ألَـم الخِـذلان

part 4

#ألــــــم الخِـــــــذلان
بقلمـي: ࢪسـل التـࢪكي
part 4
لا تنسون التصويت بين الفقرات
و المتابعة لحسابي لطفـاً ✨🎀.

جبت عمري بخسارة تريدني اربح بيك؟
•••••••••••••••••••••••••••••••••••••••••

فتحت الباب و ياريت مفتحت الباب اول ما دخل هجم عليه بوحشية آخر شي اتذكࢪة ضليت ابجي و اصرخ و فقدت الوعي ...

گعدت لگيت نفسي بغرفتي و ملابسي متغيࢪة گمت من الفراش و طلعت بࢪا لگيت البيت فاࢪغ! مقعوله لسه ما اجوا؟! شووية و اندگ الباب گلت منو؟
ࢪحاب: آني ماما افتحي الباب
- تمام

- للي ميعࢪفني آني ريم من بغداد مواليد 2000 بيوم من الأيام فقدت اغلى شي املكه بسبب فهاوتي بس طبعاً ما راح اعديها ؏ خيࢪ واهم شي ما اتهوࢪ ... كُلشي بوقته حلو،
المهم
دخلت امي...
ريم: ماما ليش تأخࢪتي
رحاب: ولچ هنَ ساعتين شتأخرت؟
ريم: ما اعرف الوقت صار طويل عليه
مࢪت الايام و اني ما گلت لأي أحد من اهلي ؏ الي صاࢪ ...

------------------------------------------------
جمࢪة ...

- مرت الايام عادية بين الدوام و البيت و باچر اول امتحان شهࢪي ( عربي ) گعدت اقࢪا و ما فهمت موضوع ࢪحت لمؤمل و مؤتمن يشرحولي

مؤتمن: خلي بالچ ويايييي مو بس صافنة بالكتاب
جمرة: اي كمل كمل
مؤتمن: عيدي شنو شرحت بلا؟
جمرة: اءءءءءءء شسمه
مؤتمن: راح انعل ابو شكلچ
مؤمل: انعل ابو الخلفك وانعل و انعل
جمرة: كللللللللللللوووووووشششش
باوعلي و گال
مؤتمن: اطيح حظچ اذا كملتيها
جمرة: ضبي صدرچ يولي نهودچ طلعن
اندمج مؤمل و گام يطگ اصبعتين
صاح مؤتمن اليوووم اذا ما طيحت حظكم
طفࢪت بسرعه ليجوة و كملت قراية لثاني يوم رحت للمدرسة امتحنت و طلعت برا لگيت ودق و نيران و صديقتي رودينا يحلن بالأسئلة و يحسبن درجاتهن شگد تطلع

جمرة: باع ذني والله بطرانات ما يدرن اني اسوي حاص باص و اختار الجواب
نيران: هههههههههههههههه مثلي

رودينا: ولچ غير نشوف اجوبتنا و نتأكد من الدرجات والله اذا تطلع درجتي اقل ال90 عزاا تخيلي تعبي كله يروح
ودق: اي والله، اصلاً اني متأكدة درجتي من 90 ليفوگ
نيران: احم اني من 70 ليفوگ

جمرة: اني زين اذا اطلع 40
- ههههههههههههههههه

ديلا عوفن الامتحان و ضيمه تعالن نحش بالطالبات و المدرسات ضلينا نحچي سوالف عاديه لمن دگ الجرس صار درس ام الحاسوب رحنا للمختبر و بوقتها چنت فاتحه شعري وهوَ شويه طويل ف يبين من افتحه مو مثل الي شعرها قصير، كملت ام الحاسوب شرح و باوعتلي
ست ايمان: جمرة ليش فاتحه شعرچ مو نگول ممنوع بالمدرسه لو لا؟

