ကိုယ်ဝန်ဆောင်ကာလအစပိုင်းမို့ စိတ်ရှုပ်ရသည့်ကြားထဲတွင် တက္ကသိုလ်တွင် campus မှ online ပြောင်းမည့်ကိစ္စကလည်းလွန်စွာမှအာရုံစားပါသည်။ online course ဖြစ်လျင် student visa ဆက်ပေးဖို့အဆင်မပြေဘူး ဆိုသည့်အကြောင်းပြချက်ကြောင့် အင်္ဂလန် တွင်ဆက်နေဖို့တောင် အခက်တွေ့နေသည်။ ဘယ်သူ့ကိုမှမတိုင်ပင်ဘဲ တစ်ဦးတည်းကြိတ်ဖြေရှင်းနေခြင်း ဖြစ်တာကြောင့် ထိုကိစ္စတွေကို ရှောင်းကျန့် မသိချေ။
အကျိုးအကြောင်းမသိသည့်အလျောက် ရှောင်းကျန့် တစ်ယောက် ရိပေါ် အိမ်ပြောင်းဖို့အရေးဗျာများနေသည်။ အကြောင်းက ရိပေါ် အခုနေသောတိုက်ခန်းမှာ ရှောင်းကျန့် နှင့်အနည်းငယ်ဝေးသည်။ အေးအေးဆေးဆေးနေရတာပဲကြိုက်သည့် ရှောင်းကျန့် က ဘွဲ့ကြိုပြီးကတည်းက အခန်းသပ်သပ်ငှါးနေတာဖြစ်သည်။ မြို့လယ်ခေါင်၏ လူရှုပ်ထွေးမှု၊ ဆူညံမှု များအား သဘောမတွေ့သည့် ရှောင်းကျန့်က မြို့အစွန်အဖျားနားတွင်အခြေချသည်။ ယခုတော့ ရိပေါ်ကိုလည်း သူနဲ့အတူလိုက်မနေလျင်တောင် သူ့အနီးအနားမှာနေဖို့ မသိမသာဖိအားပေးပါသည်။
" ဒီအခန်းက မားတို့နဲ့နီးတယ် ဆိုပေမဲ့သူတို့ကအိမ်မှာအမြဲရှိနေတာမဟုတ်ဘူးလေ ရိပေါ်ရာ။ ကိုယ်ပြောတာ သဘောပေါက်တယ် မို့လား။ "
ရိပေါ့် ပစ္စည်းတွေအား ကတ်ထူပုံးတွေနှင့်သိမ်းနေရင်း ရှောင်းကျန့် ကစကားဆိုလာလေသည်။
" ကျန့်ကော အရမ်းကြီးအလျင်လိုနေတယ် မထင်ဘူးလား။ ကျွန်တော့်ကိုယ်ဝန်က တစ်လကျော်ရုံလေးရှိသေးတာလေ။ "
" ဟဟ၊ ကိုယ်အိမ်လခ ပါချေလာပြီးပြီ ရိပေါ် ရဲ့။ "
ခပ်ဟဟရယ်လျက်ပြောလာသည့် စကားကြောင့် ရိပေါ် ပြောစရာပင် ပျောက်ရှရသည်။ မပြောလျင်မရတော့မည့် အခြေအနေဖြစ်တာကြောင့် သက်ပြင်းချလိုက်ပြီး ကိစ္စပြောပြဖို့ပြင်ရတော့သည်။
" ကျွန်တော်က တရုတ်ပြည်တောင်ပြန်ရလောက်မှာ ကျန့်ကော ရ။ ဘာလို့မတိုင်ပင်ပဲလျောက်လုပ်ရတာလဲ "
ရိပေါ့် စကားအဆုံး ရှောင်းကျန့် က စူးစူးဝါးဝါးမော်ကြည့်လာသည်။ အနည်းငယ် ဒေါသထွက်နေသယောင် ရှိပြီး စိတ်ရှုပ်ထွေးကာ စိုးရိမ်ရိပ်တွေသန်းနေသော ရှောင်းကျန့် မျက်ဝန်းတွေကို ရိပေါ် ခပ်အေးအေးပဲ စိုက်ကြည့်နေမိသည်။
YOU ARE READING
𝙊𝘾𝙀𝘼𝙉
FanfictionOur love is dedicated, complex and turbulent like the OCEAN. No matter how complicated it was, the harmony of our hearts and whispers of the promises may reunite us, one day. This story is from "Our KoKoe's 33rd Birthday Donation" project by BFRFXTF...
