حُكم الهوامِش

الحُكم الرابع

‏"فقل لفؤادك الموجوعُ صبرًا
فخلفَ الصبرِ أشياءٌ جميلة!

- أيليا

***
جوران: مات

لينادر: لا لاا مايموت مايموت شنو بكيفك حباب كول جذب

جوران: ناخذه للمُستشفى

إخذنا للمُستشفى واردد بكلبي

" نادي علياً مُظهر العجائب تجدهُ عوناً لكَ فِي النوائب"
" دخيلك يابو الحسنين أريد عيسى منك"

كعدنه أني وجوران وننتظرهم يكولون حالته
خليت راسي على چتف جوران ونزلت دمعتي
باوعلي

مِسح دموعي بإبهام إيديه

جوران: الحلوات لاتذبليهن

لينادر: صُدك مات؟

جوران: لا

لينادر: لعد ليش كلت مات؟

غمض عيونه وجاوب ... حتى ما تثبريني وتاكلين راسي

- بس كسرت كلبي هاي الكلمة

- نجبره لكلبج ماكو مُشكله

رچيت ظهري على الكُرسي شويه وإجة الدكتور

- مابي شي مُجرد كسر بالرقبه

غمضت عيوني بإطمئنان الف الحمدُلله والشكر

مشكور يابو الحسنين ماقصرت

جوران: شفتي مابي شي اخوج عار

باوعتله ... ما اسمحلك

- لا عليج الله إسمحي

عفته ورحت كعدت يَم عيسى .. حَبيب كلبي تأذيت مو

جوران: مايسمعج ترا

لينادر: حجاياتك مثل السهم تنبت بكلبي

- تساعديني؟

- بشنو؟

- تساعديني لو لا؟

- إي، بس بشنو أساعدك؟

- ليش وافقتي وماتدرين بشنو؟

- فضلك عابر عليَه بفضلك لكيت اخوي بفضلك خلصت من جابر بفضلك مامات عيسى

إبتسم ودمعت عيونه .. هذا واجبي

لينادر: بيك شي؟

جوران: لا، راح اروح إذا تردين شي إتصلي عليَه

طلع يريد يروح مخذول ومكسور باوعلي بنضرات عمري ما انساهن نضرات مكسوره إبتسم وإتجه للباب

لينادر: جوران

إلتفتي وحجه بغضه .. يجمرة كلبي

- بيك شي؟ حباب جاوب

- وعيونج الاحبهن مابيه شي

إبتسم وراح .. حسيت كلبي وجعني عليَه ماريده يروح اريده يبقى يمي كُل العمر ماريده يروح بس عقلي رافض