كعد اسر من وره لشمس يلي دخل ضواه للغرفة
فرك عيونه راد يكوم بس جانت ايد امير محاوطه خصره و مانعته يكوم تنهد اسر و حاول يوخر بس حس ظهره مقسوم نصين
ضرب امير على ظهره لعاري مجان لابس تيشيرت مخلي مكان لضربه صاير احمر خفيف خله امير يفز من ضربه
امير
شبيك ليش ضربتني؟
اسر
اي شعليك نايم و مرتاح و اني يلي اتوجع ظهري موتني كله بسببك
امير ضحك بصوت خله اسر يباوعله بعبوس و غضب
اسر
تضحك يا حقير الا اخلي ماما تكتلك اهوو لا تضحك راح ابجي
وكف امير ضحك و حضنه من وره باس جتفه
امير
مرتي لحلوه ليوم اشبعج دلال
اسر
انجب اني مو بنيه
باسه امير من ركبته و ابتسم خله غمازاته تبين
اسر
حقير اكرهك
امير
احبك
كام امير و شال اسر رايح بي للحمام يسبحون و ما خلت من تحرشات امير الاسر يلي كلساع يكفخه
طلعو من لحمام كعد امير اسر على جربايه طلعله ملابس من ملابسه يلي هي تيشيرت ابيض طويل جان عليه و ما لبسه بجامه لان كلهن كبار عليه و يوكعن منه
لبس هو ملابسه و رجع شال اسر نشف شعره و نزلو جوه
طب للمطبخ حط اسر على لميز و راح يسوي ريوك
أسر
هسه بس ليوم لا تروح
جان امير يلبس قميصه الاسود و أسر متربع على لچربايه ينتحب و يتذمر لان امير راح يروح لشغل راح امير للمرايه يعدل شعره و لبست ساعته و حط عطره و أسر وراه وراه
أسر
لا تتجاهلني وحش!
اندار امير عليه سحبه من خصره
امير
ماكدر ليوم ماروح حبيبي عندي كومه شغل لازم اروح و من ارجع اجيبلك حلويات تمام؟
ما رد اسر و ضل معبس يلعب بل دكم مال قميص امير
امير
تمام؟
أسر
تمام
امير
شاطر حلوي يله اطيني بوسه قبل لا اروح اتاخرت
