أغرمت بجمال شفتيك!

"27"

دخل البيت وحط جاكيته بالطاوله لقاها جالسه على الكنب مشبكه اصباعها وتهز وجلها بتوتر وشعرها متناثر على كتفها وظهرها..
حط جواله بطاوله وحست فيه والتفتت..
لورا قامت:فرانك؟
فرانك قرب منها بخطوات بطيئه والتصق فيها وصاروا يتبادلون انفاسهم والنظرات
قرب من اذنها:بدون لف ودوران انا حالياً ابي اسمعك وابي اعرف كل شي عنك
توجه للكنبه وجلس..
جلست قدامه وتنهدت وهي تناظر الارض بدون ماتنطق شي..
بعد ثواني تنهد فرانك واردف بملل:تراني جاي من الدوام ومو قادر انتظر اكثر!
ناظرته بنرفزه:طيب!
لورا وهي تحكي حكايتها: انا لورا ولدت في روسيا بالتحدد موسكو
فرانك: وكيف تعرفي اللغه الايطاليه؟
لورا:رجاءاً ماتقاطعني!
رفع حاجبه:كملي
لورا: والدي من روسيا وامي من ايطاليا ولكن قضيت عمري كله في موسكو حتى صار عمري 20 سنه وبعد وفاة اهل والدي قرروا اهلي اننا نجي نعيش في ايطاليا، جيت ايطاليا حاولت اتأقلم على بيئتكم وحياتكم، ومن هنا بدت حكايتي اللي صارت باليونان
فرانك عدل جلسته يبي يسمعها
لورا:وبعد اربع سنوات تعرفت على مجموعة بنات وبعد سنه من تعارفنا طلبوا مني اروح معهم وحله لليونان ووافقت وليتني ماوافقت
رفع فرانك حاجبه وهو كله اذن صاغيه..
لورا:وافقت ورحت معهم وودعت اهلي بكل فرحه انه اخيراً لقيت اصدقاء وبتونس معهم، المهم سافرنا ووصلنا لليونان بس انصدمت انهم كلهم حاجزين غرفهم مع بعض الا انا لحالي تقبلت هالشيء وقلت احسن لأني بكون لحالي واخذ راحتي بس انصدمت بعد يوم من وجودي باليونان انهم كانوا جايين هنا عشان يقابلون حبايبهم ويستمتعون معهم ويسكرون وكان من ضمنهم هذاك الشخص اللي كانت نظراته مخيفه وكانه ناوي على شي
تنهد فرانك بعد ماعرف مين هو "اللي لقوه معها بالغرفه"وحس بشعور الغيره
لورا:كانوا يلمحون لي بأنه اكلمه اروح معه بس ماعطيتهم اي اهميه لانه انصدمت ماتوقعتهم كذا وتوجهت لغرفتي بعد ماتركتهم وهم يسكرون ويقبلون بعض ومن حركاتهم التافهه
فرانك:وكيف دخل غرفتك؟
لورا:لانه انا فتحت له الباب بعد ماكذب علي انه من خدمة الغرف
فرانك بنرفزه:ولهدرجه انتي غبيه تفتحين الباب بدون لاتشوفين من العدسه
لورا:ياخي افهمني ماكنت متوقعه وكنت على وجهي
سند فرانك ظهره بالكنبه بقهر..
لورا : وصار اللي صار
فرانك :وضحي لي وش صار
لورا انهارت بقهر وبدت تبكي: وش اوضح؟ اوضح انه بعد ماودعت اهلي وهم واثقين فيني رحت لليونان عشان يغتصب/ني واحد حيوان! ولا لايكون تحسب هالجزء كذب بعد؟
فرانك: ماقصدي كذا!
قامت لورا بسرعه قوي لدرجة جاها هبوط:انا بطلع غرفتي
حاولت تمشي لكن سرعان ما اغمى عليها وطاحت..
فرانك:لورا..لورا..؟
اخذها بين يدينه بخوف عليها واتجهه خارج البيت
•
•
كان جالس بحديقة قصرهم يفكر بأخته وباللي صار بينهم..
بس قاطع تفكيره صوت مساعده:استاذ كيفين مدير الملهى يتصل
مسك كيفين الجوال وهو يرن بأسم "ليو"
كيفين:اهلا
ليو:اهلا كيفين صار لي فتره عنك وينك؟ استغربت انك ماسالت عني بعد طول هالشهور الا البوم بس عشان هاذي البنت ممكن اعرف سبب رغبتك بزيادة راتبها؟
كيفين:شف انا من يوم عرفتك وانت تلف وتدور
ليو:مين قال هالكلام؟
كيفين:المهم، انا غيرت رأيي ما ابيك تزيده
ليو:طيب كان عطيتنا خبر قبل لانتصل
كيفين بأستهزاء:اوه اسف تعبتك معي
كيفين بصرامه:انا ابيك تطردها
ليو بصدمه:كيف؟؟وليش؟ هاذي من افضل الراقضات عندنا وبعدين كيف تبينا نزيدها راتب والحين تقول اطردها؟
كيفين:نفذ اللي قلته لك ولا بتشوف شي مايعجبك
ليو:انت تهدد وش قصدك؟
كيفين:تتذكر بيت المزرعه؟
ليو:خلاص خلاص اعتبرها من الان مطروده
كيفين: بس ابي طلب صغير
ليو:نعم؟
•
•
كانت جالسه بالبلكونه تلعب بشعرها
مديرة الراقصات:ايفانا انتي مطروده
ايفانا بصدمه:تمزحين صح؟
المديره:وليه امزح معك؟
ايفانا: مو من جدكم!!
بعدت ايفانا المديره عن وجهها واتجهت لمكتب المدير
المديره:ايفانا وقفي!!
دخلت بكل عصبيه وقوه: وش هذا اللي سمعته؟
المدير:وش قلة الادب هاذي كيف تدخلين كذا؟
المديره:حاولت اوقفها!
المدير وجه كلامه للمديره:المهم ماعلينا انتي اطلعي برا وخليها معي
ايفانا بعد ماطلعت المديره:بأي حق تطردني
المدير:تفضلي اجلسي واحترمي الفاظك
ايفانا جلست وهي تبعد شعرها خلف اذنها:اسمعك ابي سبب مقنع للطرد المفاجئ هذا
المدير:اولا قبل لا اقول لك السبب الاساسي فيه سبب انت تحسبيني ما اعرفه وهو انك تتعذرين عن وظيفتك دايماً وتجين تبصمين فقط وتحسبين انه سمر"المديره" تتستر عليك!
انقهرت ايفانا مم السبب اللي مب رئيسي اساساً فما بالها الرئيسي وانقهرت كيف انه طلعت المديره غادره فيها!
المدير:والسبب الرئيسي انه احد العملاء مشتكين عليك
ايفانا:وايه؟
قدم لها صورته وانصدمت بشوفته!
"بعد نقاش دام لمدة نص ساعه"
طلعت من مكتب المدير بقهر اخذت اغراضها وطلعت بدون ماتودع اي احد وتوجهت لشقتها..