" يلوموني بحبه وهم ما شافو ضحكته ❤️‍🩹"

البآرت الثالث :-

عيونك آخر آمالي وليلي أطول من اليم
كيف ألقى كلامٍ عذب يوصف دافي إحساسي ...
-
-
-
-
-
> مكتب معيظ :-
-
لو كانت النظرات تحرق لكانت حرقت مفلح ، كان جالس قدامهم بكل برود للأسف ولا كأنه مسوي شي ، كان بروده سبب غضب غيث وإخوانه عليه ، رفع انظاره لساعته ونطق بهدوء :- أستأذنكم انا موعد نومي ..
تعالت ضحكات غيث بسخرية وعصبية ينطق :- شلون تتهنى بنومك وولدك ما يذوق طعم النوم ، شلون يغفى لك جفن وهو يعاني بسببك
التفت مفلح لمساعد ثم راجح وفهد ونطق بنفس برودة :- وش الي يريحك يا ولد ابوي ؟ تبيني أسلم نفسي عشان ترتاحون ؟
ضرب راجح الطاولة بيده بكل غضب :- انت وش نوعك من البشر بفهم ، ما يهمك احد ما تشوف احد غير نفسك ، بنتي بسبتك يجيها تهديدات ! يبونها تنشر وصخك وهي رافضة ، يبونها تطلع كل فضايحك للإعلام والعالم والبشر يشوفون عايلة الهاشم وش تسوي وكله بسببك ، سمعتنا بتصير بالارضي من وراك ما تفهم انت ما تحس ؟
ليكمل غيث بغضب :- انت تدري فيصل بسلم نفسه ؟ تدري انه بشيل كل شي عنك وانت هنا ماكل هم موعد نومتك ؟
التفت مفلح لغيث وكانت علامات الصدمة واضحة على وجهه وكذلك الباقي وأكثرهم مساعد !
وقف مفلح بتوتر واضح :- ما رح تسمح له صحيح ؟ اذا فيصل سلّم نفسه ما بيسمحون له يعيش تدري ؟ كل شي بروح بعدين ، كل سنين تعبي بتروح غيث !!
رفع غيث يده وكان ناوي على ضرب مفلح لولا يد ابوه الي انمدت بسرعة تمنعه ، وقفوا الكل وعمت لحظة صمت بينهم ليقطعها مساعد :- وش الي تقوله غيث ؟ وش دخل فيصل بمصايب ابوه
رفع غيث يده يمسح على وجهه والتفت لهم ينطق :- فيصل للأسف متورط بأعمال هالخسيس ، هو الي كان يضبط له اوراقه عشان تطلع قانونية ، وكله عشان يوافق انه يتزوج نور
التفت مساعد لمفلح بصدمة :- صادق باللي يقوله ؟
صد مفلح ونطق فهد بغضب :- حسبي الله عليك من رجال خسيس نذل ! انا بفهم انت شلون من هالعايلة ؟ شلون عقلك يشتغل ؟ تورط ولدك بمخدرات وغسيل أموال وكل ما عندك من نجاسة ؟ شلون يهون عليك بفهم انا
راجح بغضب واضح :- اسمعني يا مفلح بنتي لو يصير عليها شي بسبتك والله ما يفكك من يدي بشر ، ما يهمني يقولون ذبح الأخ اخوه ، اذبحك واشرب من دمك تسمعني ولا لا
رمى عليه جملته ليخرج من المكتب يحمل غضبه معه ليكمل فهد :- تدري انهم بلندن يحاولون يتواصلون معاي صحيح ، تدري يا مفلح اكيد ، وتدري بعد وش رديت عليهم ووش سويت بهم وما يهمني اخو زوجتي أنهيك مثل ما أنهيت الباقي ولا يهمني احد وهالكلام قدامك يا عمي اقوله ، اذا صار شي لعيالي بسببه ما يهمني ، ارميه بالسجن ولا اسأل
