الحاضر وفي لندن وقاعدين ف الكافيه شما وغلا ربيعتها اللي قريبه منها وايد
غلا - احس خ نرجع البلاد
شما - حوووو بعدنا م كملنا أسبوعين
غلا - يالله عاد بليززز والله مشتاقتلهم
شما - مشتاقه لمنو بضبط !
غلا تبتسم - انطمي ويالله باجر بنرجع البلاد
شما - اعترفي انج تبين ترجعين عشان سعود
غلا - مايخصه هو جبجب وبنرجع يعني بنرجع
شما سكتتتت
غلا - زين خبرينيي شو السبب م تبينااا نرجع!
شما - ماشي
غلا - شوفي نحن كملنا مع بعض سنه وانتي ولا تخبريني شي وانا كل أسراري عندج
شما - شوفي الجو كيف حلو خ نتمشى
غلا - لا تغيرين الموضوع والله ان م خبرتيني شلي مضايقج م اتحرك من مكاني
شما - زين
ونرجع للماضي
كنا ساكنين ف بيت إيجار وكل م زانت اليلسه سكرو الكهرباء و اخو حرمت عمي صفيه كان موجود بعد ف قبل كله كنت احب ضيم وفيديوهات ضيم.. وشفت من تلفون اخته الصغيره انه هو حاط ستوري ضيم ف قتلها تقوله طرش وتم يستعبط معاها وقتله انه أنا اللي ابا الفيد مش زهره ( زهره اخته ) وطرش لي الفيد وعطاني رقمه وقالي كلميني ع ساعه 9 فليل واليوم وانا سيفت الرقم لكن كلمته ع ساعه 10 واتس
شما ( هلا )
فيصل ( ليش طولتي هالكثر! )
شما ( كنت مشغوله )
فيصل ( مره ثانيه سمعي الكلام وكلميني من وقت )
شما ( ان شاءالله )
فيصل طرش لي هالايموجي(😁)
شما ( ها )
فيصل ( ها )
شما ( شو )
فيصل ( قولي ).... تبون الصدق كنت احبه من زمان وهو كان يحسسني بعد يحبني وانا م تحملتت وووو...
شما ( احبك )
فيصل ( واخيرًا قلتيها )
شما( كيف يعني! )
فيصل ( كنت ادري انج تحبيني )
شما ( كيف! )
فيصل ( بس من تصرفاتج )
شما ( زين مابترد ع الكلمه؟ )
فيصل ( اي كلمه! )
شما ( ماشي )
فيصل ضحك ( اموتفيج )
شما ابتسمت ( وينك احينه! )
فيصل ( فوق قاعد معاهم ف الصاله )
شما ( زين شويات وبيييك )
فيصل ( اوكيه )
ومرت الايام ونحن نشوف بعض كل يوم لانه ينام عندنا وتدروننن اني حبيته رغم صغر سنيييي متوقعين كان عمري 13!!! وهو 17 المهم وصرنا ف الشتا وامطار ونزّل ثلج وطرشت له
8:24ص
شما ( واعي؟ )
فيصل ( هيه .. غريبه م داومتي )
شما ( م تشوف الأمطار كيف اداوم )
فيصل ( هيه زين )
شما ( فخاطري مجبوس دياي مع هالجو )
فيصل ( تعرفين تسوين اونه؟ )
شما ( يب )
فيصل ( حلفي ! )
شما ( والله )
جي فتره عمي راكان تزوج
ف العرس ...
حمده - شما بسالج ( حمده بنت خالتي )
شما - هلا
حمده - انتي و فيصل بعلاقه صح؟
شما - شعرفج؟
حمده تبتسم - أعرف أنا
.. وبعد مده قصيره فيصل كلمني
فيصل ( شما )
شما ( هلا )
فيصل ( سوي قروب ودخلي بنت خالتج حمده )
شما ( ليش؟ )
فيصل ( بقولها شي وعقب كنسلي القروب)
شما ( اوكيه.. ) وانا شرات الأغبياء سويت قروب ودخلتهم وبعد دقايق قالي كنسلي ومن بعد هالدقايق فيصل تغير علي خلاص ولما اكلمه اسلوبه يكون خايس ويجرحني بكلامه ولا يحس .. ومع الايام تميت ادش واتس اشوف حمده متواصله واشوف فيصل بعد متواصل وشكيت ف الموضوع وكل يوم نفس الحاله وانا اتعذب وساكته وكلمته
شما( فيصل بسالك )
فيصل ( هلا )
شما ( تكلم حمده؟ )
فيصل ( هيه مابينا شي بس سوالف وربع )
شما ( اوكيه ) انجرحت اهني وايد وايد المهم بعد فتره قصيره اخوي عبدالعزيز عرف عن الموضوع وسحب تلفوني وشاف كل شي.. سكب
فليل اخوي زقرني غرفته ورحت وأميره كانت موجوده ..
