اگو نقطة بسَواد العِين بهَاي النقطة خليتك .
﴿بِسْــــــــــــــــــمِ اللهِ الرَحْمَنِ الرَحِيْمِ﴾
****
"كوثر"
حامد : هاي السچينه شتسوي بغرفتج؟...
كوثر : حمودي تعرف اني شنو اشتغل صح؟..اذا نحط سلاحي على صفحه عندي 7 سچاچين بغرفتي وكلهم مكانهم مخفي حتى اذا تعرضت لهجوم اطلع وادافع عن نفسي.
حامد : ها؟.
كوثر : كلامي واضح حمودي.
شفته شمر السجينه على الفراش واشر للباب...اخذتها طلعت و وراي جواد.
كوثر : عبالي شي اكشن اووي.
توجهت لغرفتي فتحت الباب وطفيت الضوه شمرت بجسمي على الفراش وفتحت تليفوني مشغله الاغنيه يلي انام عليها كل يوم...
..آهٍ على قَلب هواه مُحكم
فاض الجوى منه فظلما يكتم
ويحي انا بحت لها بسره
أشكو لها قلباً بنارها مُغرم..
ما بين الغافيه والصاحيه والضوه الوحيد المتواجد بالفرفه هو الضوه من الممر لانه الباب مفتوح سمعت صوت خطوات وجنت اكسل من انه ارفع راسي واشوف..
حسيت الاغنيه وكفت..سمعت صوت الكيبورد وما حسيت الا على صوت القرآن عقدت حواجبي بعدها صوت التليفون نصه وضل صوت القرآن هادئ حسيت الغطه ينحط عليه والباب انسدت....
****
"مريم"
بعد ما خلص العشه اني والبنات عزلنا المطبخ النسوان والزلم كلهم راحوا ينامون الولد بره مسوين كعده وجاي يشوون...
ريام : خل نروح نشاركهم.
مريم : امشي نكول لكوثر هي هم وحده منا.
هدى : عوفيها فوك اوي خلينا وحدنا وي ولد عمنا.
ريام : لا لا يله امشوا نصيحها.
صعدنا فوك وفتحنه الغرفه..سمعنا صوت القرآن ومبينه نايمه وريام نطت يم التليفون ...
ريام : جاي تسمع سوره البقره كامله بصوت عبد الباسط ..يعني هي تسمع قرآن؟.
مريم : ما ادري بس البنيه نايمه امشي نطلع لا نفززها.
اجتي ريام تطلع والغرفه ظلمه الا وكعت صوره وصار صوت كسر عاطت ريام من يمي فتحت ضوه الفرفه وشفت كوثر حاطه سچينه على رگبه ريام ...اول ما فتحت الضوه وخرت السچينه ...
كوثر : شجاي تسوون بغرفتي؟.
ريام : لج عيني ولد عمنا مسوين كعده وجاي يشوون وهاي الكعده احلى كعده تصير فأجينا نصيحج ما عبالنا نايمه.
أنت تقرأ
العودة ﴿لبوه الجواد﴾
Fantasyبِقمة الـلامُبالاه ... الحُب لا يَولَد معَ الكُره كما النار لا تُولد معَ الماء بَين التَقيُد والأنفِتاح بَين الصُراخ والهُدوء بَين التَديُن والتَحرر تُولَد نارُ العِشق في ماءِ الهَوس.. العودة ﴿لبوه الجواد﴾