ليخرج هو الآخر تارك مساعد بصمته وصدمته أمام اخوه وغيث بغضبه ومعيظ بكسرته ، ليقول مساعد بضيق :- مو كافي هالسنين الي راحت بسبب حقدك وكرهك ؟ مو كافي سواتك فيني تشرط علي ما اشوف بنتي بزواجها واكون معاها ، تورط ولدك بعد ، ليه هالكره كله لأني خطبت أنوار ؟ لأني تزوجت أنوار يا مفلح ؟ ثلاثين سنة راحت من عمرنا ، ثلاثين سنة مو قادر تستوعب إنها رفضتك وإنها ما تبيك !؟ ما تركت مصيبة ما سويتها ولا فعل مشين ما رميت نفسك داخله ولا كارثة ما حلت علينا بسبتك وكل هالشي لأنها قالت لك لا وتزوجتني ! ايلاف وفارس ما فرحتهم ببعض عيشتهم الضيم بفعلتك ، تركته يخطبها وتالي تقوله يطلق وش السبب كذا عقلك يبي كذا ، فيصل يبي يخطب نور رافض ، ليه يا مفلح ترفض العيال يتزوجون عقلك يشتهي كذا ، عقلك المريض وانا اخوك ما يتحمل يشوف الفرحة والحب ، ما يتحمل يشوف الناس فرحانة ومستانسة بحياتها ، زوجتك عمرها راح بجنبك رحت خطبت اخت أنوار ويليتك صنتها ولا احترمتها ، وش باقي ما سويت من مصايب يا مفلح وش باقي بتسوي ؟ حسبي الله ونعم الوكيل بس وش اقولك يخوي اكثر !!!
كانت هذه لحظة انفجار مساعد بأخوه ليسحب نفسه بخذلان واضح يتركهم ويخرج من المكتب يتوجه للحديقة يختلي بنفسه فقد فاض القلب وما عاد باقي عنده قدرة يشوف احد ..
وقف معيظ يحمل عصاته وتقابلت عيونه بعيون مفلح ، كان بيتكلم لكنه بعد مساعد ما بقى شي يقوله ، خرج من مكتبه يتوجه لغرفته تارك غيث بمواجهة مفلح الي اقترب منه بكل هدوء عكس براكين الغضب الي داخله :- ثلاث سنين يا مفلح ، ثلاث سنين مرت على الحادث للحين ما نسيته ، لكن والله ما انساه لك ، وظيفتي راحت ، زوجتي راحت حتى خوي راح وكله من تحت راسك ، واليوم الي أمسك فيه دليل ما رح يردني عنك شي ، لا عيلة ولا أبو ولا بشر ، بيديني ذولي باخذ حقي تسمعني ولا لا ...
خرج غيث لوجهته الغير معروفة تارك مفلح وحيد بمكتب ابوهم ، التفت حوله ورفع يده لياقة ثوبه ، بلع ريقه بصعوبة هالمواجهة ما كانت هينة عليه ابدا ، ما عمره توقع اساسا إنه إخوانه بواجهونه ، كان كل حياته بالسر وكل أعماله بالسر ، لكن من شهور فقط بدأ كل شي يصير علني من لما بدأت تسجيلات توصل لاسيل على المحطة وإنها تكشف الوجه الحقيقي لعايلة الهاشم وكانت صدمتها كبيرة باللي عرفته عن عمها ، ما تجرأت إنها تقول لأحد غير غيث وقتها وانصدم غيث إنه الكلام حقيقي وانه فيصل بعد متورط مع ابوه بحكم انه محامي ويقدر يغطي عليه بالأوراق ويساعده بأبسط الثغرات ، لكنه ما قدر يتعمق بالتحقيق لأنه موقوف عن العمل بسبب الحادث الي تعرض له من ثلاث سنين ويتعلق بجماعة كان يلاحقها وقدروا إنهم يوقفونه عن العمل بأدلة مزيفة ، وتسبب هالشي بفقدانه لزوجته ثم أغلا أصدقائه ومرت هالسنين عليه بأبشع طريقة ممكنة لكن سبب وحيد تركه يتعلق بالحياة ويرجع يوقف على رجوله ...
-
-
-
-
-
> راجح ...
