انتـِقام الوهج
بسم الله الرحمان الرحيم
الكاتبة: رسـُل_الربـيعي
ضيعتني و كمت ما اعرف شريد
وماتت احلامي الجبيرة
وشيعت كلبي الشهيد...
حته اهلي استغربوني
يمهم اكعد بس بعيد...🖤
تعليق + تصـويت
مشاركة للقصة+قرائة ممتعة
»»»»»»»»»»»»»»»»»»»»
الصدمه الي جانت كفيله حتى تهدحيلي اباوع لخواتي الي متهسترات ومفرفحات واني حاضنتهن وماعندي اي ردت فعل غير صافنه واباوع بجمود
بعد نص ساعه التمت الناس كلها واني گاعده بالگاع وحاضنه اخواتي الي صارن جمر من البجي بالگوه طفو النار .
ودخلو يشوفون عفتهن وكمت بخطوات مامتوازنه دخلت للبيت الي صاير رماد وكفت جامده بمكاني واني اشوف جثث اشخاص صايرين رماد رجفه صابتني ومانزلت مني دمعه بس واكفه بذهول واني اباوع اجو جروني من ايدي وطلعوني واني مفتحه عيوني على وسعهم ،
مر سبوع ؏ فاتحت اهلي وعمامي اخذونه لبيتهم وخواتي مفرفحات على اهلي بالگوه يلا تحسن وضعهن شويه
اما نسوان عمامي بس يدورن مشاكل دواره واني مالي خلكهن حطيت غده لخواتي ومشيت للغرفه اباوعن كل وحده لامه رجليها وكاعده بصفحه
- كومن اكلن
ترانيم:- ماريد
- مو بكيفج ، سنار كومي
سنار:- ماريد مو جوعانه
- اني شجاي اگول
باوعتلي سنار وحجت
سنار:- نتِ شبيجج وهج ترى الي ماتوو اهلناا اهلناا جاي تستوعبين
باوعتلها ببرود
- كلنا على هاذا الطريق
سنار :- يابرودت اعصابج
- كافي حجي تعالن اكلن .
باوعلي واجن ولتمن عالصينيه اكلن شويه وكامن يغسلن كمت شلت المواعين وغسلتهن
اباوع اجت مرت عمي ريهام حطت صينيه والمواعين مكومه بنصها مااهتميت غسلت ايدي وردت اروح حجت
ريهام:- وينننن ، تعالي اغسلي المواعين
درت عليها وحجيت بستهزاء
- مو اني اشتغل عندج
باوعتلي بحقد وحجت
ريهام :- شكد اكرهج لخاطر الله
باوعتلها ببتسامه مستفزه وحجيت
- تزداد ثقتي بنفسي حين يزدادون كارهيني .
أنت تقرأ
انتـِقامَ الوهجِ
Action"كنت بمفردي طوال الوقتِ" " اهزم " " اتألم " " اتعثر " " دون ان ينتبه او يلاحض احد و كانت هاذه الوحدة رغم وحشتها الا أن هي مصدر قوتي " حقيقية الكاتبة: رسـُل _ الربـيعي🦅
