لا أبتسمتي في مطاليع الصبَاح
واللَّه إن الشمس تشرق مرتين...
_________________________________________
مع بدايت الشروق والغيوم المتركمه طلة الشمس تبان نورها ينعكس علي ناعس عيونه وعتمة أهدابه جلس ساهي يفكر بي أيامه الجايه وسنينه رفع راسه يشوف خروج هايف شايل بين إيدينه أكواب وعلى وجه أبتسامه هايف ركب السيارة ومد كوب الشاي ورجع يشغل الراديو أبتداء صباحه مع أغنية محمد عبده وبداء يدندن (ردي سلامي)
حبيبتي
ردي سلامي للهوى... عذب السلام
وأغلى الأماني وللأمل... كلمة ملام
قولي له إني ماهقيت...
إني اللي نحت وشكيت ..
ترجع ليالينا سوى شوق وغرام..
رفع عينه يناظر هايف:.ورع تسمع ابو نوره
بوجه الصباح صاحي؟
ضحك هايف:.سمعته وأنا أمّر وجات بخاطري اسمعها
صد يحك شاربه وحرك السياره يسّلك الدرب ذياب:.بلغ أبوك نختفي حنا بعدها قفل
هايف:.تم ماعليك
سكت ذياب يسمع رنين جواله ورد بهدوء:.هلا ؟
جاء الرد من للطرف الاخر:.معاك العميد طلال
ذياب:.هلا طلال أرحببب
طلال:.البقى ذياب نداء الواجب يالذيب
ذياب:.نلبئ النداء اكيد سم؟
طلال:.سم الله عدوك توى أستلم الملف مهمة مشتركة أشتد الوضع هنا ولازم أخلاء المخيم الطبي يعني فيه أستلام
ذياب:.متئ يتم الاستلام؟
طلال:.رسلت لك للموقع حلها يالذيب
مرت دقائق طويله وذياب يسوق للموقع بنفس الوقت ماوقف جواله أتصال وراء أتصال كذالك هايف بعد نفس الوضع تنهد يناظر هايف وتركيزه بشغله
هايف:.حاكيت المركز الفريق الطبي وصل الموقع؟
ذياب اخذ جواله:.تواصلت معهم قالو يجهزون الطاقم الطبي وأخر المستجدات الوضع متدهور والفريق الطبى امدها توصل الحين
هايف:.الله يستر ويلطف بحالهم
طلال:.الملازم يبطي ولا هو معاك؟
هايف:.معه سم؟
طلال:قرات الملف ال صقار لهم يد بالموضوع
ذياب:.هاذا يلي ابيه أنا ابن ستين كلب لعب كثير نهايته بيدي هايف اسمع أبيك تخترق قاعدة بيانات الـ صّقار وتجيب لي كل أوراق ومستندات لهم
هايف:.ابشر بي
طلال:.لاتبطون
ذياب ببرود :.قربنا نوصل كيف الوضع عندك.؟
التفت يشوف الخيام وركض ألاطباء والمسعفين والجراح والعساكر وجهودهم والهجوم المستمر:.نحاول نسيطر ع الوضع
ذياب:.وصلت المستشفى دقائق وارجع أدق
طلال:.أستنفار تدري ايش يعني أستنفار ذياب؟
ذياب:.على ذا الخشم
طلال:.عليه شحم
هايف:.تم عملية الاخلاء وبعدها
ذياب بجديها وصرامه:.الليله هايف ابي كل معلومته!
'
(بيت عناد)
قامت من صوت طرقات الباب تذمرت بنعاس :.وكسر إن شاء الله خيررر
دخلت جميله:.يالله صباح خير صاحيه منفسه
ورد :.عميمه بالله فيه احد يصحي البني آدمي كذا
جميله توجهت للشباك تفتحه تناظر الخلاء بالحديقه بعدما كان مزهر بي أنواع الورود الي تفتح النفس الحين ذابله! ميلت راسها تسال بفضول :.ماتحسين فيه شئ ناقص في هاذا المكان
ورد طلعت بعدما بدلت تتعطر:.صدك وشو؟
جميله تبسمت:.خواتس
ورد:.مافضيت أمّر المشتل شفت مشتل قريب يعتبر حلو أجرب ونشوف أذا عجبني بثبت عليه
دخلت قمر مبتسمه:.ورد وينتس؟
ورد: يلا جايه جايه جدي موجود
جميله نزلت من السلالم:.موجود بالبيت
قمر:.بالمركئ كلنا هناك
الهنوف:.يهلاّ إتسع صدر المكان وزاد فيك رحبه
عايض:.هلاْ يالعيون السود هلابك
ورد:.اهلين يابعد ورد وأهلها
حنين:.جدي طلبتك قول تم؟
عايض:.مالك لوء يابنت راجح
حنين:.شدعوه ما سمعت وش ودي
ورد:.بنروح الخيام لوحدنا البنات تكفي لاتردني
وسن بعبوس:.تكفى تهز الرجال ياجدي
شِمال:.افاا جدي ترد "ورد" وين حق العيون السود؟
ريف:.بروح معهم بليززز
ريهام بسخريه:.أنتي بالذات اخاف عليهم منك
نعمه:.غاسله يدي من كلمة بليززز
الهنوف:.حق العيون السود السمع والطاعه ولا أختلفنا بعد هالعمر يا عايض
عايض:.حاشا محشومه يالهنوف!
الهنوف:.هين يلا يابنات روحو من بدري ولا تتاخرون واجد سامعين؟
ورد باست جدتها:.أطلق جدة ياشيخه أحبك
دخل سعود :. اوفف ورد مزعج جوالتس
ورد:.مين اللي يتصل
سعود:.مكتوب نادين
ناظرت ملامح جدها اللي تعبر عن أنزعاجه وغضبه
قامت من عندهم ترجع لغرفتها ..
YOU ARE READING
عيونكِ حكاية حُب وأنا بك حكيت
Romance.. في بحر عينيك هامت كُلُّ أشواقي ياربـة الحسن هل تنوين إغراقي.؟ ما كـنت أؤمن بالـعيون وفعلها حتى دهتني في الهوى عيناكِ عيناك بحر تاهت به سفني وتزعزت به نبضات قلبي وأنفاسي أنا الذي لا يهزني برق ولا رعد أعينين متلألئة تهزم ثباتي؟؟ ذياب/ورد ال...
