هّائمً بًك.

ألخامس

ساعة 7 صبح

ليوم جان جمعه لناس نايمه و مرتاحه محد عنده شغل او يركض منا و منا

جان يوم استراحه الهمّ و تتجمع لعائله سويه بهذا ليوم

جان أمير بعده نايم و حاضن أسر يلي تحرك شويه شويه و فتح عيونه

باوع أسر على لسكف ثواني يصحصح نوب دار وجه للجهة لثانيه يباوع على امير لنايم و محاوط خصره بكل قوة عبالك راح يطير منه

حاول أسر يوخر الاكبر عنه و بصعوبه كدر يوخره

كام راح للحمام غسل و فرش اسنانه و طلع نازل جوه يسوي ريوك

طب للمطبخ ابتسم على جماله هو يحب يطبخ من يحس بل ملل يكوم يسوي اكل

شغل اغنيه و لبس لمريوله مال طبخ شده حتى يربطه مبين تفاصيل خصره لمنحوت

طلع لمكونات و صار يسوي الاكل و يركص

بهاي الأثناء نزل امير بدون تيشيرت لابس بس بجامه مبين عضلاته بطنه و وشمه لبادي من چتفه نازل لأيده ليسره

سمع صوت دندنه بل مطبخ دخل و شاف ملاكه يركص و يسوي اكل ابتسم ابتسامه مخلي غمازاته تبين

تقرب امير و صار وره أسر حاوط خصره ضاغط عليه نوب يرجع يمسح عليه بخفة

اتقشعر أسر من هاذي لمسات أندار و صار وجه مقابيل وجه أمير بيناتهم مسافة صغيره

تقرب امير فاصل هاي لمسافة لبينهم توتر أسر و ما عرف شيسوي ضل يحرك عيونه بكل مكان بس حتى ما يباوع على امير

امير
باوع عليه خلي عيونك عليه

استمع اله اسر و رجع انطاره على عيون امير لسوده يلي بيها لمعه كأنه كواكب مو عيون

باس أمير عيون اسر و وخر عنه بعدين كال

امير
صباح لخير يعسل

اسر
صباح النور..

كالها بهدوء و رجع يكمل تحظير الاكل شويه و كام ينقلهم للميز مال اكل

كعد امير يترست لميز و على جانبه الايمن أسر

بلشو ياكلون بدون اي كلام

خلصو كام أسر يلم لماعين حتى يغسلهن و اكيد امير ساعده

كعدو بل صاله وره ما كملو شغل امير فليم جانت احداثه كلش ممله