بعد عام كلهم سكنو مع بعض وبيت عموه فطوم وللمره مليون فيصل تقدم ل شما وهي كله ترفض ف تزوج صدف وعلاقتهم حلوه والحين شما تحب اخو غلا اللي هو فهد وصارلهم ثلاث شهور فعلاقه وعلاقتهم يعني نص نص لانه كل يوم تطلع لهم مشكله ويكون السبب فهد بكل مره بس تطوفففف لانها ماتبا تخسره
بيت قوم غلا ف الصاله.
ام غلا - غلا قالت لج سبب جيييتج هني
شما طالعت غلا - لا
ام غلا - زين بقولج الحين .. فهد كلمني وقال انه شاريج ويباج
شما توترت.
ام غلا - صح ولا !
غلا - فهد قالج الكلام هذا صدق؟
ام غلا - هيه المهم اسمحيلي ع الكلام اللي بقوله أنا ماقدر اخذ وحده يتيمه لولدي
غلا - اماااه شو الكلام هذا؟؟؟؟
شما - لا خليها تتكلم وتقول اللي بداخلها
ام غلا - ف انتي عاقله وفاهمه وتدرين شمعنى ماباج حق ولدي ف كوني بنت زينه وطلعي من حياته
شما ابتسمت وقامت - يالله عيل بخليكم
غلا - شما!!
شما - مع السلامه... وطلعت
غلا طالعت امها - الله يهديج ..
وطلعت ورا شما
ام غلا - حووووه غصبببب هو أنا ماباها ولا أدانيها
غلا - شماااااا وقفي انزين بكلمج
شما - م بقى كلام
غلا - وقفيييي انزين بكلمج
شما وقفت - شو!
غلا - لا تهتمين بكلام اماه. لانه قرار فهد ومستحيل يغيره
شما - من جي مو معوره راسي بس ابا اروح اريح
غلا - متاكده !
شما - هيه يالله بروح
غلا - ديري بالج وطمنيني يوم توصلين
شما - ان شاءالله... غلا دخلت وشما كملت وفجاه حد يسحبها صوب الميلس وبغت تصارخ جان هو يمسك حلجها
فهد يبتسم - شفيج خفتي
شما دزته - قوووم عني
فهد - افا تبعديني من حضنج' م تستحين ع ويهج
شما - امك تستحي ع ويهها وهي تقول هالكلام!
فهد - اهدي تراها امي؟
شما - ترضى علي ولا ترضى عليها واو روح روح اركض وراها احسن لك .. بدال تكون ريال وتكون مع الصح ج..
فهد قاطعها - تشوفيني خن**!!!!!!
شما - أنا ماقلت هالكلام اوكيه!
فهد - م قلتي بس تقصدينها!
شما - يوم بقولك بلساني عقب تكلم اوكيه
فهد مسك ايدها - الحين زعلانه بس لانه اماه قالت هالكلام !
شما صدت
فهد - اكلمج انزين جاوبي
شما - مابا اجاوب مب غصب المهم برد البيت والدرب بعد ساعه
فهد - بوصلج
شما - م يحتاي اقد امشي بريولي للحين
فهد - تدرين اني احبج صح!
شما سكتت
فهد - اوعدج م اخذ غيرج
شما - م من الوعود فايده ي فهد .. بروح
فهد - ليش؟ شو تقصدين ب هالكلام !
شما - ماشي سلامتك
فهد - خ اوصلج انزين شوفيج
شما - زين
وطول الدرب وهم ساكتين ووصلو
فهد - شما
شما - لبيه
فهد - احبج
شما تبتسم - اكثر
فهد - ماودي اخليج لحظه
شما - هممم we will see ( بنشوف )
فهد - والله اباج تكوني حرمتي اليوم قبل باججر
شما - باذن الله
فهد - هالبرود اللي فيج تدرين شبسوييي فيه!
شما - شو!