عزوز - شمسويه انتي؟
أنا ساكته وخايفه
عزوز - سالت وجاوبي
أنا بخوف - ها.
شويات وسميه اخت فيصل اتصلت ف اميره اختي ردت وحطت اسبيكر
اميره ( هلا )
سميه ( شسالفة بنت خالتكم الرخي**)
اميره ( احترمي نفسج وتكلمي عدل وخبريني شصاير؟؟ )
سميه ( حضرتها تكلم اخوي وتطرش له صورها وباين نص صدر** )
اميره ( وانتي شعرفج؟ )
سميه ( خذيت تلفون فيصل وشفت كل شي وهني كلهم متيمعين وصارت السالفه عودددده )
اميره سكرت فوييههااا - كنتي تدرين عن حمده وفيصل؟
شما - لا.. بس مره قالي سوي قروب ودخليها
اميره - انتي لهدرجه كنتي غبيه؟
شما سكتتت... وراحو بيت قوم فيصل وحلو الموضوع وبعد فتره حمده يت عندي وتمت تقولي الموضوع والحين فيصل يقول شي وحمده تقول شي ثاني.. ماعرفت اصدق منو وسحبت عليهم وبعد فتره رديت كلمت فيصل وردينا لبعض وعقب كله كان بينا مشاكل وكنت اسمع عنه. أشياء بس م كنت اصدق .. وبعد فتره طويله اكتشفت يكلم بنت عمي ندى..... وكانت تي عندي وتشكيلي عنه وانا خلاص بنفجر.. من الضيقه والخ... رحت كلمته
شما ( بسالك سوال وكون صريح)
فيصل ( هلاا )
شما ( تحب ندى! )
فيصل ( شو هالكلام )
شما ( سالت وجاوب )
فيصل ( لا بس هي تحبني )
شما ( متاكد؟ )
فيصل ( هيه.. ليش شعرفج انتي! )
شما ( مو شغلك ) ورحت عند ندى اشوفها تصييح لانهم متضاربين
ندى - شما
شما - بسالج.. فيصل يحبج؟
ندى - هيييه..
شما - اشوف المحادثات اللي بينكم إذا عادي.. وراوتني المحادثات وانا انكسرت خلاص.. وقمت سمعته كلام وبلكته وقلت حق ندى كل شي...
ونرد الحاضر....
غلا - كل ها صار ولا خبرتيني؟
شما - ماعرف..:
ثاني يوم نتجهز عسب انرد البلاد وطلعنا رحنا نتريق وعقب وصلنا المطار وتمينا نتريا.....
ووصلنا مطار البلاد بسلامه وخذينا شنطنا ورحنا ستاربكس ووصلت غلا ..
صوب لفة البيت.. لفيت السياره عسب ادخل البيت جاااان اسمع صوت بووووفففف .... وراسي دق ع السكان وماستوعبت شيي.. وفتحت باب السياره ونزلت وشفت اللي دعمني ريال . ورحت صوبه
شما تصارخ - ماتشوووووفففف انتههههههه!!!!! عميّيي
الريال - اسمحيلي اختي ماشفت حقج علي
شما - وبعديييين شو يايبنككك هني؟!
الريال - حوووو بيت خالي وانتي شدخلج تسألين !
شما استغربت - كيف بيت خالك
الريال - اختي مالج حق تسألين ويالله توكلي
شما - هذا بيت ابوي
الريال - كيف يعني؟
شما - يعني سعيد اللي هو خالك ابوي
الريال - ماعرفج والله اسمحيلي
شما ضحكت - اصلًا أنا ماعرف حد من عيال عمامي ولا عمتي ههههههههه
الريال ابتسم - الله يهديج عساس أنا اعرف( لانه هم مووول مو شايفين بعض بس لما كانو صغار )
شما - زين شسمك
الريال - سالم
شما - هيه زين
سالم - وانتي توج راده من لندن صح؟
شما - هيه
سالم - الحمدلله ع سلامه
شما - الله يسلمك
سالم - شو الاجواء هناك
شما - بنوقف هني ونسولف؟ الله يهديك ههههه
سالم - اوه اسمحيلي .. وراح صوب سيارتي
شما - إذا معور سيارتي ياويلك
سالم رد صوبي وهو يبتسم - لالا مافيها شي بس شرخ بسيط
شما - ومعور راسي بعد تراك.. بس ماعليه دواك عند ابويييي
سالم - هه خوفتيني يعنيييي
شما - متاكد من هالكلام؟
سالم - يالله بس..
