في بحر عينيك هامت كُلُّ أشواقي
ياربـة الحسن هل تنوين إغراقي.؟
ما كـنت أؤمن بالـعيون وفعلها
حتى دهتني في الهوى عيناكِ
عيناك بحر تاهت به سفني
وتزعزت به نبضات قلبي وأنفاسي
أنا الذي لا يهزني برق ولا رعد
أعينين متلألئة تهزم ثباتي؟
_____________________________________
قامت تناظر حولها بخمول تاملت غرفتها والفوضه يلي سببته البارحه المرسم وأقلامها والرسومات لفة تتامل شروق الشمس وحديقتها والورد ميلت شفايفها بعبوس توجهت تناظر الورد الذابل ميلت راسها :.مره ثانيه ذبلتي ليه تذبلين يكفي ذبولي
ريف:.ذبل الورد؟
التفتت ورد وقالت بعبوس:.ما أعرف ليه يموت بسرعه أفكر أغير المشتل اللي اخذ منهم شتلات
ريف:.خلي عنك الورد هذا بس بيعدم يدينك عزيز جاي اتهجزي تاخرنا عليهم
وقفت واخذت نفس:. اخذ شاور واجيك
ريف:.دام فيها شاور
ورد ابتسمت:.لا وعد
هزت راسها وخرجت ريف من الغرفه وقفلت باب شباكها ورد ومشت للحمام
أمتع أوقتها فتحت الرفوف تطلع منهم العلب وتختار
منهم ريحه سكرب وزيت لوشن لاستحمامها وبدت تعبي البانيو وتنثر فيه الصابون المعطر وفتحت العلبه الصغيره تنثر قطع الورد بالبانيو وأبتسمت تحب ريحة الورد وتحب جسمها يكون معطّر بالورد مايكفي يكون إسمها بس ورد ودها تعيش إسمها غادرت الشاور بعدما انتهت ولبست روبها وخرجت للغرفه تشوف ترطيب جسمها وريحته ولمعته وجلست على التسريحه واخذت من تولات المسك والورد تحطها علي أماكن النبض
وفتحت الروب تلبس ملابسها وتنشف شعرها وتركته براحه بعدما مشتطتها
؛
(بيت عناد)
دخل بعد الصلاة:.السلام عليكم يا أهل البيت وينكم؟
طلعت شِمال من المطبخ مبتسمه:.وعليكم السلام حياك
دخل عناد وضحك:.الله الله ياهلا ومسهلا بناتي
قمر:.الله يبقيك عمي عناد أخبارك
عناد:.نحمد ونشكر امورنا زينه وين ابوتس؟
حنين:.بالدكه مع جدي وجدتي يحاول يهديهم
شِمال:.قبل شوي رجع فارس من عندهم والله جدي وجدتي من البارحه يحترونهم كل واحد يقول حفيدي يوصل قبل وللان ماوصلو ولا واحد
حنين:.لو عطونا ربع من حظ ورد وذياب كانت الدنيا بخير وشذا جدي يحتري ذياب وجدتي تحتري ورد وحنا لنا الله
عناد:.وش هالكلام اكيد يحبون الكل بس ورد وذياب عشانهم عايشين بي الغربه
قمر:.ماله دخل ابد يعني ياعمي حتا هايف وعزوز مغتربين بس مايحترونهم مثلهم
وسن :.بناتتتتتتت
عناد:.علامتس يابنت فياض ما تتعلمين الركاده!
وسن بي وهقه:.اوه عمي عناد؟ ابوي وعمي يبونك
قام عناد يطلع والتفت يسال:.شِمال ورد ماكلمتيها
فارس من المطبخ:.جايه ربع ساعه وتكون هنا
ريهام:.هالبنت تستهبل علينا من البارحه
شِمال بتغير للموضع:.يمه عذابي حاكك؟
ريهام:.وليه يحاكيني عذابي علامه
شِمال:.يمه ما تدرين عذابي راد اليوم
ريهام بفرحه:.أسالك بالله عذابي راجع من الكويت
عناد:.ايه راجع المفروض الحين بالبيت
ريهام:.وليه أنا ما أعرف بي جيته
دخل عذابي مبتسم:.هرمون السعاده وصل
فارس:.الطيب عند ذكره يامرحبا الساع ارحب
ريهام:.ياهلا ومرحبا يا أمي وعيوني ارحب
دخلتورد بعد غيبه طويله رجعت لهم من بيت أمها تبسمت تشوفهم متجمعين :.وصلت وردتكم
ركضت شِمال تحضنها:.وردتي أشتقتتتتت
ورد:.وانا اكثر ياقلبي
فارس:.يامرحبا تراحيب المطر ياهلا بالورد
عناد اخذها من فارس يدخلها تحت جناحه:.إرحبي
عذابي:.افاا مسرع نسيتو عذابي
ورد:.ياخي توك قبل امس سافرت واليوم راجع
نزلت ورد عبايتها دخلت الصاله وأستقبلوها البنات بصرخ وأحضان والفرح وقضو وقتهم بالسوليف
قمر:.تاخرنا على أمي ماجهزنا الفطور!
حنين:. وصل عزوز هيا قمر عجلي قبل لا يذبحونا
وسن:.عادي نتساعد كلنا ويجهز بسرعه
شِمال:.أمي سبقتنا هيا حتا أنا بجي معاكم
ورد:.طلعوني منها مافيني حيل ابد نعسانه بنام المساء اجي اطب عندكم الحين دايخه من النوم
قمر:.بس لانه توك جايه ولا كان شلتس من شوشتس
وسن:.بدون فطور تنامين ورد؟
ورد:.أكلت بالطريق بعدين لاتنسين جلالتس ترا العيال موجدين براء كلهم مرسبنين عند جدتي وجدي بغيت أسلم عليهم ماقدرت بلغيهم اول ما اقوم اجي أسلم الحين مافيني
YOU ARE READING
عيونكِ حكاية حُب وأنا بك حكيت
Romance.. في بحر عينيك هامت كُلُّ أشواقي ياربـة الحسن هل تنوين إغراقي.؟ ما كـنت أؤمن بالـعيون وفعلها حتى دهتني في الهوى عيناكِ عيناك بحر تاهت به سفني وتزعزت به نبضات قلبي وأنفاسي أنا الذي لا يهزني برق ولا رعد أعينين متلألئة تهزم ثباتي؟؟ ذياب/ورد ال...