فهد - كم مره قايلج تبينيييي لي حماسج ووناستج
شما - على مهلك طيب
فهد - ههههههههه ياخي بعضج
شما - بخبر عليك
فهد - يالله بس عن حد يشوفج دشي
شما - دير بالك وشوي شوي
فهد - منعيونيي
الصاله
يدوه - الحرمه هذيج شصار عليها
عموه فطوم - اي حرمه!
يدوه - سعاد حرمت المرحوم
عموه فطوم - ام صقر ؟
يدوه - ايوا
عموه فطوم - هذيل ماشاءالله الله يحفظهم وايد زينين وطيبييين
يدوه - خذي التلفون طلعي رقمها
عموه فطوم - شو بتقولين لها
يدوه - بسلم عليها حوووه ليكون حرام بعد
عموه فطوم تضحك - زين اهدي م صار شي. ها اندوج طلعت رقمها
يدوه - دقي
عموه دقت وعطتها
بعد فتره...
شما دخلت سناب وشافت فهد مسكر اللوكيشن وكتبت له
( مقفل اللوكيشن اشوف )
ورد ع طول ( وين! )
شما ( سناب )
فهد ( شو يعني؟ )
شما ( مو من عوايدك!! )
فهد ( الحين بتصير من عوايدي )
شما ( فيك شي؟؟ )
فهد ( أتوقع مايخصج فيني؟ )
شما ( فهد اتصل فيني شوي )
فهد ( قولي اللي تبينه هني )
شما ( متغير وايددد شوف اسلوبك كيف صاير )
فهد ( شو تألفين انتييي مو متغير ولا شي أنا نفس م أنا م تغيرت وانتي تعرفين اني ماحب حد يتدخل بخصوصياتي حتى لو فيني شي م بقولج )
شما ( سيم جيم وعطني من الاخر تحبني ولا ؟ )
فهد ( فكيني من اسئلتج بنام )
شما ( فهد ؟ )
فهد ( بقولج شي. كلنا ندري اني متغير عليج ومو نفس قبل وتدرين امي م تحبج وماتشوفج حرمتي او ام لعيالي وتعرفت ع بنت خالتي وحبيتها وصرت اشوفها ام لعيالي ومابا غيرها. انتي وحده والنعم فيج والف من يتمناج بس أنا مابا غيرها وآسف لو جرحتج بكلامي بس أنا صريح بعطيج بلوك من كل مكان واتمنى م تينييي يعني لانه صاينها ومابي اكلم حد غيرها )
شما ( اوكيه الله يحفظك ) وبلكته.
بعد فتره.. شما طرشت له شي ف واتس وعقب حذفته. وفهد رد عليها بعد ساعتين وقالها شتبين وشما بلكته
ودخلت عليها عموه فطوم - شتسوين
شما - ماشي كنت بنام
عموه فطوم - ليش تنامين. نزلي تحت كلهم موجودين
شما - تعبانه عموه
عموه فطوم - سلامتج من كل شر
شما - الله يسلمج.
عموه فطوم - تجهزي باجر بنروح بوظبي
شما - ليش
عموه فطوم - وحده عازمتنا
شما - زين
ف الصاله.
شذى - وينها شما خ تتجهز معانا مره وحده
عموه فطوم - نامت
أميره ب استغراب - ليش!
عموه فطوم - تعبانه
أميره قامت
يدوه - وين رايحه
اميره - بروح أشوفها
يدوه - زين واذا تبا تاكل شي خبري كوماري ( العامله ) تعطيها
اميره - ان شاءالله. وراحت
قصايد - احس شما فيها شي
عموه فطوم - مثل شو
قصايد - ماعرف يمكن مشتاقه حق عموه وعمي الله يرحمهم
عموه فطوم - يمكن
الشباب دخلو - سلام عليكم
الكل - وعليكم السلام
يدوه - وين كنتو
مشاري - نتحوط
يدوه - كلكم ومره وحده؟
سعد - يعني لازم كل واحد يطلع روحه؟
يدوه - حشى م قلت شي
عزوز تم يطالع ويدور حد - يدوووه
يدوه - هلا
عزوز - وينها شما وأميره م اشوفهم
يدوه - شما ف غرفتها تعبانه وأميره راحت لها
عزوز - شوفيها تعبانه؟
يدوه - مادريبها.. أنا كم مره قايلتلكم انته وزايد تروحون لها وتكلمونها وتطلعونها تستانس؟
عزوز - والله اني دوم اقولها نطلع بس هي م تبا
يدوه - غصب طلعها
عزوز - ان شاءالله
يدوه - وانته شو عذرك
زايد - تدرين كله مداوم بس اليوم اجازه
يدوه - عيل م بتي باجر بوظبي
زايد - عند منو؟
يدوه - ام صقر
زايد - منو؟
يدوه - ابو صقر كان ربيع يدك الله يرحمهم
زايد - امين. ماعرفهم والله
يدوه - الحرمه عازمتنا عيب ترا
زايد - إن شاء الله يدو إذا قدرت بي معاكم
ف غرفة شما
أميره - من شو تعبانه!
