قمري

البـــــــ'17'ـــــــــارت

_
_
" قمَـــريِ "
البـــــــ'17'ـــــــــارت
.

ضمت هديل شفايفها بدموع سالت علي خدودها بـ صمت دون ردة فعل خلت من فارس يرفع راسه ناظرلها بـ ندم خلا قلبها الضعيف اتجاها يلين ، يالله مش قادره اذله زي ماذلها، ولا تقسي حتي بالكلام عليه زي قسوة كلامه ، لهدرجة الحب اعمه ، هدا علاش سمو الحب اعمي ، انه مهما يدير الحبيب نشفعوله ، حتي علي حساب كرامتنا لمسحها الطرف التاني بـ بلاط الارض ؟!

وخرت هديل بخطواتها للخلف بـ رفعت يد مرتعشه ماسحه دموعها : مسامحتك

ضيق فارس عيونه بـ ستغراب وحيره من ردها وعفوها السريع ، نطق وهوا ينوض يوقف علي رجليه : هكي

رفعت هديل كتافها : شن بندير باهي ، قلبي مستحيل يشيل منك وعليك
وخدت انفاسها من بين دمعاتها السايله : حتي الرسول صل الله عليه وسلم قالها ، القلب مش ملك صاحبه ، وطول ماقلبي ليك مش حـ نقدر نكرهك ولا نشيل حتي منك ، ولانه عارفه قلبك مش ليا ماعنديش الحق نعاتبك علي اللي درته فيا ، ردة فعل طبيعيه علي اللي سمعته وشوفته

هز فارس راسه بـ النفي وهوا يخطي بخطوه مقرب منها وقبل مايقرب الخطوه التانيه بعدت هديل خطوه للخلف بـ رفعت يد موقفاته مع كلماتها : لا باللهي عليك ، مانبيش اعذار ولا امل تاني يعشمني فيك ، باللهي عليك خلي الامل ميت باللهي عليك

لمعت عيون فارس لميل راسه محاول يتصل بأنظار عيونها الهاربه منه : بعد ماحييتي الامل فيا بتسيبيني

رفعت هديل حواجبها بـ هزت راس نافيه بخطوات راجعه للخلف : اشششش باللهي عليك اششش مانبيش خلاص خلي الصفحه تتسكر

وقبل ماتتلفت هاربه منه سرع فارس بخطواته ليها ماسك يدها : بتعاقبيني علي اللي فهمتوهولي وخليتوني نشوفه ونصدقه

لفت هديل وجها ليه بعيون محمره باكيه رفعتهم في عيونه : لا

زاد فارس قرب منها محاوط يدها بيديه الاتنين بصوت لان اكتر بنبرة راجيه : امالا علاش صدك هدا ، علاش تصدي فيا بعد ماقلبي ولا ليك

هزت هديل راسها بدموع ضببو عليها الرؤيه وهيا تحاول تسحب يدها من بين يديه المتمسكه فيها بقوة : وينه قلبك لما كنت نجري وراك ، لما نحاول لفت انتباهك ، ولكلمه بس منك ، حاولت معاك هلبا ، وكنت نتجاهل في كلامك الحار
ورجعت رفعت عيونها فيه ناطقه من بين شهقاتها : الكلمه اطيح في ودن صاحبها ، وكلامك عليا كان يجي في ودني ، مش عارفه كنت نبكي ونزعل لكن نقول هوا مايعرفنيش لما يعرفني زين حـ يحبني ، وبدل ماناخد بخاطري منك ونبعد نلقي روحي نألفلك في اعذار برغم صدك الواضح ليا
رفعت يدها التانيه ماسكه يديه لضامه يدها : اني مش خفيفه ولا مستعجله علي الراجل ولا زواج ، كنت نستغل في اي فرصه ممكن توصلني ليك لاني نـ
وضمت شفايفها وهيا تشد علي اسنانها بقوة خلت من فارس يكمل راد علي كلمتها لـ فهمها بدون ماتنطقها وهوا ينزل لمستوي طولها : حتي اني نحبك