-
تنهد براحة من حس بقبلتها اللطيفة على كتفه وابتسم يلتفت لها :- وانا اقول وش فيني مضايق أثر اسيل ماهي حولي
ابتسمت تجلس جنب ابوها وتقبل رأسه :- قالت لي العصفورة انك متضايق قلت لزوم اجي اشوف وش مضايق حبيبي
عقد حواجبه بعدم فهم لتؤشر له عالشباك ، رفع راسه يشوف ام عياله وفور ما لمحها قفلت الستارة ، ابتسم يلتفت لاسيل :- تخاف علي للحين ، قولي لها طيب ما فيني شي
هزت راسها بهدوء وسألت بفضول :- كلمت عمي ؟
اكتفى بهز راسه وكملت :- تهاوشتو
التفت لها يطبطب على يدها الي بيده :' مالك ذنب يبه ، كافي انك تخاطرين بحياتك عشانه ..
نزلت راسها بتأنيب ضمير ليكمل والدها :- زعلي يا يبه مو عاللي سوا اخوي ، اخوي من زمان متغير ماهو مثل قبل ، زعلي انك ما عاد حكيتي لي خوفك ، شلون بنت راجح يهددونها وتوصلها تهديدات وانا نايم على اذني شلون يا اسيل ، يا يبه انا اخاف عليكم من برد يجيكم شلون لا دريت انه عصابات تلاحق بنتي وبسبب من اخوي ! لو صار لك شي لو احد أذاك ؟
عضت شفايفها تمنع دموعها الي عجزت تسيطر عليها ونطقت :- ما كنت ابغى اخوفك ..
هز راسه بالنفي :- انا ابغى اخاف يا يبه ، لو الموضوع يمسك ولا يمس اخوانك خوفيني ، شوفي بدر ما يرتاح إلا بالسباقات ما اموت من خوفي عليه ، وسن ولا سيف كل واحد لاهي بحياته ما اخاف عليهم كل يوم يا يبه !؟ اخاف واخاف واجد بعد ، امك الي تعيش ببيت ابوها معززة مكرمة وعندها بدل الحارس مليون اخاف عليها ، وانتي انتي بنتي الغالية ما تبيني اخاف عليك ؟
ارتمت بحضن ابوها تشد عليه :- يبه تكفى والله مو قصدي ، اسفة ..
ما قدرت تصيغ كامل كلامها من تأثرها الكبير من لما حست بذراعه تلتف حولها وتحضنها ، تنهدت براحة من انتبهت لإقتراب ضي وهي تبتسم لهم :- وش كمية هالمشاعر الي فاضت علينا اليوم ، ابوي ببيت الشعر وخالي مساعد وعايلته بالحديقة وجدي مجمع الشباب معه شسالفة وش صاير
ابتسم راجح يمد يده لها تجلس جنبهم ونطق بضحكة :- تأثير الجو الحلو
قوست شفايفها بزعل :- ابوي يقول بيرجع لندن ، ويبي نروح معه وانا ما شبعت منكم باقي
رفعت اسيل راسها من حضن ابوها :- خلك هنا مع جدي اذا تبين ، اساسا وليد ينام عنده
هزت راسها بهدوء وابتسمت :- هذا الي في بالي بس مدري مو مرتاحة احس صاير شي ابوي غريب اليوم
رفع راجح يده لراسها يطمنها :- لا تخافين خالي ما به شي ، شايل هم الشغل تدرين مو هيين يترك كل شي يومين ويجي هنا
كانت بتتكلم لكنها انتبهت لتقدم واحد من العيال لترفع كابها بسرعة تغطي شعرها ونطق راجح :' من ذا
عقد سيف حواجبه :- انا ، خير جلسة سرية
التفت راجح لضي وابتسم :- هذه ضي العينين ماهي وسن
توقفت خطى سيف ونطق :' اعذروني حسبتك جالس مع البنات
هز راسه بهدوء يوقف ويتوجه له يترك البنات مع بعض :- صاير شي ؟
هز راسه سيف بالنفي :' العلم عندك يبوي وش السالفة ؟
تنهد راجح بهدوء :- جدك وينه فيه
أشر سيف لجلستهم :' مع العيال لكنه متضايق وهالشي واضح عليه وغيث بعد قالب وجهه وعمي مساعد ومفلح مختفيين وزوج عمتي بعد مو مبين ؟
تقدم راجح مع سيف ناحية الجلسة وجلس بجانب ابوه بهدوء ، ليرفع معيظ يده يطبطب على كتفه تحت نظراتهم المستغربة ...
