OWNER |HWANG HYUNJIN

هام جدا جدا ‼️⚠️

اولا و مبدأيا اي حد اتفاعل في الرواية دي سواء كانت حاجه صغيره او كبيرة انا بجد بجد بحبك و بشكر كل الناس اللي تفاعلوا معايا و حسسوني اني اقدر اكمل حاجه للنهاية..

و بجد انا عمري ما هنسي قد اي انتوا كيوت لدرجة انا ذات نفسي متخيلتهاش و عمري ما هنسى واقفتكم جنبي و تشجيعي علي اني اكمل..

بجد انتوا الطف ستاي عرفتهم لحد دلوقتي و كل الستاي اصلا كيوت بس انتوا بجد كلامكم و الكومنتس بتاعتكم بتأثر فيا..

حسيت اني بجد شاطرة في حاجه و ان في ناس بتحبيني و بتشجعني بجد و انا كنت بحاول اطلع مشاعري كلها في الرواية دي بذات لأنها اول روايه اكتبها في حياتي عن سكيز..

و اول روايه انزلها علي واتباد ف كنت بحاول اكتب ب ايدي و عقلي و قلبي عشان تحسوا انكم مكان البطلة او جوا الرواية و تعيشوا مع الاجواء و تتخيلوا انكم جوا الرواية بجد عشان لو حصل كده..

بحس انكم هتحسوا نفس احساسي عشان انا بتخيل نفسي من ضمن شخصيات الرواية بجد و كنت بحاول علي قد مقدر اني انزل البارتات بسرعه عشان محدش يزعل بس للاسف الشروط اللي بقولها مش بتتنفذ..

طبعا بعد الكلام ده انتوا مش فاهمين حاجه و بتسألوا نفسكم هي الكاتبة هتموت ولا اي؟؟ 🙂

بس للاسف انا مش هقدر اكمل الرواية..

ده عشان سببين..

اول سبب اني بدأت احس ان انا ذات نفسي مش عاجباني الرواية، الاحداث غريبة و مش متناثقة مع بعضيها، و بكتب كلام كتير و بطول البارت علي الفاضي يعني في شويه حشو كلام في البارت..

الاحداث مش مشوقة يعني انا مش حاسه ان الرواية مش حلوه ده غير اصلا ان الرواية معدتش ٢٠٠ مشاهدة..

انا مش قصدي عاوزه مشاهدات اكتر بس يعني مش حاسه انها حاجه حلوه ل كاتبة مبتدئة..

ده اول سبب..

تاني سبب هو عشان بكره بنسبة ٩٩. ٩٩ ٪ هيبقا عندي موبايل جديد (قولوا ما شاء الله 🙂🖐🏻)

و اخويا الصغير هياخد تلفوني اللي عليه حسابي اللي بنزلكم عليه الرواية ف اكيد هيمسح كل الحاجات اللي علي التليفون و اللي من ضمنها الواتباد..

و ده السبب الاكبر..

فااا.... بس ده كل اللي كنت عاوزه اقوله..

و بقولكم تاني انتوا بجد ستايز عسل بطريقة فظيعة و انا حبيتكم اووي مع ان مشفتكمش او حتي اعرف اساميكم بس بحبكم 💗