دخيله الشيخ

الباࢪت الحادي عشر /بقلمي

رهام/شنووو

ليلى/يمه يبعد عمري لا تخجلين فدوه لهالوجه

رهام /ابتسمت واني مصدومه هذا شمصخم شكايل

ريتاج/فدوه شلون عروس تخبل

هدى (اي والله

رهام /اني اترخص شبعت خاله حبيبتي

ليلى/يبعد روحي خجلانه الف عافيه حبيبتي

رهام /كمت كبل رحت لغرفته واني فاير دمي دكيت الباب اجاني صوته الخشن

فهد /تفضل؟

رهام /فتحت الباب وكلت (ممكن ادخل

فهد /اكيد يمصكوعه حياج الله يبعد جبدي فوتي

رهام /بلا هالكلام الفارغ لو سمحت

فهد/هو صوج اليتغزل بيج يول يطركاعه عجل فوك ما انتي جنج صخله واني امدح بيج
رفعت حاجبي

رهام /بلا زحمه عليك شكايل للوالده

فهد/شكايل

رهام /شنووو عروس شنووو صخام

فهد/يول عجل سمعتي مو كلتلهم لكيت عروستي وكلتلهم عليجج وانتي موافقه عليه

رهام /واني يمته وافقت
تقرب عليه وهو لاف الشماغ والدشداشه والسبحه والعطر يخبل&

همس بأذني
فهد/احبنج يمصكوعه

نصدمت ودفعته

رهام /شدتخربط حضرتك ناسي انو اني عاقده جنت واحب جود"

فهد /بس هسه كلشي انتهى جود راح لدار حقه وانتي من حقج شوفي حياتج

صفنت ونترت بعصبيه

رهام /مو بهالسهوله اشوف حياتي وحتى لو شفت حياتي فأني اختار الشخص اللي اكضي حياتي وياهه ما اختارك انت مستحيل

شفته نط من العصبيه تقرب ولزمني من ايدي

فهد /شوفي يولي توافقين وانتي الممنونه فهمانه يا بشر

وخرت ايدي وكتله

رهام /مستحيل بأحلامك

فهد /اني يبنت الناس جاي احميج اوعدج اعيشج احلا عيشه وماسوي شي انتي رافضته وماتقرب عليج بس عقد فكري ع الأقل رهام

طلعت للباب اللتفت عليه

رهام /افكر
شفته ابتسم وطلعت رحت لغرفتي فرشت سجاده الصلاه وصليت ركعتين وقريت القࢪأن وكلت يارب انت تختار طريقي اللهم دلني الطريق الصحيح
خلصت وطلعت سويت غده تغدينه وكملنه شلت الصياني وغسلت ويه البنات رجعت لغرفتي افكر بالموضوع؟ وكلت مالي غير حل حتى استر عليهم من كلام الناس وهم خالتي تحبني وهو مبين حباب ومراح يجبرني ع شي غفيت كبل وكعدت العصر طبيت توضيت وصليت جان اسمع صوته

فهد/تقبل الله

رهام /منا ومنكم صالح الاعمال يارب

فهد/شقررتي

رهام /كمت واتجهت عليه وصرت مقابيله

رهام /موافقه

ابتسم وماحس غير نرفعت من خصري

فهد/اللهم صلِّ على محمد وآل محمد كللللللوش"""

فهد🔥