هلو بناتي شلونجن يلا خلي نبدا
-----------------------------------------------------------
Pov Zainab
ملاحظه/ أهل زينب كلهم سنيين بس هي جانت سنية وصارت شيعية وأهل ابوها يكروها لأن صارت شيعية (اني جنت سنية وصرت شيعية والحمد لله)
رحت اني وصديقاتي للتمرين وبنص التمرين دك تلفوني شفت وطلع حسين استغربت ليش يدك. وهوة يعرف عندي تمرين
زينب: ها حسين
حسين: زينب اريد اشوفج
زينب (بخوف): ليش صاير شي احجي
حسين:لا بس اريد اكول الج شي
زينب: تمام اشوفك بالمطعم ***
حسين : يلا تمام
سديت الاتصال من حسين واني ارجف ما ادري ليش بس احس صاير شي
رحت للمدربة و طلبت منها اطلع لأن عندي ظرف
عائلي وهي وافقت والبنات كلهم شافوني ارجف
وطلعت سريع وركبت تكسي ورحت
Pov Fatima
رحنا للتمرين واحنا فرحانات لأن إذا فزنا بهذي اللعبة راح نروح للنادي الزوراء للولد وراح اشوف كراشي
بس شفت زينب اتصلوا عليها وجها صار اصفر
وبس ترجف وطلعت من تمرين
Pov Zainab
وصلت من وصلت اجة حسين من اتجاهي
وضربني راجدي
اني لزمت خدي و ردت اضربة مثل هوة ضربني
بس لزم ايدي وكال
حسين : اني غبي صدكت بوحدة مثلج
زينب : حسين هاي جاي تمضرط ليش تحجي هيج
حسين: زينب تخونيني زين ليش اني مسوي الج شي
هسة الناس شنو يكولون علية
(طبعا الناس والجماهير كلهم يعرفون بعلاقة حسين و زينب )
زينب : واني شنو مسوية
نرجع بالزمن شوية 🤏🏻
Pov Hussein
جنت كاعد لأن اليوم ما عدنا تمرين وجنت اباوع بالتليفون وفجأة
شفت رسالة من عمة زينب
استغربت شعندها تراسلني
فتحت الرسالة وجان مكتوب
' مرحبا حسين طبعا اليوم قررت اكول الك ابتعد من زينب لأن زينب راح تصير زوجة ابني ومستحيل تزوج
واحد غريب وإذا ما تصدك شوف هاي الصور '
* ودزت صور لزينب وابنها جانو قريبين عن بعض (لا تخافون جانت فوتوشوب بس حسين ما ميز اذا جانت فوتوشوب )
شفت الصور تفاجات ليش هيج تسوي زينب ودكيت عليها وكلت الها
اريد اشوفج
نرجع للحاضر 🌹
