سَلاسِل الضَبع

الـسـلـسـلـة الـثـامـنـة 🦅

بقلم _ الكاتبة بدور 💗

سَلاسِل _ الضَبع 🔥

الرجاء التصويت والتعليق بين الفقرات
💔

"" "" "" "" "" "" "" "" "" "" ""
مَـا جاي انامٰ وگلبي تَعبان
وزَعلان احِس من كُلشي زعلان
تُطفه الشموع ودمَعي سَهران
ومَيت أَحِس والليَل دفانِ.

""""""""""""""""""""""""""""
صدر صوت من وراي
درت جسمي بعد ماسمعته كال
:-شنو اسوي هنا ؟؟

طلعت باج مزور من شافني صار يعتذر
عدة  مرات
عفته وطلعت من المكان بعد ماهددته اذا حجه
او كال ان هوو شافني
صعدت بالسيارة موتهم قرب
اتجهت للنجف
طبگت سيارتي بعد مدة الطريق
يم المگبرة صرت امشي متناسي اني وين
وبيا وگت اني موجود ومتجاهل الماكن
وصلت يم گبره رگعت بعد ماحاولت اگذب
واكول هوو لساته  مامات
ايي مات اخوي مات صرت اردد واني امسح التراب بهدوء حسيت عله كلام مو مفهوم
رفعت راسي بعد  ماجنت منسدح وحاضن گبر هاشم
گمت وگفت عله طولي اباوع عله المكان
اتجهت عله مصدر الصوت
شفت
مرة ماضاهر منها شي كلها عباره عن سواد  وتحجي شيي غريب يم گبر
كلامها ابد مو مفهوم
صرت اتقرب شوي شوي
لحد ماصار يفصلني عنها متر
كلامها غريب ماله أي لغة اتضح الي ان
هيي داسوي سحر
والله يعين الي راح يصير اله هذه السحر
كلامها بحرگه من تحجي
صرت ارجع لمكاني متجاهل
الي صار هسه هذه كله
رجعت لوضعيتي انسدحت
واني گلبي يرجف صار شريط يناعد براسي شلون
اندفن ونزلت التراب عليه اني نزلته بيدي
بسته اخر بوسه واخر شمه ياريت ميت ولا منزلك بين اديه افتهم افتهمممممم
موتتتك
صعبببب فگرة ان اني بعد  ماكمل حياتي بدونك صعبهههههههه
صرت
احجي واضرب عله الگبر
انحضنت
من ورة واسمع شهكاته صرت احجي واني
متهدم وضعييي ماتمناه لأحد
مُتيم :- مااات آرون اخوييي مات صاحبي وسند روحي مات تعرف اني اسمي ضلعي
والگلب والرئة بدون الضلوع شنو تسوه تتدمر عله اقل شغله اصير الها
هيي جانت تتوقع ان اكو من الي راح يحميها بس من انفقد
الضلع هاهي صارت تخاف وتحاول هيي تحمي نفسها بعد ماجانت الامان والراحه محاوطتها
انه هذه حالي
ويه هاشم اني متتت بدون مبالغه هذه الواقع اني فگرة موته ابد مامتقبلها ولا اريد اتقبلها

انداريت عليه واني احجي احاول اگضي الوگت بدون مافكر ان هو هايه
مُتيم:-شوو تبجي شبيك؟
احجي شبيك واني اعرف انتَ شبيك
اخخخ بس اخخخخخخخ

صرت اضرب بقوه عله گلبي

اجو الولد الباقين
وصارو يحاولون يسكتوني واني متجاهل الكل واني ادور عله وجهة من بينهم
نزلت راسي بأحباط بعد ماعرفت هوو ماكو وياهم كمت وصرت امشي وحجيهم
وراي صعدت بالسيارة
اسوق بلا واهس اني طافي روحي طفت
طلعت من المگبرة
وصرت امشي بلا ملجأ
قادتني السيارة
للامام علي (ع) فتت من بعد التفتيش
وصلت لشباگه
جلبت بيي بقوة والشهكه صارت تطلع اييي بجيت وانهاريت  هنااك
عافوني ماحاولو ان يساعدوني من شافو حالتي هيج
ابتعدت واني اسحل بروحي
گعدت عله صفحه واني ساند راسي عله اديه
اسمع صوت العالم الي تدعي والي تتوسل بي والي تبجي والي
تنخاة
فاصلل اني فاصلل
ماعرف شنوو وشكو حته
هاشم اختفه من تفكيري
ابجي بس ماعرف عله شنو ابجي
جسمي يختض من القهر