جمرة: ديلا ست ما تشوفين الطالبات كلهن فاتحات شعرهن، شو بس عليه تحچين ... 
ايمان: ديلا لمي شعرچ بسررعه
جمرة: باوعتلها بتحدي و گلتلها القراصه بالصف نسيتها
إيمان: اول ما ترجعين للصف بسرعه تلمي
جمرة:  خوش
دگ الجرس و طلعت من المختبر عناد بيها نثرت شعري على اكتافي و ما لميته لحد ما صار الدرس الأخير وصلت للبيت كلش تعبانه و چانت صيف فَ الجو حار دخلت للبيت لگيت امي و بيداء يسوّن غداء رحت سبحت و طلعت مشطت و تغديت و نمت  ساعتين،  من گعدت هم صعدت اقرا يمهم گلت لمؤمل ما تشغل شي حلو خلي نرگص شبيك
شغل اغنية ثكيل بس ريمكس گمنا نرگص وراها صرنا نطگ اصبعتين ما نحس الا الباب انفتح و دخل مؤتمن و صاح
مؤتمن:  وسععع الطرييييق
اجه يرگص هم،  صورت كم فيديو و گلتلهم كافي خل اقره ازعجتوني باوعولي صفح ما عاجبهم و طفوا الاغنية و گعدوا

جمرة: هالمࢪا امتحاني انگليزي منو يعࢪف بالانگليزيي؟

مؤمل: احمم لعبتي
جمرة:  چا يلا راوينا مهاراتك
مؤمل: تعالي افتحي الكتاب و گليلي شنو المواضيع الداخله؟
جمرة: هاك بس ذني
مؤمل: كلش إيزي
جمرة: ديلا خل نشوفك
-اي باعي انتبهي وياي
-اي وياك
-من تجيچ هيچ حاله تخلين الاستفهام بالأخير و موجودات عندچ الكلمات اذا تحفظيهن تگدرين تحلين عليهن
جمرة: هوَ انيييي شفتهمت من عندك اصلا ماكو كلمات احفظهن ذني من غير درس
مؤمل: چا غير تگليلي
جمرة: خاب روح هوَ انتَ الانگليزي مالتك ما مدبرة مو انوب هذني المواضيع،  اروح لليوتيوب احسلي
درست و كملت و نمت
مصطفى : جمرة،  جمررررة گومي وراچ امتحان بسررعه
جمرة: بس 5 دقايق والله نعسانه
مصطفى: لچ كوووومي
جمره: اهوو شبيكم ما تتشاقون،  وصلت للمدرسة و امتحنت و مر نفس الروتين بس الامتحانات تختلف لمن خلصنا امتحانات و نمت اليوم كله محد گعدني لثاني يوم گلتلهم
جمرة: هسهه تطلعوني يلااا،  اني طالبة تحتاج راحة نفسية و لازم اطلع و ارتاح تدروون شگد تعبت لو لااا؟
مؤتمن: اهووو خبصتنا عمي امشي بدلي التفت للباقين گال،  والي يريد يطلع هم خلي يبدل بس 5 دقايق الگاكم يمي...

- كملنا تبديل و طلعنا للمطعم وراها رحنا لمدينة الالعاب لليل كلش يلا رجعنا
جمرة: والعباس انتَ كفو
مؤتمن: تدللين بس لا تجيني بعد
جمرة: تفف عود گلت اتلوگ حتى تنطيني فلوس
مؤتمن: امشي ولي غير فلست من وراچ
مؤمل: تعالي ما عليچ هذا فگور اني انطيچ،  هاچ
جمرة: عود صدگ؟  بس ربع؟  هاي كل قوتك؟
مؤمل: ايي عيني چا شتردين ورقة؟؟
جمرة: والله انت كريم و اني استاهل

مؤتمن: كريم ببيته يلطم حالياً لأن قارنتي بمؤمل

- ههههههههههههههههه

استمرت العطله بهدوء تام من الكل و ما فتحت الموضوع لمن اجه اليوم المنتظر الي لازم الكل يعرف بي عن امي ...
رحت لمؤمل و مؤتمن گلتلهم عوفوا التليفونات اكو موضوع مهم اريد احچي بي
-شنوَ؟
جمرة: سولفتلهم و الصدمة انو طلعوا يدرون بيها تخون بابا و ساكتين!
- اي و شراح تسوون؟ 
- نريد نخطط بهدوء و بدون استعجال احنا وياها و الزمن طويل
جمرة: دباعوا الخطه مالتي ...

•
•
•
•
•
•
•
يتبع ... 🌚

شنو رأيكم بالبارت؟  بارت خفيف عباره عن 863 كلمة، شنو تتوقعون شنو راح يصير بالبارتات الجايه؟ 
و اخلي البارت الجاي اشباه الابطال لو بعد وقت؟ 🙂✨.