𝙏𝙝𝙚 𝙨𝙚𝙘𝙧𝙚𝙩 𝙤𝙛 𝙨𝙚𝙫𝙚𝙣 𝙥𝙝𝙖𝙧𝙤𝙨

Who is He?

نخش علطول

مينهو كان قاعد بيقرء المخطوطه اليونانيه وازاي هيستخدمها
وقعد يقرء في الكتاب اللي معاه اللي بيساعده في اي حاجه

سوزان:وصلت لحاجه؟
مينهو:اللي فهمته اني عشان المخطوطه دي اعرف استخدمها لازم اكون في مكان مهجور في قبرص....تعرفي مكان مهجور هنا؟
سوزان:انا زيي زيك انا معرفش حاجه هنا في قبرص
مينهو:كمان انا لازم اجمع شويه حجات بس مش عارف المخطوطه دي هتوديني علي فين
سوزان:مينهو بقلك ايه انا عايزه اقول حاجه
مينهو:قولي
سوزان:انا عايزه انضم معاكوا
مينهو:مينفعش
سوزان:ليه؟ وربنا معندي حاجه اعملها في حياتي
مينهو:مهو حضرتك انت مش دارسه زينا
سوزان:طب علفكره انا ممكن بقي اشغل المخطوطه  بقي
مينهو:هي تجاره يبنتي؟ ده شغل عفاريت لو واحد فيهم لبسك مهيعتقك
سوزان:تصدق انك ممل
مينهو:انا وسخ ...حلو كده؟ اتكلي علي الله عشان بحاول افهم هنيل ايه
وقعد مينهو يفكر
وبعدها افتكر الكتاب بتاع مادلين
وفتح الدولاب واخده
مينهو فتح الكتاب وقعد يقرأه
كان محتواه عن تركيبات كيميائيه لماده بتشفي الحيوانات من الأمراض وتخلي طعم الاكل مشهي

مينهو:ايه الماده الغريبه دي؟
وقعد يقرء مكوناتها
ومن ضمنها انه لازم يستخلصها من البشر

سوزان:مينهو انا زهقانه مش هقعد كده كتير
مينهو:استني بقي انا مش فاهم ودماغي هتقتلني
وقعد يقرء
الكتاب كان كله أبحاث كيميائيه مينهو مش فاهمها

مينهو:سوزان شوفيلي اي غابه انيل اعمل الطقوس هناك
سوزان:متعملها هنا لازم مشوار يعني؟
مينهو:واذي الناس؟ كمان الطقوس لازم تتعمل في مكان مهجور ايه متفرجتيش علي فيلم ثقافي عن السحرا؟
سوزان:مكنتش فاضيه
مينهو:اتنيلي
سوزان:هكلم سكاي
مينهو:انت معرفتك كلها رجاله؟
سوزان:حظي كده يخويا مفيش بنات كتير بتشتغل في المافيا
مينهو:خلصي
وبعد شويه
سوزان:اجهز سكاي لقالنا غابه وبعتلي الموقع
مينهو:طيب انا هروح
سوزان:اسمها هنروح
مينهو:اتركحي هنا
سوزان:رجلي فوق رقبتك
مينهو:متعصبنيش!
سوزان:بص انا مش هتبهدل معاك وتقلي اقعدي انا طالما جيت معاك من الاول هكمل معاك من الاخر !
مينهو:وانت شاغله نفسك بيا ليه؟
سوزان:مينهو مش عايزين نقلبها خناقه انا هاجي معاك ومتقلقش عليا انا مش هبله ومش ضعيفه
ورفعت السلاح فوشه
سوزان:اذا كنت انت ساحر فأنا القاتل
ونزلت السلاح
مينهو:سوزان افهميني انا مش بغلس عليكي بس انا لو فقدتك انا هروح فيها انا معرفش حد في العالم الغريب ده غيرك لو فقدتك انا حرفيا هجنن انت الوحيده اللي عارفه حقيقتي  لو فقدتك زي جوليا وبراميا انا ممكن اموت فيها ،ارجوكي يا سوزان اقعدي عشان خاطري
وكان مينهو كان جاد اوي فيها وماسك دمعته
سوزان:يمكن دي معاك حق فيها....طب عندي فكره انا هستناك برا الغابه ونرجع سوا
مينهو:سوزان انا هقعدلي يومين هناك
سوزان:متقلقش هبات في العربيه
مينهو:مش عندك شغل؟
سوزان:انت فاكر ان المافيا شغل وساعات عمل؟ يبني متخلنيش اضحك
مينهو:طيب انا موافق بس حسك عينك تعدي حدود الغابه
سوزان:اطمن
ونزلوا اخدوا حاجتهم وراحوا الغابه