-
-
-
-
-
> جلسة البنات ...
-
نزلت راسها على كتف أسيل :- وش مكدر خاطرك
رفعت اسيل اكتافها بعدم معرفة ونطقت ضي :- اسيل ماني غبية ادري في شي ويخوف بعد
اعتدلت اسيل تلتفت لها :- وتدرين اني مقدر اتكلم ضي ليه تصرين علي ... فكينا من هالسالفة ، ما شفت ردة فعل وقت جا سيف ، تخطيتي أخيرا
قلبت عيونها ضي بهدوء :- أخيرا ، يعني بصراحة سخيف يعني لمتى بعلق نفسي بشي اسمه حب أول ومدري وش ، حياتي لندن تنسيك الي ما تنسينه
ضحكت اسيل لتسأل :- معقول لندن ولا الي بلندن ؟
اتسعت عيونها تضرب كتفها :' بس لندن ما في شي غيره ، واساسا شلت هالفكرة من راسي وبركز على دراستي ووظيفتي وبس لا حب ولا خرابيط عندي هدف اكون اندبندنت وومن حياتي
لتتعالى ضحكات اسيل زيادة :' تكفين انتي اندبندنت ؟ انتي حتى مصروفك للحين تاخذينه من ابوك ارتاحي بس
ضربت ضي كتفها تشوف البنات يتقدمون ناحيتهم بدون نور ، لتقول منار :- قبل تسألون نور راحت مع فيصل وما ندري وين
وسن :' ياخي ليه ما الاقي فتى أحلامي انا بعد واتزوج وارتاح منكم
رفعت اسيل حاجبها :' فتى أحلامك قلتي لي ، حياتي انتي اول شي خلصي دراسة بعدها نتفاهم
بوزت وسن ترد ايلاف :' الأخت طبعا توظفت ومعروفة بمجالها اكيد ما بتشوفنا حولها شي
رفعت اسيل اكتافها بغرور لتقاطعهم وريد :- بنات جعت ترا وش رايكم نطلب لنا شي
بانت علامات الحماس عليهم وبدؤوا يقررون وش يطلبون عشان يكملون سهرتهم بما إنها آخر ليلة لهم سوا بالمزرعة ...
-
-
-
-
-
> نور وفيصل :-
-
ابتسمت تحس فيه يشد على يدها والتفتت له :- ليه طلعنا كنا مستانسين معاهم
ابتسم بهدوء :- اشتقتلك ما يصير يعني ، ابغى اقضي كل ثانية جنبك
ناظرت فيه بإعجاب واضح ولمحت كوفي معروف :' اجل نجيب كوفي ونكمل طريقنا وش رايك
هز راسه يقبل يدها :- أبشري الي تبينه يجيك
التفتت له بتساؤل :- تدري انه خالتي بتخطب لراكان
عقد حواجبه :- امي ؟ غريبة ما قالت شي
ضحكت بخفة :- لأنه حتى راكان نفسه ما يدري ، تخيل شافتها بيوم زواجنا ، اسمها شروق خالتي تعرفها وتعرف أهلها بعد وبتكلم راكان بس يروحون من المزرعة
ابتسم فيصل :- رغم انه امي تدري برفض راكان للزواج للحين مصرة
لتسأل نور :- وهو ليه يرفض مو باقي شي ويدخل الثلاثين ترا يعني لمتى بكمل اعزب
ابتسم وهو يوقف قبال الكوفي يلتفت لها يرد :- لأنه يا طويلة العمر وحسب ما فهمت الي يبيها راكان صعبة عليه وصعب يجتمعون ، ومن وقت ما فهم هالشي شال الفكرة نهائيا من راسه والتفت لشغله وبس