جان اركب السياره - ماعليه دش البيت وبتشوف
وبركنت السياره ودخلت داخل كلهم قاعدين
شما - سلام عليكم... ورحت حبيت راس ابوي وعقب امي واخواني
ابوي - ها يبه طولتي
شما - رحت ستاربكس وعقب وصلت غلا البيت وجان ادش البيت وو..
سالم دش - سلام عليكم
الكل - وعليكم السلام .. وسلم عليهم
ابوي - حوووو وينهم الباقين
سالم - مادري عنهم بس طلعت بدون اخبرهم ههههه
شما - وانا ليش محد قايلي عند ولد خال اللي اول م شافني دعمني
اماه - هااا!!!
ابوي - كيف؟
شما - اسالوههه بيرد عليكم المهم اماه قولي حق ميري ( العامله ) تيييب شنطي وبدش الغرفه ارتاح تعبانههه
سالم - م صاير شي خالي لكن هي دلوعه
شما - أنا دلوعهههههه!!! اوباهههه دعم سيارتيييي!!! تدري شو يعني سيارتي! سيارتي اللي احبها واشتريتها بفلوسي وبكل تعبيييي
مرسيدس اللي احبه وبكل سهوله يقول م صاير شي
عبدالمجيد غمز له - عاد حدكككك هاااا إلا سيارتها لو سمحت
ضحكووو..
شما - زين زين ضحكو م بتشوفون رقعت ويهي لين باجر.. وصعدت
ثاني يوم قمت وتزهبت ونزلت شفت ربيع ابوي قاعد
شما - سلام عليكم
ربيع ابوي - وعليكم السلام.. ماشاءالله متى راده من السفر
شما - امس
ربيع ابوي - هييه الحمدلله ع سلامتج يبه
ابوي - قعدي بقولج شي
شما قعدت - هلاا
ابوي - ع الفير بنسافر
شما - وين؟
ابوي - سعوديه
شما - الله بعد بسافرررر هههههههه
ابوي - لالا حبيبتي انتي بتقعدي مع امج أنا والأولاد بنروح بسياره
شما - ليش سياره انزين؟
ابوي - حوووه نبا نتحوط
شما - متى بتردون؟
ابوي - بعد يومين
شما - تروحون وتردون بسلامه ان شاءالله
ابوي - امين
شما - ان شاءالله..
4:53 الفجر
ف الصاله واختي اميره كانت موجوده وعزوز نزل من فوق
عزوز - ابوي يلا نروح
ابوي - يالله فمان الله
اماه - فمان الرحمن ديرو بالكم وشوي شوي
ابوي - ان شاءالله.. وطلعو اماه راحت تنام وانا رحت غرفة اميره..كانت تبدل ملابس غيم
شما - اميروههه
اميره - شعندج
شما - مصدعه
اميره - دهني شعرج ولا حطي فكس
شما - صدق؟
أميره - هيه
شما - شوفي بما انه باجر مافي حد شرايج نروح ل امايه
اميره - ساعه كم ؟
شما - هممم نروح حق الغدا ؟
اميره - بس تمام
شما - يالله وانا بروح ارقد .. حبيت غيم وطلعت رحت الغرفه انسدحت ونمت
ثاني يوم قمت تجهزت ولبست مخوره صفرا مع الشيله وتعطرت وتبخرت ولبست اكسسوارات ونزلت..
اماه - ها زاهبين؟
شما - هيه
اماه - اميره وينها ان شاءالله؟
اميره نزلت - كانييي يييت
اماه - سمعو العصر بنمر بيت خالهم
شما - ياخي ماحبببب اسير هناك
اماه - كل مره تقولين ماحب وللحين ماعرفت السبب
شما - بس ماحب
اماه - يصير خير ...
وصلناااااا بيت امايه حصه العين نزلت ورحت اسلم عليها وبعد دقايق كلهم وصلو،. وامايه عرفتني عليهم ( عيال عمامي وعمتي )
عمي منصور - هاا شما مختفيه
شما تبتسم - موجوده عمي.
