أنَا بعُمر
الوَرد بَـس وَردة
ذَبلانـة
أنَا بروحِي غُصِن ذَبلان
وِ تگُلي النَاس
حَليانة !.
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
شِتاء، جو بارد گاعدة بالبَلكون ألهواء يطير بشَعري جَو مُمطر و حِلو
_صافنَه بالفراغ و أفكر بحياتي و كُل جزء بيها
إخواني، مَتى ابوي يتغير! كل ناحية بحياتي شايلة همها و افكر بيها دائمًا، شوكت الله يفرجها علينا و نخلص من هل عذاب؟
قِطع صفنتي صوتة ديحچي وياي
ذو الفقار: شبيچ صافنه كرز؟
ملك: مابية
ذو الفقار: خاف ماكله لحم مطاية؟ صايرة هواي تصفنين ديربالچ لا تصير بيچ متلازمة ابو صابر
ملك: انچب و روح عني ترا اگول لإلياس
ذو الفقار: خفت يمه خفت
وضل يضوج بية و ينصب عليه لحد ما طگت روحي و شردت منه لغرفتي
دخلت للغرفة و سديت الباب غيرت ملابسي و رجعت نمت و صفنت و كالعاده مااگدر أنام اذا ما ابقى افكر و استرجع شكو شي مريت بي
اتذكر ايامي، كلامهم، عذابهم، تحرشهم بية
كل الاشياء السيئة الي مريت بيها و ولا مرا فكرت بشي ايجابي ابدًا كل افكاري سلبية و سيئة، او يمكن لان هي حياتي سيئة و ما بيها شي ايجابي
بقيت نايمه و استرجعت ذاكرتي الي صار البارحة...
متجمعين كلنة ببيت جدو كل خالاتي و اولادهم و بناتهم
خالاتي كانو گاعدين گعدة غيبة و نميمه كالعادة
حچت وياي خالتي
_جيبي كلينكس من فوگ من المخزن ماكو هنا مخلص
صعدت فوگ و دخلت للمخزن حتى اجيب كلينكس و خليت الباب مفتوح
فجأه الباب انسد على كيف و انقفل!. خفت حيل باوعت وراي وشفته، هذا احمد شيسوي هنا؟؟
ملك: شكو احمد؟ ليش قفلت الباب اريد انزل جوا، مشيت اريد افتح الباب و وگف گدامي مانعني
احمد: ولا حركه، كلمه زايدة منچ اصيح و اگول اجتني لغرفتي هي و لزگت بية و طبعًا الكل راح يصدگني
ملك: ابتعد عن طريقي شنو تريد مني انتَ وخررر
احمد: مو قبل ما آخذ الي اريده
ملك: شنو تريد مني
بدون ولا كلمه حضني مقيدني بأيديه حط راسه برگبتي و ايده على ازرار القميص حاول يفتحهن ماگدر لان كنت اضرب بي احاول اقاومه حتى يبتعد عني بس ماابتعد
ضليت ابچي و ادفر بي بس ماوخر عني لحدما عضني برگبتي قوي حتى اثبت و صارت عندي ردة فعل الله انطاني قوة دفرتة جوا بطنه وگع بالگاع
و رحت فتحت الباب و طلعت بسرعه و احوالي متخرطه احاول اهدء نفسي بس مااگدر ضليت ارجف و ابچي ماعرف شسوي خفت و توترت مسحت دموعي و نزلت جوا للحمام بسرعه اغسل وجهي
