𝑂𝑛𝑐𝑒 𝑢𝑝𝑜𝑛 𝑎 𝑡𝑖𝑚𝑒✔︎

-afterword-

Present

" එයාලා හරි පව් නේද අක්කි? "

පොඩි කොල්ලා ඇහුවේ එයාගෙ එහාපැත්තේ නිම පෙරලිලා ඉන්න එයාගෙ අක්කාගෙන්.

" ඒක තමයි පැටියො.. මටත් හරි දුකයි එයාලා ගැන. "

අනිත් පොඩි කෙල්ල කිව්වා.

" අක්කෙ මේ.. ඇයි මේ මෙතනින් පස්සේ අත් අකුරු වෙනස්? "

පොඩි කොල්ලා ඇහුවේ ඩයරි එකේ පෙරලලා තිබ්බ පිටු දෙකේ වෙනස් අත් අකුරු ව‍ර්ග දෙකක් තියෙන විදිහ දැකලා.

" ඉන්න බලන්න මල්ලි.. "

පොඩි කොල්ලාගෙ අක්කා, ආපහු පොතට එබුනා.

" එදා ජන්කුක්ව ජර්මන් හමුදාවට අහු උනා. ජන්කුක් දිවිනසාගත්තා. සමහර විට ඒ ටේහ්‍යුන් ගැන හිතලාද දන්නෙ නෑ. ඒත් ඒකෙන් උනේ ටේහ්‍යුන් පිස්සු හැදිලා වගේ එතන හිටිය හැම සෙබලෙක්ටම වෙඩි තියපු එක.

මම ඔයාට පොරොන්දු වෙනවා මගේ පුංචි ඒන්ජල්..
මම අපේ අවසානය සතුටුදායක කරනවාමයි!

මතකයි තවමත් අද වගේ
තුරුල් කරන් මේ පපුවට උබව..
මම කිව්වා මගේම හිත හදාන්..

ඒත් මට සමාවෙයන් ඒන්ජල්..
උබේ ජීවිතය බේරගන්න බැරි උන මං
උබේ පස්සෙන්ම එනවා
ඊලග ආත්මයේදිත් උබවම පතාං..

එදාට මම අපේ අවසානය සතුටුදායක කරන්නම්!
මේ ඇත්තමයි..

වර්ශ 1938 මාර්තු මස 22 වන දින ජර්මන් ගුවන්හමුදාපති ටේහ්‍යුන් කිම්, තම රුසියන් ජාතික පෙම්වතාගේ මරණයත් සමගම තම ගිනි අවියෙන්ම තම හිසට වෙඩි තබාගෙන සියදිවි නසාගැනීමට පෙර පැවසූ අවසන් වදන් එසේ විය.

ටේහ්‍යුන්ගේ පණ නැති සිරුර නැව් තට්ටුව මතට කඩා වැටුනා. හිස්කබල සිදුරු කරන් ටේහ්‍යුන්ගේ මොලේ ඇතුලටම කිදාබැස්ස වෙඩි උණ්ඩය නිසා ටේහ්‍යුන්ගේ ඔලුවෙන් තවමත් උණු ලේ ගලාගෙන යනවා.

ටේහ්‍යුන්ගේ මළකඳේ ඇස් තවමත් හැරවිලා තිබ්බේ ජන්කුක් මුහුදට පැන්න තැනට.

එතන හිටිය හැම මගියෙක්ම ඕන තැනක දිවුරලා කියයි එයාලගේ ගුවන් හමුදාපති තුමා මැරුණත් එයාගෙ ඇස් වලින් විනාඩි ගානක් යනකන්ම එයාගෙ පෙම්වතාගෙ මරණයේ ශෝකයට උණු කදුලු ගලාගෙන ගියා කියලා!