اللهم صلِ على محمد وآل محمد 🤍🌿
The date: 24.8. 21
My: Robin Ghayath
...........
التصويت لطفًا
...........
بقلمي : روبيـن آرت
روايه : الاوجِه المُختلفة
شَلون أضيِعك وأنا روحِي ألگاهَا بيك..
...............................................
"وهار"
مصدومين بجيته وبنفس الوقت فرحانين لأن جان بالنه أن جدي قتله!!
أجت نور وزعت مي ومَـهجه وزعت عليهم فناجين القهوه لان البرنسيس ماقبل يحجي شيء ألا يضيفو مي وقهوه صاير أتكيت أبو عيون
هوَ مسترخي على التخم ويشرب قهوة بهدوء
أما جدي وعمامي مشتعلين ناار بس يردون يحجي شيريد ويخبزو
علي متلهف عليه بس يريده يگوم يطلع برا حتى يحضنه وحيدر يباوعله بطرف عينه هذا من زمان مايحبه يغار منه لأن علي يحبه أكثر!..
كمل قهوته وأخيرًااا گال وهوَ يجر بالكلمات جر
:- شو محد سلم عليه معقوله ما أشتاقيتولي؟؟
عِتاب:- أنتَ شجابك؟!!
:- جابني الشوگ
فادي:- أنجب ولاتمسلت أنتَ مو علساس متت؟
:- أنتَ گلتها علساس يعني مامتت
عِتاب:- شلووون واني ضربتك طلقتين وشمرتك مثل الجلب بالهيمه؟
:- نسيت اني عندي سبع أرواح
غَـيم :- شنو بزونه
:- جا البزونه احسن مني؟؟
غَـيم :- لا فوفو أكيد أنتَ أحسن
بعده غَـيم يحجي وحيدر يگرص بأيده مايريده يحجي وياه يابويه شگد يغاار
أندار عليه يحجي وهوَ متنرفز
غَـيم :- شبيك تگرص ومررض
حيدر :- شفت بگايه على أيدك گلت اني اگرصك بمكانها
غَـيم :- وخر مشكور خل البگايه تگرصني ولا أنتَ عبالك عگرب مو أيد
حيدر:- تخسى العگرب يم أيدي
رشيد :- شلون طلعت؟
:- يهمكم؟
عِتاب :- لا
:- خلص جا لاتسألون
فادي:- لعد شكو أجيت امشي ولي لبيتكم
عِتاب :- شوف ذو الفقار هالمره طلعت منها سلامات المره الجايه لا والله ما أعوفك لحد ما أتأكد بنفسي أنتَ ميت
ذو الفقار:- ليش تخاف أفضحك؟ لا لتخاف ما أگول شيء كلشي بوقته حلو
أبتسام :- أنتَ أثول مو تشوف محد يريدك أمشي ولي أطلع منا
أنت تقرأ
الأوجِه المُختلفة
Actionقَتل، شَهوات قَذِره أغتِصاب، نَهوه، قُمار إنطِواء، ظِلم، جَشع، فُقر، سَواد، ليَالي مُرعبه جِنونُ، هَرب، صَدمه، مُحرمات، مُوسيقَى، ضِحكات مُتتَاليه، دِيسكوَ، عُنف، الوِجه الاول:- والنِاس والدنِية عِلية. اني هَلي ما صارولِي سنَد إنتَ، الغَريب تصَير...