رمشت عدة مرات بذهول وتوجه فيصل يجيب لهم كوفي ورجع بعد وقت ، أخذت كوبها والتفتت لفيصل بفضول :- يعني هو وقف حياته كذا عشان بنت ، هذا نصيبه والمفروض يقبل فيه ويكمل حياته ، ما يصير يقفل على نفسه ويحرم نفسه من الحياة
هز راسه بالموافقة ورد :- كلامك صح لكن مو لشخص يحب ، يوم تحبين إنسان من قلبك وتكرسين كل عواطفك واحاسيسك له وبعدها تفقدينه صعب إنك ترجعين تعيشين هالشعور مرة ثانية ، الحين لو ما تزوجنا احنا كنتي بتتزوجين حد ثاني
هزت راسها بالنفي بسرعة :- مستححيل
ليبتسم لها :- شفتي شلون ، وهو بعد عطى كل الحب الي عنده لهالإنسانة وفجأة راحت منه صعب يفتح قلبه ويرجع يعيد التجربة مرة ثانية
ارتشفت من كوبها والفضول ياكلها :- يا ترى من هي ؟ نعرفها ؟ من بنات عمي ولا خالاته ؟ تحمست اعرف
ابتسم يرفع اكتافه بعدم معرفة :- ما اعرف صراحة وما سألته لأن هالموضوع مو هين عليه ومو من حقي اتكلم عن هالشي ولو راكان يبي احد يدري بها اكيد بيتكلم ، لكن كانك تبين تعرفين اسألي فارس يعرف الهوا الي يتنفسه راكان
ضحكت بهدوء والتفتت له من شد على يدها ونطقت :- كل شوي تشد على يدي واحس فيه شي بتقوله ؟ وش فيك فيصل
ابتسم لها :'بقولك لكن مو الحين ، عطيني وقت
اعتدلت تترك كوبها جنبها :' اذا شي يحزن او يضايق ما ابغى اعرفه
تنهد بهدوء يلتفت للطريق يكمل طريقة الي مو واضح وين بتنتهي بعد هالليلة ...
-
-
-
-
-
عند غيث :'
-
سحب جواله واتجه للإسطبل واتصل على امه :- شلونك يالغالية
ام غيث :' هلا حبيبي بخير وانت شلونك طمني وش صار
تنهد يلتفت حوله :' تهون يمه تهون ولا ما تهون
ابتسمت ميساء بهدوء تمسح على راس الطفلة الي بحضنها :' تهون وانا امك ، ورب الكون يهونها ، متى بترجع
غيث :' ودي اليوم ودي اليوم اجيكم لكن بنتظر فهد عندي معاه مواضيع
ميساء :' بتكلمه يعني ؟ يقدر يساعدك
هز راسه بهدوء :' بإذن الله يمه ، حقي وحقها وحق بنتي ومشعل بجيبه ما رح اسامح اي واحد كان له يد باللي صار !
ابتسمت ميساء من فتحت ميلاف عيونها وبدأت تنادي على غيث ، ونفس الشي عند غيث الي بانت ابتسامته من سمع صوتها :- حي الصوت وراعيته يعالم وحشتيني يبنت
زادت ضحكات غيث من كلام ميلاف الغير مفهوم تقريبا لكنه قدر يفهم إنها مشتاقة له كثر شوقه لها بالضبط ، التفت لصوت الخطوات الجاية حوله ونطق :' بدق عليكم انا ..
