الصقر العاشق الجزء الثاني

🦅 الحلقة الثامنة و العشرون 🦅

الصقر العاشق الجزء الثاني

الحلقة الثامنة و العشرون
🦅🦅🦅🦅🦅🦅🦅🦅🦅

في احدي المستشفي
🦅🦅🦅🦅🦅🦅🦅

وصلت سيارة الاسعاف و اسرع التمريض بتنزيلها و اخذوها الي الداخل

امر الدكتور بتجهيز حمام ملئ بمياة مثلجة

دكتور : حضرتك مين و اذاي تامر
الدكتور بجدية : انا الدكتور جيهاد منصور
الدكتور : اهلا و سهلا دكتور جيهاد
دكتور جيهاد : مش وقت الكلام ده بسرعة البنت بتروح مننا
الممرضة : المريضة حرارتها وصلت ٤٥
الدكتور جيهاد : بسرعة جهزو الحمام

و بالفعل تم تجهيز الحمام بالمياة و الثلج و اسرع جيهاد بحملها بعد ان نظر علي اصلان الواقف دون تحرك

الممرضة : اتفضل حاجة المدام
الدكتور جيهاد و هو يحملها : مش بيعرف عربي لو بيعرف كان حس علي دمه و شالها
اصلان بجدية : انا مصري بس مكنتش اعرف هاتها و انا هشلها

نظر له بسخرية و اكمل الي الداخل و خلفة كذا ممرض

الدكتور جيهاد بجدية : انا هنزلها في الماية اتنين يمسكو رجليها

وضعها بهدوء في المياة فنتفض جسدها فاسرع الممرضين بمسك رجليها و قام بنزع الحجاب

اصلان بغضب : انت ليه شيلت الطرحة
الدكتور جيهاد : ده شغلي ملكش دعوة و علي العموم لازم اهدي مخها من الحرارة

بعد فترة طويلة انخفضت حرارتها و امر الدكتور احضار ملابس لها فتوجهت الممرضة لاصلان

الممرضة : من فضلك عوزين هدوم ليها
اصلان : عبارة عن ايه
الممرضة : احم هدوم كاملة من جوا و من برا و يا ريت ترنج
اصلان بجهل : يعني ايه من جوا و من برا
الممرضة : حضرتك ملابس نسائية ليها علشان اللي عليها مبلوليين
اصلان : تمام فهمت ديه شنطة هدومها خدي منها اللي انتي عوزاه

فتحت الممرضة الشنطة و اخذت ملابس و توجهت إلي مكان ملاك

مر الوقت و انتقلت ملاك الي جناحها الخاص و تم توصيل المحلول و العلاج بيه و تركوها تنام

اصلان : فيها ايه
الدكتور جيهاد : للأسف الشديد هي معندهاش مرض عضوي هو نفسي
اصلان باستغراب : يعني ايه
الدكتور جيهاد : يعني هي قلبها و عقلها اللي تعبانين مش باقي جسمها و ده اخطر مرض
اصلان : من فترة حاولت تنتحر
الدكتور جيهاد بصدمة : نعم يبقي كده البنت حالتها خطر و لازم تتعرض علي دكتور نفسي و ياريت بلاش تهملها لأنك كده بدمرها

اقتربت الممرضة و همست له ببعض الكلمات فنظر لاصلان بصدمة

الدكتور جيهاد : هو انت جوزها صح
اصلان : ايوه
الدكتور جيهاد : هو انت اللي ضربتها الممرضة بتقول في اثار ضرب علي جسمها
اصلان ببرود : شي ميخصكش انت عملت شغلك و انتهي الكلام
الدكتور جيهاد بغضب : انت اتجننت اذاي تعمل كده فيها انت السبب في حالتها ديه
اصلان ببرود : بردو نفس الاجابة ملكش دعوة خلصت شغلك اتفضل