اسم الكاتبة: تالا محمد
حساب الكاتبة: tala_16538 انستا
(طبعا المقتطف هو بداية بارت 1)
.................
- شدتسون وحدجن تتختلن وتتمضحكن شو اشوف .
سحبت التلفون من ايدهن وشفت حساب ولد بالانستا ولد جميل بمعنى الكلمه ويشبه سارونه ضليت صافنة وماحس من سارة سحبت التلفون من ايدي
- دقيقة منو هذا الحلو ؟؟
سارة: هذا ابن عمج يحظي اخوي هذا 'آدم' .
وكفت ضليت اجر صفنات شفت ولد جميل معضل اسمر كل صفات الجمال بيه لابس رسمي وكل هذا الجمال آدم بعمري ماشفته بحياتي او طلبت اشوفه او اشوف صورته جان اخر اهتماماتي ولا زال مو مهم بس شكله جميل .
- لحظة ادراك .
فاطمة: عشتوا صفنة المطي كاموا يسموها لحظة ادراك .
- سدي حلكج انتِ ام راس .
- انجلبت .
- يبووووو هسه اني شعندي كاعدة يمجن خل اولي اقرا .
-ولي ولي .
سارة: كل وحدة بكبر البعير وبعدجن تتناكزن كبررر .
مانحس الا ينفتح الباب دخل سيف وبعيونه نعاس مبين توه كعد من النوم وشويه معصب ، مو شوية يمكن هواي ،
سيف: تشربن زيت مُحرك ليل نهار كاعدات وماتكعدن وتنجبن لا صوتجن واصل لراس الشارع .
سارة: خاب دولي يمك كرباك جاينا تصيح مثل المطي
اجى سيف عليها يركض يريد يكتله شردت وانا وفاطمة نضحك عليهم
وراها قررت اكوم واروح اقرا احسن ما احصل رزالة من الدكتور اخر سنه الي واتخرج .
نورس: يمه ماتكعدين شكد نومج ثكيل راح تتاخرين عن الجامعة
احاول اكوم بس نعسانه حيل مارديت وجنت راح ارجع انام بس ماحس غير ماي ينجفي على وجهي وكنت مخلوسة
-شفتي يمه كتلج هاي مو ما...
بعده ماكمل كلامه وشمرت دفتر على وجهة
واكيد وطبعا مصدر الازعاج بالبيت هو سيف ابن عمي عمره 26 متخرج ومتوضف والدنيا تافلة بوجهة
كمت بدلت ملابسي لبست تنورة حرير بيضة وهاينك وردي فاتح وسترة بيضة بيها اخضر فاتح وكعب وردي وخليت شوي ميكب خفيف ونزلت اخذت الكهوة مالتي وطلعت للجامعة متعوده ما اكل الصبح اكتفي بالكهوة .
تبارك: هههلاااا باع شلون تمشي الخايسة وكاشخه عينك عينك صارلها اسبوع غايبة واتصل عليها وماكو .
زهراء: شسمه باعي انطي مجال ابرر شسمه
- اششششش ولا كلمه يلا ولي ماريدج
اعرف شلون اراضيها طبعا تبارك صديقتي روحي بروحها وحدة رحت لكوفي الجامعة اشتريت قطعتين كرواسون وحليب بالكاكاو هذا الاكل اكلها المفضل .