قفل جواله وانتبه لراكان :' خير اخوي وش هالاسلوب كانه فيلم رعب الناس تتنحنح تتكلم تعلن حضورها وش هالدخول
ابتسم راكان يوقف جنبه ويركي نفسه عكتف غيث :' وش وراك يا الغيث ؟
تنهد غيث يرد بهدوء :' الغيث مهو بأنا ، انا عمك الحين ، الغيث راحت ما بتنسى
التفت راكان لغيث ونطق بشبه انفعال :' ترا ما قصدت شي ورب الكعبة ما كان قصدي شي شفيك
رفع غيث يده لكتف راكان :' هد هد شفيك ، اسفين وانا عمك ما قصدنا نعصبك ، وش جابك
راكان :' شفتك تتسحب هنا قلت وراه مصيبة ودي اعرفها ، وهذا انا صادق وراك شي ، تكلم منو
ابتسم غيث بهدوء يرجع جواله بجيبه قاضي على كل خيالات راكان :' بنتي
التفت راكان لغيث يناظر عيونه وخرجت منه ضحكة استهزاء لكن سرعان ما اختفت من تعابير غيث الجدية والي ما توضح انه يمزح ونطق راكان بصدمة :' قلتو ماتت ؟! شلون ؟
تنهد غيث ينطق أخيرا ما بقلبه :- هذا من رحمة رب العالمين وفضله علي يا ولد اخوي ، خسرت زوجتي لكنها عطتني ذكرى أخيرة منها قبل تروح ، كان صعب اني اخسرهم الاثنين سوا لكن رب العالمين ما كسرني ، لما وصلنا المستشفى كانت تقريبا ميته ، والأطباء بصعوبة قدرو ينقذون ميلاف ، ولدت بالسابع وجلست ثلاث شهور بالحاضنة وكان وضعها خطير ، لكن الحمدلله ربي تلطف فيها وفيني وما كسر فرحتي فيها ، والحين هي عمرها ثلاث سنين
رمش راكان بصدمة ونطق :' ليه ما حد يدري ، وليه علمتني الحين ؟ لي ثلاث سنين اخفيت هالموضوع ولا قلت لأحد؟ غيث وش السالفة ليه في اسرار ما ندري عنهم ليه في اشياء تصير ما نعرف بها ، زوجتك الله يرحمها ووظيفتك ؟ حتى فيصل وسيف وابوي وعمي وجدي كلكم كلكم وراكم شي كبير بعد وما ندري عنه وش هو غيث ؟
رفع غيث يدينه لكتف راكان يهدي انفعاله :' الأسرار ليه اسمها أسرار لان محد يدري بها والسر اذا طلع انكشف ما عاد اسمه سر ، والي نخبيه عنكم لمصلحتكم ولاننا نبي نحميكم وما نسمح لشي يضركم ، ولاننا نخاف عليكم قاعدين نسوي كل شي عشان تكونون بأمان ، يتضررون القليل ولا الكثير ، زوجتي راحت لرحمة ربها ، فيصل وسيف وعمك وابوك أمورهم محلولة صدقني انت لا تشغل بالك فيهم
زفر بغضب يصد عن غيث ينطق :'لا تقولي لا تشغل بالك ، ما رح ارتاح ولا بيهدا لي بال لين اعرف وش الي بينكم ما ندري عنه وتدري فيني ...
قطع غيث الموضوع لأنه يدري تماما اذا راكان حط بباله شي يسويه واذا عرف باللي يصير ما رح يسكت خصوصا انه الموضوع يمس اخوه وبطرف آخر يمس نور وقال :' المهم ليه ما قلت لي بتخطب ؟!
رفع راكان انظاره لغيث بعدم فهم ورفع غيث حاجبه :- تكفى لا تقولي ما تدري ؟!
اعتدل راكان بوقفته :- ادري بوش ؟
رفع غيث يدينه لراسه يبعثر شعره :' ما كنت تدري انه امك بتخطب لك ؟!
خرجت ضحكات صدمة من راكان ونطق :' يعني انت تدري وانا مدري مثلا ؟ وش هالكلام ما فيه منه
دخل غيث يدينه بجيبه ونطق :' مبارك وانا عمك ، العايلة كلها تدري وانت نايم بالعسل ، لكن الي بقوله لك يا راكان عطي نفسك فرصة يخوك ، عطي نفسك فرصة تعيش حياتك تتزوج وتحب ويكون عندك أطفال ، لا تقفل على نفسك ورا أبواب الماضي الي راح ، الكل حولك بيعيش حياته وانت بتستسلم ؟ ماهي حياة والله ماهي بحياة فكر فيها وانا عمك ...
صد راكان بغضب يرد عليه :' كان نفعت نفسك بهالكلام ...
تقدم غيث يمشي ورا راكان ورفع يده يحضن اكتافه ويمشون سوا وكلن شايل همه بنفسه ....