حُكم الهوامِش

الحُكم الثاني

ان في الخيال احلام
وفي الحقيقه احلام

تكتبها بين خواطر الانسان

فيحققها احد الاطراف

_أيليا

*****

شفتها وياريت ميت ولا اشوفه

غركانه بدمها وحالتها حاله صحت على جابر .... وماتاخذها للمستشفى شتنتظر

.. خطر خطر علينه تريد نخاطر بروحنه علمودها

... إذا هامتك نفسك فـ اني مايهمني غيرها وتاخذها وانتَ الممنون

حجه بأستهزاء .. ليش تحبها؟
كتله .. احبها او ما احبها شدخلك انتَ
.. لعد ليش اوديها وإذا ماتت
.. أموتك وراها ، مايكفيك خاطف اخوها وتهددها بي وخليته تصير وياك؟ شنو من بَشر إنتَ
... بكيفي شسوي بكيفي محد يمنعني
.. آنا امنعك
... كدها؟
.. بَس خلي تصير زينه واراويك نجوم الظهر

عفته و إتجهت إلها شلتها وإخذتها وياي ونط جابر

.. هوب هوب وين ماخذها

.. للمستشفى..

.. ما أسمحلك

باوعتله بتحدي وكتله .. بصفتك منو؟
جاوبني وكال ... رئيسها
.. ترا انهيك انتَ وجماعتك ماتخوفوني ولينادر من تصير زينه تجي يمك يا عار

عفته ومشيت وهوَ يسب ويغلط
ما إهتميت وإخذتها للمستشفى خليتها على السديه وإجت الممرضه فحصتها وكالت ... فاقده دَم هواي لازم نخليلها دم
.. شنو فصيلة دمها؟
.. O+
... تكدرون تسحبون مني دَم وتخلولها

سحبوا دَم وخلولها وإنتظرتها تصحى بس الغريب ماصحت

صحت للممرضه تشوفها ليش ماصحت كالت .. طبيعي شويه وتصحى لأن الضربه على راسها

هزيت راسي وراحت باوعتله ولزمت إيدها
وكلت ... آني آسف سببتلج هواي مشاكل بحياتج بس مو ذنبج ذنب ابوج هوَ السبب بكل إلي إنتِ بي أتمنى تسامحيني

****

فتحت عيوني بغواش ما اشوف شي بس ريحة الديتول تخنك إريد اركز آني وين ما اكدر وره شويه وضحت الرؤيه باوعت آني بالمستشفى

منو جابني؟ وليش بالمستشفى؟ شنو صار؟

لكيت شخص واكف فوك راسي باوعتله وكتله

.. إنتَ منو؟ وآني شسوي هنا؟
كال .. چنت امشي بالطريق وشفتج مسويه حادث وجبتج
.. چان إكو أشخاص وياي وينهم؟
.. ما اعرف بس انتِ لكيتج

كمت اريد اكوم لزمني رفعت راسي وباوعتله تقرب كلش
كال ... لا تكومين مو زين عليج من تصيرين زينه عود آني اطلعج

باوعتله وكتله .. إنتَ منو؟
جاوبني ببرود .. مو مُهم آني منو
... أريد اروح
.. لا تلحين كتلج من تصيرين زينه
.. جابر وين؟