ألَـم الخِـذلان

part 6

#ألــــــم الخِـــــــذلان
بقلمـي:  ࢪسـل التـࢪكي
part 6
لا تنسون التصويت بين الفقرات
و المتابعة لحسابي لطفـاً ✨🎀. 

- گتله شلون وضعك؟
دمعت عينه
بچه وگال اليفگدك
الله اليعينه
گتله الله يسلمك
عوفنه من الراح
حطب صارت الشجره
البيها اسامينه!

•••••••••••••••••••••••••••••••••

- مؤمل ...

- يجنن اسمك عاشت الاسامي

- تسلمين

- امم شنو رأيك نرتبط؟؟

- زين شنو رأيچ تروحين عني و ترتبطين بغيࢪ واحد؟

- شبيييييك شسالفه وين لاگي وحده مثلييي ترتبط بيها

- امشي لغير واحد اشكرچ

- معاجبتك اني؟؟

- المُختصر انتِ شنو تردين؟

- نرتبط!

- خوش

- يعنييي وافقت؟؟

- افكر

- استغفرالله،  مؤمل!!

- گتلچ افكر ولي يلا

- ولت روحك ادبسز

- تسرسحي ...

------------------------------------------------

" مؤمل "

اخذت التليفون و لگيتها مسجله مُحادثتهم هيَ و جمره حذفت محادثتهم كلها و اخذت التليفون وياي لمؤتمن ...

مؤمل:  هاك التليفون لگيتها مسجله كل حچيهم، اخذ سكرين للمحادثات مالتها هيَ و ذوله ..

مؤتمن: هههههههههههههههههههههه والله ضحِكَتني قابل شنو راح يفيدها التسجيل المهم اوگفلي خل اخذ سكرين..

- يلا بسرعه فضني خل ارجعه

- يلا هاك دزها ع التليگرام حتى احفظهن و انت احذفها من يمك

- خوش

دزيتهن بسرعه احفظهن حتى امسحهن

- يلا امسح ...

- تمام ،  هاك رجّع التليفون

------------------------------------------------
"جمره"

- ماما وين الماوس مالت الحاسبةة؟  چان بكنتورچ؟!!

- ما ادري شوفي بالكنتور

- جاي ادور و صابني فضول اشوف شنو هذي الخرخشه الي بالجنطه مالتها؟ فتحت الجنطه لگيت ظرفين و مبينات هدية و توصيل،  فتحت الظرف الأول لگيت بي سبحه حلوة و بيها بالبدايه شلون الدائرة مرسوم بيها عين،  فتحت الظرف الثاني لگيت بي احرف زجاج  ( G , M ) و نازلات ع شكل ميدالية من مستطيل زجاجي و بهذا المستطيل مكتوب " ارجوك لا ترحل " و مكتوب جواه اسم الشخص كامل "المُوالي ماهر العبودي" انصدمتتتت وصلت بيها تشتري الهم هدايااا!؟ ضميت الهدايا و رجعتهن بالظرف و خليتهن بالجُنطه مالتها،  سديت الكنتور و گلتلها ماكوو ما موجوووود!