انا ما زلت افكر فيك واموت بحبك وطاريك
ولكن هذي اطباعي اخبي الحزن بي ما اقول .
....................
li's beginnin'
ملاحظه :- جميع القضايا والجرائم من خيالي ياحلوين لا تصدقون اي شي او تتحمسون اك؟
......،......
براغ ، الساعه 8:30 صباحاً
دخل ادهم القسم وناظر الموجودين وتنهد لما لمح مُهيب جالس يفطر مع جون ويسولف معه
قرب منهم وناظر جون :- اشوفك صرت تمون مع المجرمين ؟
شهق مُهيب بتمثيل وناظر ادهم :- اتمنى ما اكون من ضمن المجرمين لاني ابي اكون مجرمك انت بس
ضحك جون وسكت لما التفت له ادهم وتنحنح :- الرئيس طلب اعطيه اكل واظل عنده
همهم ادهم وناظر مُهيب بطرف عينه :- ايه احرسه بس لا تطق حنك معه
التفت ادهم وتوجه لمكتبه المقارب لمكتب مشعل وناظره :- وش الجديد ؟
تنهد مشعل وفرك جبينه :- مافيه جديد ذا مو راضي يتجاوب معنا
همهم ادهم وناظر مُهيب بتركيز وهو يفكر شعره اسود ومرجعه لورا ودقنه المرتب وملامحه الحاده اللي مخربها استهباله
تنهد وناظر يده وانتبه انه ماسك كوب زجاج يشرب منه حليب
توسعت ابتسامته والتفت بسرعه لما ناظره مُهيب وسمعه يضحك بس تجاهله
و وقف متوجه لجون وناظره :- خلاص وده يجلس عند مكتب الرئيس
ناظره جون والتفت لمُهيب اللي للحين ياكل :- بس ما شبع للحين دهوم ؟
ناظره ادهم ورفع حاجبه بينما جون وقف وهو يتنهد واشر لمُهيب يوقف معه
وفعلا وقف المُهيب وبيده كوبه اللي ما خلصه بس التفت لادهم اللي اخذه منه :- خلصت اكل و شربت صح مهيب ؟
ابتسم مُهيب وهز راسه :- مُهيب يا ادهم
تجاهله ادهم وهو يمشي لجود ويرمي الكوب بحضنها وهمس لها وهو ينزل راسه كانه يناظر شاشة كمبيوترها :- سوي تحليل
سحبت منديل جود ومسكت الكوب وهمست لادهم :- هذا دليل غير قانوني ؟
ناظرها ادهم وابتسم :- احنا القانون ياجود يلا استعجلي
وقفت جود وهي تسب فيه و توجهت للمختبر اللي بالجهة الثانيه من المكتب
تنحنح ادهم واعتدل بوقفته والتقت عيونه بعيون مُهيب المبتسم
كشر ادهم وصد عنه وهو يرجع يجلس بمكتبه ويشغل كمبيوتره ويرجع يقرا الملفين للقضيتين اللي مستلمهم للمره المليون