صدف - خالي جذابه هاي مختفيه تدري حتى م تكلمنا
عمي منصور - حوووه شما سمعتيها شو تقول عنج .. جذابه
شما - لانه صدق م اكلم حد ههههههههه
اماه - الله يهديها صارلي فتره اقولها نروح بيت خالج هب راضيه
امايه - وليش ان شاءالله؟
شما - ياخي ماحب الطلعاتتت
امايه - ماتحبيننن وتسافرين ؟؟؟
شما - هالوقت ماعرف كيف خليتوني اسافر بس مشكورين يعني هههههههههه
عموه فطوم - يالله بنات تعالو المطبخ
شما - أنا ماقدر اتحرك
عموه فطوم - ليش!
شما حطت ايدها ع ويههاا - امس رايحه الصالون اسوي أظافري
امايه - وابوي عليج أنا
عموه فطوم - هههههه برايها خ تقعد...
٩:٣٤م فليل بعد العشا كلنا قاعدين ف الصاله العوده
ثامر - اميييرتييي شرايج ف هديتي؟
اميره - اي هديه؟
ثامر - حطيتها ف الغرفه م شفتي؟
اميره - لا والله يمكن م انتبهت
حصه - وابوييييه وصرنا نهدي بعض هدايا
الغاليه - ههههههههه شيخصج فيهمممم
شما - امايييه عادي باجر نروح بر ؟
امايه - نروح شو نسوي ان شاءالله؟
شما تحمست وراحت قعدت صوبها - شوفي مثلًا ناخذ ليتات وخيييم نبات هناك تقريبًا يومين جذا دخيلج!!
امايه - ووووويه يومييييين؟؟؟
شذى - هييييه امايه تكفيننننن وعمي سعيد بعد وعزيز وزايد بيوصلون بنروح مره وحده
امايه - بيردون من السفر تعبانين امييي انتي
شما - موضوعهم عندي امايه دخيلج بس وافقييييي
امايه تبتسم
عموه فطوم - يالله عاد امايه وافقي خ اليهال يستأنسون
حصه - شمااا سمعتيييي عموههه شو تقول؟
شما - شو!
حصه - تقول عنا يهالللل
شما - ترا للحين احنا يهال
كلهم ضحكو
سالم - ليش صامله انزين
شما - نبا نستانسسسس
امايه - يالله موافقه
شما - اخخخ.. حضنتها .، والله احبججججج ي احلى امايه ب الدنيا كلها
ثامر - امايييههه كله خررررط
شما - متاكد؟
ثامر - هيييه
شما - بخبر عليك عزوز
ثامر نقز من مكانه وأميره انصدمت
اميره - حوووو شصار فيك؟
ثامر - وااااي خفت يعني هههههههههههه
شما - لحظه بس ..، خذيت تلفوني واتصلت ف عزوز و رد ع طول
عزوز ( هلا يابعد الدنيا كلها )
شما ( عزوز شوففف ثامر بدأ يلعوزني )
عزوز ( عطيني ياه )
رحت صوب ثامر ( عزوز افتح الكاممم ) وعزوز فتح وعطيت التلفون حق ثامر
ثامر ( هلا ب اللي مخوفيني فيه )
عزوز ( غصبن عنك تخاف اصلًا ههههههههه )
ثامر ( مايدرون انك تخاف مني )
عزوز ( ههههاي.. شمسوي ب حبيبتي؟ )
ثامر ( منو حبيبتك ؟ )
عزوز ( اختي فديتها )
ثامر ( امايييييهههه سمعييي عزوز عنده حبيبه )
عزوز يضحك ( ياحيوان اي حبيبه الله يهديك )
امايه - عطنييي ياه وخذت التلفون...
عزوز ( سلام عليج امايه علومج )
امايه ( وعليك السلام وينها حبيبتك هاي )
عزوز ضحك ( امايه والله اقصد شموه )
اماه ( استح ع ويهك تقول عنها حبيبتك اختك هااااااي اختك مو بنت عمك ولا بنت عمتك ي اللي م تستحي ع ويهك )
عزوز ميت ضحك ( عطيني فرصه اتكلم )
امايه ( م هقيتها منك يالله فارج ) وردت التلفون لي وكلهم ميتين ضحك
عزوز ( ياخي فهمي امايه )
شما ( بفهمها ماعليك بسكر الحين وبينا باجر )
عزوز ( يالله تيكير ) وسكر
________________________________
بناتتتتت تولهت عليكم والله 🤍🤍🤍😔...
وخبروني كيف بداية الروايه حلوه ولا؟؟؟؟
