العودة ﴿لبوه الجواد﴾

"3"

حِين لا ترتجِي شَيئاً مِن شَخصٍ ما ، فإنك لن تشعُر بالخيبة أبَداً.

﴿بِسْــــــــــــــــــمِ اللهِ الرَحْمَنِ الرَحِيْمِ﴾

****

"كوثر"

حامد : جواد الحكني للغرفه....

گلبت عيني هذا حامد مو هَين وهذا يلي وياه جواد نفسه يلي نزل عينه ..
الكل ساكت الا مَره تقدمت وعيونها مغرغره ..

وفاء : كـ..كوثر.

كوثر : وفاء ما ألي خلك اسمع كلامج.

بس خلصت كلامي نط سامر ..

سامر : احجي وي امي عدل لا اجي اربيج من جديد.

كوثر : اووويي الفصعون طلع اله لسان يله تعال ربيني محامي سامر.

آسر : سامر لا ترد وكافي تنط من مكانك يمه رحمه لدينج كعدي ولا احد يحجي وياها..

كوثر : اخي الورد ضد الحراره والبرد شلونك شخبارك حضره النقيب آسر.

آسر : والله تمام حضره المحققه كوثر..

ما حسيت غير خلصت الجكاره وبين ما اطلع وحده ثانيه دخل حامد وحفيده جواد... كعد حامد بنفس مكانه ...

حامد : بويه مريم هدى ريام روحوا نضفوا الغرفه الفوك لبنت عمكم.

كوثر : شهل تصفيط هذا.

حامد : هذا مو تصفيط بيت حامد ما عنده بنات يعيشن وحدهن راح تعيشين هنا وهذا أمر بنت علي.

****
"مريم"

جدي كمل كلامه واشوفها رفعت تك حاجب رجعت الجكاره للباكيت وجاوبته بكل برود..

كوثر : وبصفتك منو تأمرني حجي حامد.

حامد : بصفتي جدج ابو ابوج.

كوثر : وشنو الدليل يلي يثبت؟.

علي : كوثر كافي مو هلكتيني يلي صار مر عليه زمن.

كوثر : يا ريت هذا الزمن ينعاد بوقتها مراح اتردد صدكني.

ياسر : كوثر لمره وحده بس سمعي الكلام اذا مو منهم من اخوانج الكبار.

كوثر : ما عندي اخوان اني اذا ما تدري.

شفت ياسر جر نفس وهده وسامر كل شوي يتمتم ...
لحد ما دك تليفون كوثر....شفت عقده حاجبها وهي تسمع رفعت عينها لجدي وسدت الاتصال بدون ما تحجي...

كوثر : عود يعني اذا اشتريت الشقه يلي مأجرتها تفكر راح ابقه هنا؟.

حامد : عندج مكان تروحيله كولي علمود اشتري طلعه من هذا البيت ماكو.

كوثر : ضحكتني والله.

حامد : آسر وصل اختك لشقتها تلم غريضاتها وتجي هنا.