتج خاف هنه بقن عايشات
فضه: ركضت للغرفه الثانيه عفت حتى راشد لأن ادري بي اذا لزمني صدك ايموتني دخلت للغرفه وقفلتهه بقى ايدك بلباب بس مافتحتهه اكو فتحه يكدر ايدخل ايده ويفتح الباب بس خليت على الفتحه مخده وبقيت لازمته
ام حسن: شفت فضه ركضت للغرفه الثانيه وشفت ناصر يركض وراها بس هيه بسرعه دخلت وبقى ناصر ايدك بلباب ويدفر بس ما فتحته عافهه وراح للمطبخ ورجع اني مااكدر احاجي خاف يضربني واني وحدي بلبيت عمتي يم بتهه ام باقر وخليل بلدوام وفضه محبوسه بس كتله خويه عوفه كال اسكتي لا احركجن اثنينجن سكتت بس احنه نشوف فضه وين واكفه من جوه الباب كام ايشغل عودان الشخاطه ويشمرهن عليها هيه كامت تصرخ بس ابد ولا يهتز ياجبل مايهزك ريح وهو مستمر يحرك ويشمر عليها وهيه تصرخ الا ان خلصت الشخاطه ومل وراح اجيت دكيت الباب عليها كتله ابنج يبجي علسريع اطلعي
فضه: طلعت لكيت راشد يبجي بيد ومرت خليل شايلته اخذته منها وسمعنه الباب باوعنه دخل ناصر بس شافني اجه يركض بقيت من هول الموقف مااكدر اتحرك رجلي ماتن.....

يتبع...

آلگآتبهہ شُـُـُُـُآمـْـْْـْ