لا تسرق النظر ما عادت الديار ديارك .
_أدعج .
...................
lt's beginnin'
......،......
الماضي
فلاش باك قبل 18 سنه
بعمر 16 وبعد اربع ايام من الحادثة الاغتصاب
كان منسدح بسريره بالمستشفى ويناظر الجدار ومحتضن المخده لصدره
معطي اللي بالسرير الاخر ظهره وغارق بتفكيره
مرت دقايق وسمع حركه والتفت لما سمع كحة طفل يناظره
جالس وبيده مغذي ويناظر الباب قبل ما يوقف ويشيل ابرة المغذي ويتوجه له
عقد حواجبه وجلس يناظر ابو عشر سنوات واقف ويتسمع للكلام
التفت للكرسي المتحرك اللي جنبه وسحبه قبل ما يرفع نفسه ويجلس
ويدفه مقرب من الطفل بس وقف لما سمع الكلام الشرطي اللي برا :- اقولك ابوه باعه والطفل يفكر ابوه بيوديه لمدرسه داخليه عشان كذا ماخذ شنطته واغراضه
التفت للطفل اللي يبكي بصمت ويسمع :- ايه لما قتلت ابوه ما كان يعرف وحاول يصوب علي بس المسدس ثقيل عليه والرصاصه صارت بكتفي بدال راسي
تنهد ورجع بكرسيه لمكان سريره ورفع نفسه وانسدح على جنبه يناظر الطفل اللي بدوره رجع لمكانه وانسدح وهو يبكي
التقت عيونهم عيون حاده سودا حاقده وعيون واسعه بنيه باكيه
تنهد وهو يحس بتقارب بينهم نفس الحادثه بس الفرق الوحيد ان احدهم نجى
تنحنح وفتح يدينه وهو يناظره قبل ما يتكلم بصوت مبحوح حاد :- تعال هني
ناظره الطفل بخوف وتلفت بتوتر من شكله كان منسدح على جنبه ونص جسمه ملفوف بشاش ابيض وشعره محلق ورجله مكسوره
انتفض لما سمعه يكرر كلمته و وقف وهو يقرب لسرير وناظره
اشر له بعيونه ينسدح جنبه وفعلا انسدح وهو يناظره بتوتر
رفع راس الطفل وهو يحط ذراعه تحته وتنهد :- لا تبكي الابطال والشجعان ما يبكون
نزل عيونه يناظر عيون الطفل والدموع المتجمعه فيها :- محد يبكي الا الضعيف وانت رجال صح والرجال ما يبكي تفهمني ؟
هز راسه الطفل بخوف وناظر الغطاء اللي صار عليه
تنهد وناظر السقف وهو يهمس :- ارنب وابوك رماك بشبك اسود بس هربت
نزل راسه وناظر عيونه اللي بدت تغمض ومد يده يمسح الدموع اللي نزلت :- وانا ذيب ابوه شّيب و ترك السباع تاكل ولده