شما - من الدوره
اميره - متى يتج؟
شما - الصبح
أميره - ماكله شي؟
شما - لا مو مشتهيه اكل شي
اميره - مايصير جي بروح اييبلج شي تأكلينه وتشربينه.. وراحت عزوز دخل - هلا ب حبيبتي عزيزة قلبييي
شما ابتسمت - عيوني وروحي
عزوز - هلا بكونيييي ودنياي وكلييي
شما - تعااااال احضنككك
عزوز قعد - حضنيني
شما حضنته - اشتقت لك ي الحلو
عزوز - والله وانا اكثر اسمحيلي ماقدرت اتم وياج هالفتره بس اوعدج اني اعوضج ويالله خبريني شحقه تنامين
شما - الواحد م ينام
عزوز - لا
شما - زين
عزوز - فيج شي امي!
شما - لا
عزوز - متاكده !
شما سكتت
عزوز - شمووهه!
شما بدت تصيح
عزوز - شموووههه ماما شوفيج
شما حطت ايدينها ع ويههااا وتمت تصيح وتصيح
عزوز شل ايدها - يووه اتحراج قويهههه وانتي حتى تصيحين بدون سبب ههههههههاي بخبر عليج
شما تبتسم
عزوز - منو سبب هالدموع؟
شما نزلت راسها
عزوز - طالعيني وخبريني شوفيج
شما - ماشي بس اشتقت لك
عزوز - انتي تصيحين عشاني!؟؟ م اصدق الصراحه
شما - يالله بنام
عزوز - مافي نوم
شما - ليش ان شاءالله.
أميره دخلت ومعاها اكل
شما - ياخي اميره قتلج مو مشتهيه اكللل
اميره - مايخصني ان م كلتي بزعل
شما تغمز ل عزوز انه هو ياكل
عزوز - هاااا هاااا اميروووه تشوفينها كيف تغمز لي
اميره - اعرف حركاتها ماعليك .. فتحي حلجج يالله بأكلج
شما - حوووه مو ياهل
أميره - فتحي
عزوز - سمعي الكلام يالله لا تخليني اعصب عليج
شما فتحت حلجها واكلتها
أميره - شطوره
زايد دخل - عشتووو شو هالقعده الرومانسيه بدوني
شما قامت
زايد - يلسي يلسي
شما - قمت رغم اني زعلانه منك
زايد حضنها - وليش الحلوه زعلانه مني
شما - تعرف شو مسوي
زايد - حبيبي والله دوام لو اني فاضي عيوني لج
شما - شو قلت توك
زايد - حبيبي والله دوام لو اني فاضي عيوني لج
شما - لا اول كلمه!
زايد - حبيبي
شما - ها حبيبتي
زايد طلع عيونه - نعمممممم؟؟؟
شما - لا تقول حبيبي لاني بنتتتت وماحب واذا قتلي حبيبي بقولك حبيبتي
زايد يبتسم - لا والله
شما - هيييييه
عزوز - شدعوه نستني ب هالسرعه وباعتني
اميره - قعدووو. وقعدو كلهم
شما - ياخي احبكم. الله يحفظكم لي ويطول بأعماركم يارب
الكل - امين
وخلصناااا اليوم
