𝙏𝙝𝙚 𝙨𝙚𝙘𝙧𝙚𝙩 𝙤𝙛 𝙨𝙚𝙫𝙚𝙣 𝙥𝙝𝙖𝙧𝙤𝙨

The past

فلاش باك لطفوله سوزان

سوزان كانت بنت يونانيه بسيطه عايشه مع أهلها احلا عيشه
كانت بتنزل مع باباها الشغل وتحب تراقبه
وكانت مقربه من باباها وكانت تحب تقلده
وكانت تنزل معاه في يوم العطله تصطاد معاه السمك

وكان ده روتينها العادي
لحد ما فيوم
كانت في رحله مع اهلها وكانت في حمام الاستراحه
لكن لما رجعت لقت ان شاحنه كبيره خبطت العربيه
وكان اهلها مسحوقين تحت الشاحنه

سوزان اتخض وخافت وبدات تعيط
صاحب الشاحنه اتخض ومش عارف يعمل ايه
اخد سوزان ومشي من المكان
سوزان مكانتش مركزه وكانت بتعيط

صاحب الشاحنه رماها لي اقرب دار أيتام
سوزان مكانتش مستوعبه المكان اللي هي فيه ولا مستوعبه انها هتشوف أهلها تاني

سوزان:عمو هو بابا جاي؟
صاحب الشاحنه:مش عايز اسمع صوتك!
سوزان خافت وسكتت
ودخلوها عند الأطفال
وكانت مش مستوعبه
وفضلت تعيط
سوزان:بابا انا عايزه بابا
الأطفال انزعجوا منها
طفل١:متسكتي بقي! هو محدش فقد اهله الا انت؟
طفله٢: ضحيه جديده اهي
طفله٣:هتتعود علي الوضع عادي
سوزان عيطت لحد مانامت
وبعد اسابيع
سوزان اتعودت علي المكان وتقبلت أنها مش هتشوف اهله تاني
كانت صدمه مؤلمه بي النسبالها
ودار الأيتام مكانتش الجنه
بالعكس كانت الجحيم علي سوزان
كانوا بيعاملوا الأطفال زي البضاعه
كانوا بيبعوهم للاستخدمات المشبوهه
وكانوا بيعاملوهم وحش في الميتم
كانوا بيجبروهم يشتغلوا طول الوقت لحد ماحد من الأطفال يغمي عليه

سوزان مكانتش متحمله القسوه
وهي متعرفش أنها علي بدايه سكه طويله ومؤلمه

بعد شهور
كانت سوزان كارهه حياتها في المكان القذر ده
كانت عايزه اي حد يشتريها وتخلص من المكان ده
وتهرب
وفي يوم كانوا بيعرضوا الأطفال علي الأغنياء اللي هيشتروهم
واختاروا سوزان منهم

وسحبوا سوزان للعربيه اللي شبيه بي عربيه الشرطه اللي بياخدوا فيها المجرمين
ودخلت سوزان جوا العربيه
كانت منكمشه علي نفسها
وبعد ساعات من تحرك العربيه
وقفت فاجئه وفتحوا عليها
واخدوها لقصر كبير
ودخلوها اوضه لقوها مع طفل باين انه مش يوناني الاصل
وقعدت
كان الطفل باين عدواني واي حد هيكلمه هيضربه
وعليه كدمات العالم

وقعدت سوزان

وهي مش عارفه اللي هيحصل
وكانت قاعده علي جنب ومنكمشه علي نفسها

سوزان حاولت تكلم الولد يوناني لكنه طلع مش بيفهمها

بس عرفت تكلمه انجليزي بس هو مكنش بيرد عليها في معظم الاوقات 
وجم الخادمات اخدوها للحمام وغسلوها وادولها لبس كاشف وغير مريح

سوزان كانت خايفه وعايزه تهرب لكن الحراسه كانت شديده

واخدوها عند الراجل الغني اللي اشتراها او نقول المريض اللي اشتراها
قعدها بي الغصب علي حجره وكان بيلمسها بطرق غير مريحه
سوزان حاولت تقاوم لكن في كل مره تقاوم كانت بتاخد علقه موت